MENU

विज्ञान प्रविधि

Ncell Axiata
chhaka panja

प्रशान्त महासागरमा प्रतिबन्धित रसायन

फागुन ३ – प्रतिबन्धित रसायन प्रशान्त महासागरमा फेला परेको छ । सन् १९७० को दशकमा प्रतिबन्ध लगाइएको रसायन प्रशान्त महासागरको गहिराइमा भेटिएको एक अध्ययनले देखाएको छ । प्रशान्त महासागरको निकै तल समुद्री पारिस्थितिक प्रणालीमा ठूलो मात्रामा पोलिक्लोरिनेटेड बाइफेनलस् (पिसिबी) तथा पोलिब्रोमिनेटेड डाइफेनल इथर (पिबिडिइ) सहितका प्रतिबन्धित रसायन भेटिएको वैज्ञानिकले बताएका छन् । बीसौं शताब्दीमा उच्च मात्रमा प्रयोग भएका यि रसायन विषालु रहेको भन्दै प्रतिबन्ध लगाइएको थियो ।

यि रसायन विषालु रहेको र वातावरण विकास हुने गरेको पाइएपछि प्रतिबन्ध लगाइएको थियो । तर प्रशान्त महासागरको गहिराइमा ठूलो मात्रामा यि रसायन भेटिएको नेचर इकोलोजी एण्ड इभोलुसन जर्नलमा प्रकाशित अनुसन्धान प्रतिवेदनमा उल्लेख गरिएको छ ।

प्रशान्त महासागरको तल्लो सतहमा ठूलो मात्रामा विषालु रसायनसहितको जलीय लेउ फेला परेको अनुसन्धानमा संलग्न न्युक्यासल विश्वविद्यालयका डा. एलन जेमिसनले बताउनुभयो । पिसिबी र पिबिडिइलाई मुख्य गरी इलेक्ट्रिकल इन्सुलेटर तथा फ्लेम रेटार्डन्टस्को रुपमा प्रयोग गरिन्छ । अमेरिकाले सन् १९७९ मा पिसिबीको उत्पादनमा प्रतिबन्ध लगाएको थियो ।

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
western union
nepali women
पछिल्ला समाचारहरु

सोसल मिडिया