MENU

विचार/अनुभूति

रक्सीमा लठ्ठीएर ड्युटीमा ट्राफिक, कारबाही कसलाई ?

भिमसेन तिमल्सिना

सिंहदरबारको पश्चिम गेट अगाडि । बिहान १० बजे । अफिस समय भएकाले सडकमा गाडीको चाप धेरै नै थियो । भद्रकालीतर्फबाट सिंहदबारतर्फ जाँदै गरेको एउटा स्कुटरले लेन मिच्यो । 

ड्टुटीमा खटिएका प्रहरी सहायक निरीक्षक कृष्णप्रसाद भट्टराईले कारबाही प्रक्रिया अगाडि बढाउन लागे । नियम मिच्नेलाई कारबाही गर्नु सामान्य हो । कारबाही गर्नु पनि पर्छ । नियम मिच्दै गाडी चलाउनाले दुर्घटना हुने, जाम हुने भएकाले त्यसलाई न्युनिकरण गर्न सरकारले ट्राफिक प्रहरीको व्यवस्था गरेको छ । त्यसै अनुसार ट्राफिक प्रहरीले विभिन्न सचेतना फैलाउँदै आफ्नो ड्युटी गर्छन् । रक्सी खाएर गाडी चलाउनु हुँदैन, क्षमता भन्दा बढी भार बोक्नु हुँदैन, ट्राफिक नियम मिच्नु हुँदैन लगायतका नियम चालकलाई राम्रैसँग पढाएका हुन्छन् ट्राफिकले ।

तर अचम्मको कुरा ड्युटीमा रहेका ट्राफिक आफैं रक्सी खाएर ड्युटी गर्छन् । मंगलबार सिंहदरबार अगाडि यस्तै दृश्य देखियो । भद्रकालीतर्फबाट सिंहदबारतर्फ गएको स्कुटर एक महिलाले हाँकेकी थिइन् । उनको पछाडि एक पुरुष बसेका थिए । स्कुटरले लेन मिच्यो । ड्युटीमा खटिएका प्रहरी सहायक निरीक्षक कृष्णप्रसाद भट्टराई (असइ)ले लाइेसन्स मागे । लाइसेन्स माग्दै ट्राफिक असइ भट्टराईको मुखबाट निस्किएको स्वासको गन्ध उनीहरुले चाल पाए । ‘अरुलाई नियम सिकाउने तपाई आफै रक्सी खाएर ड्युटी गर्ने ? गल्ती हाम्रो होइन तपाईंको छ, हिँड्नु तपाईंलाई लान्छौं हामी प्रहरीकोमा ।’

यो सबै कुरा नियालेर म लगायत १०/१२ जना युवा हेरिरहेका थियौं । गाडीको ट्रायल परीक्षा दिन बिहानै ट्राफिक महाशाखा पुगेका हामीले यो दृश्य देखेपछि हामी पनि घटना भएको ठाउँमा गयौं । ति ट्राफिकको मुखबाट ढुङढुङ्ती रक्सी गन्हाएको थियो । दिउँसै रक्सी खाएर बर्दीको धज्जी उडाउँदै ड्युटीमा खटिएका ति प्रहरीले गल्तीको महसुस गर्नुको साटो उल्टै त्यहाँ जम्मा भएका म लगायतलाई गाली गरे । चालकलाई पाठ सिकाउनेले यसरी रक्सी खाएर ड्युटी गर्न मिल्छ भन्दै हामीले हाका¥यौं । 

झण्डै पाँच मिनेट जति त्यहाँ गलफल्दी भयो । ति ट्राफिकको नजिक पुग्ने जोकाहीले पनि सजिलै पत्ता लगाउन सक्थ्यो ‘उ रक्सीले टिल्ल छ, आँखा राता छ, बोली लरबरिएको छ, खुट्टा पनि सजिलै टेक्न सक्दैन ।’

हामीले ति ट्राफिकलाई ट्राफिक महाशाखा बुझाउन लाग्यौं । मान्छे धुरिएको देखेपछि महाशाखाकाबाट आएका तीन चार जना ट्राफिकले ट्राफिक असइ भट्टराई डो¥याउँदै त्यहाँबाट महाशाखा लगे ।

हामी १०÷१२ जना पनि पछि पछि गयौं । महाशाखा पु¥याएपछि ति चालक र स्कुटरमा सवार दुईजनालाई पनि कोठाभित्र लगियो । हामीलाई भित्र छिर्न दिइएन । /‘यो तिमीहरुको काम होइन, तिमीहरु सबै बाहिर जाने, हाम्रो समस्या हो, हामी छानविन गछौं ।’ सादा पोशाकमा रहेका एक प्रहरीले भने । हामीलाई भित्र छिर्न दिइएन । उता ट्रायल दिनुपर्ने भएकाले म लगायत अन्य साथी पनि ट्रायल दिन ठाउँतर्फ लाग्यौं ।

