MENU

विज्ञान प्रविधि

Ncell Axiata
sagun

भिटामिन ‘डी’ को पिल्सले जोगाउँछ रुघा र फ्लुबाट

फागुन ५ – भिटामिन ‘डी’ को पिल्स खाएमा रुघा तथा फ्लुको संक्रमणकाट बच्च सकिने वैज्ञानिकले बताएका छन् । नयाँ अनुसन्धानले भिटामिन ‘डी’ को पिल्स खाएमा चिसोका कारण लाग्ने रुघा तथा फ्लुबाट बच्च सकिने देखिएको अनुसन्धानमा संलग्न वैज्ञानिकले बताएका छन् । भिटामिन डी स्वस्थ हड्डीका लागि निकै महत्वपूर्ण हुन्छ । यस्तै रोगप्रतिरोधात्मक प्रणालीमा पनि भिटामिन ‘डी’ को भूमिका महत्वपूर्ण रहन्छ । ब्रिटिस मेडिकल जर्नलमा प्रकाशित विश्लेषणात्मक अनुसन्धान प्रतिवेदनमा खाद्यन्नमा भिटामिन ‘डी’ सहित अरु भिटामिनको मात्र रहनु पर्नेमा जोड दिइएको छ । भिटामिन ‘डी’ ले हड्डीलाई थप बलियो बनाउने तथा मांशपेसीका लागि पनि यो भिटामिन राम्रो रहेको वैज्ञानिकको भनाई छ । प्रतिरोधात्मक प्रणालीमा भिटामिन ‘डी’ ले एन्टिमाइक्रोबाएल बनाउने र यसले ब्याक्टेरिया तथा भाइरसलाई परास्त गर्न सहयोग गर्ने डाक्टरले बताएका छन् । घामका कारण छालामा भिटामिन ‘डी’ बन्ने गरेको छ । तर जाडोको समय घाम कम लाग्ने भएकाले धेरै मानिसमा भिटामिन ‘डी’ को मात्रा कम हुने गरेको छ । यस्तो बेलामा भिटामिन ‘डी’ को पिल्स खाएमा रुघा तथा फ्लुबाट बच्न सकिने प्रतिवेदनमा उल्लेख गरिएको छ । फ्लु विरुद्धको खोप भन्दा भिटामिन ‘डी’ उपयुक्त हुने वैज्ञानिकको भनाई छ । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया