MENU

साहित्य/ कला

Ncell Axiata
USAID

रहस्यमयी पर्पलको कथा फागुन तेस्रो हप्ता सार्वजनिक हुने

काठमाडौं, फागुन ४ – युवाको जीवन भोगाइ, सोच, खोज, चिन्तन र प्रेम विषयमा लेखिएको मिलन सङ्ग्रौलाको पहिलो उपन्यास पर्पला फागुन तेस्रो हप्ता सार्वजनिक हुनेभएको छ । नेपाली साहित्यमा युवा केन्द्रित विषयवस्तुमा कलम चलाइरहेका सङ्ग्रौलाले युवायुवतीको कलेज जीवन, त्यस बखत युवायुवतीमा देखिने प्रेमाकर्षण र त्यसबाट तत्कालीन जीवनमा पर्ने प्रभाव र पारिवारिक तथा सामाजिक मूल्यमान्यतालाई उपन्यासमा उतारेका छन् । मोफसलबाट काठमाडौं आई आधुनिक समाजसँग पौठेजोरी खेल्दै प्रेममा पर्ने बबिन, स्कूलकी सहपाठीसँगको आकर्षणमा जीवन आहूति दिन पछि नपर्ने दिव्य र रहस्यमयी पात्रा पर्पलाबिचको त्रिकोणात्मक प्रेमलाई उपन्यासको विषय बनाइएको छ ।

उपन्यासमा युवाबिचको प्रेम, यथार्थ र सामाजिक मनोविज्ञानलाई मिहीनरुपमा प्रयोग गर्ने कोशिस गरेको लेखक सङ्ग्रौलाले बताउनुभयो । सङ्ग्रौलाले तीन वर्ष लगाएर लेखेको उपन्यास पर्पलालाई बुक–हिल पब्लिकेसनले बजारमा ल्याउन लागेको हो ।

पर्पलाको विषयवस्तु र चित्ताकर्षक लेखाइ–शैलीका कारण यो उपन्यास युवा मात्रै होइन, जुनसुकै उमेरवयका पाठकले पनि मन पराउनेमा आफू आशावादी रहेको बुक–हिलका प्रबन्धक पवन आचार्यले बताउनुभयो । २६४ पृष्ठको उपन्यासको मूल्य ३१५ रुपैयाँ राखिएको छ ।

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Job Vacancy
पछिल्ला समाचारहरु

सोसल मिडिया