ट्रायल दिन लाइनमा लागिरहँदा सम्म सोचे, कता जाँदै छ हाम्रो देश ? नियमको पालना गराउनेहरुलाई नै हामीले नियम सिकाउनु पर्ने भएपछि कसरी बन्ला देश । नागरिकले तिरेको करबाट तलब भत्ता खाएर, बर्दीको दुरुपयोग गर्दै रक्सी खाएर ड्युटी गर्ने ट्राफिकलाई कारबाही गर्नु पर्छ कि पर्दैन ? यसको जवाफ कसले दिने ? ट्राफिक प्रहरी महाशाखाको जिम्मेवारी सम्हाल्नु भएका डिआइजी प्रकाश अर्याल ज्युले रक्सी खाएर ड्युटीमा खटिएका यस्ता ट्राफिकलाई कारबाही गरेको सुन्न पाइयोस् । म लगायत सबै चालकको यही अनुरोध छ । 

Mitsubishi

प्रतिक्रिया दिनुहोस

सम्बन्धित सामग्रीहरु

  • सिन्डिकेट एक्सप्रेस : घोक्राएर खाँद्छ, उफार्दै लान्छ

    सिट मात्र भरिएर हुँदैन, टेक्ने र झुण्डिने ठाउँ समेत नभर्दासम्म गाडीवालाको चित्त बुझ्दैन । नत्र बस साहुको खल्ती भरिँदैन । सुरुमा रित्तै रहेको बस जसरी पनि बसवालाले भर्छ । केही लागेन भने घण्टौं पर्खाउँछ । वर आएर पनि फेरि पहिल्यैकै ठाउँमा फर्काउँछ । बोकेर, उचालेर, झ्याँकुटी पारेर, लोभ्याएर, फकाएर जसरी पनि मान्छे खाँद्छ ।

  • विचरा बोर्डिङका विद्यार्थी : जेलसरी जिन्दगी, व्यवहारिक ज्ञान शून्य

    ९८ प्रतिशत ल्याएर पास गरिरहेको छोरोलाई घर परिवारलगायत व्यवहारिक पक्ष केही पनि थाहा हुँदैन । थाहा होस् पनि कसरी उसलाई परिक्षामा कसरी प्रतिशत बढाउने फर्मुला बाहेक अरु केही सिकाइएन। सबै किताबका फर्मुला कण्ठ बनाइयो तर उसलाई जिन्दगीको फर्मुला कहिल्यै सिकाइएन।

  • संस्कृतभाषा र धर्म–संस्कृति–शिक्षाका बालपाठ्यपुस्तक

    वर्तमान परिस्थितिमा नयाँ पुस्तामा धार्मिक–साँस्कृतिक जागरणको आव¬श्यकता अनुभव गरेर लामो समयदेखि संस्कृत भाषाको र वैदिक हिन्दु धर्म–संस्कृतिको अध्ययन, मनन, आचरण र प्रचार–प्रसारमा संलग्न हुँदै आएको स्वाद्ध्यायशाला¬कुटुम्ब यसतर्फ अग्रसर भैरहेको छ ।

  • भर्ना अभियानको तामझाम : गुणस्तर सुधारमा किन जाँदैन ध्यान ?

    भर्ना अभियान बिगतमा पनि हामीले हेरेकै हौँ । अहिले पनि त्यसलाई निरन्तरता दिन खोजिएको छ । हरेक वर्ष सरकारी निकायबाट तामझाम देखाउने क्रम यो वर्ष पनि चलेकै छ । तर विद्यार्थी सामुदायिक विद्यालयमा किन आएनन् ? कसरी विद्यार्थीलाई आकर्षण गर्ने ?

  • एमाले–माओवादी एकता : मासिने पालो अब कसको ?

    भारतले नमिलाइदिएसम्म एक अर्काका शत्रु रहेका एमाले र माओवादी मिलाप भएर तालमेल गरेर चुनावमा जाँदा कांग्रेस सकियो । यी दुई कम्युनिष्ट जोडिएर एउटै पार्टी बनाउने क्रम चल्दैछ यस बेला ।तर एउटा शक्ति अर्का विरूद्ध प्रयोग भएर क्रमै सँग एक–अर्कालाई मास्ने विदेशी दाउ रोकिएको छैन नेपाली राजनीतिमा ।प्रश्न बाँकी छ, मासिने पालो अब कसको ?

सबै हेर्नुहोस
Skill Training
पछिल्ला समाचारहरु

सोसल मिडिया