MENU

साहित्य/ कला

सिर्जना संवाद : काडमाण्डू सेल्फी एक आत्मचित्र

काठमाडौं, फागुन ५ – साहित्यकार प्रकाश सायमीको कृति ‘काठमाण्डू सेल्फी’ माथिको पाठकीय चर्चा कार्यक्रम बिहीबार काठमाडौंमा भएको छ ।

काठमाडौं सार्वजनिक पुस्तकलायको आयोजना तथा साहित्यकार डा. सनतकुमार वस्तीको संयोजनमा सुरु भएको ‘सिर्जना संवाद’ कार्यक्रमको दोस्रो अंकमा नेपाली कला, साहित्य तथा सिनेमा र त्यससँग जोडिएका विभिन्न विषय र घटनाका विषयमा लेखिएको पुस्तक ‘काठमाण्डू सेल्फी’ माथि चर्चा भएको हो । कार्यक्रममा सहभागीले पुस्तकका बारेमा आ–आफ्नो धारणा व्यक्त गरेका थिए । सँस्कृतिकर्मी चेतन कार्कीले काठमाण्डू सेल्फीमा लेखकले नेपाली साहित्य, कला, संगीत र सिनेमा मात्रै नभएर विश्व साहित्यका विभिन्न व्यक्ति र विषयका बारेमा लेखेकाले यो पुस्तक संग्रहणीय बनेको बताउनुभयो ।

कथाकार माया ठकुरीले लेखकको लेखन शैलीबाट आफू निकै प्रभावित भएको र पुस्तकबाट धेरै कुराका बारेमा जानकारी पाएको बताउनुभयो । उहाँले यो पुस्तक आफूले अरु धेरैलाई पनि उपहार स्वरुप दिएको बताउनुभयो ।

गीतकार सुवासचन्द्र ढुंगेलले कुनै पनि पुस्तक पठनीय बन्नका लागि पुस्तकमा भएका विषयवस्तु बान्की मिलेको हुनु पर्ने र काठमाण्डू सेल्फी ठाँचा मिलेको पुस्तक रहेको बताउनुभयो ।

गायक संगीतकार शैलेश सिंहले आफू लेखकलाई नजिकबाट चिन्न पाउने व्यक्तिभित्र परेकोमा खुशी व्यक्त गर्दै पुस्तक साँच्चिकै कला, साहित्यको सेल्फी अर्थात आत्मचित्र बनेको बताउनुभयो ।

पुस्तकका बारेमा कवि मुरारी सिग्देल, सहित्यकार तिर्थराज वन्त, सनतकुमार वस्तीसहितका व्यक्तिले बोल्नुभएको थियो । सिर्जना संवाद कार्यक्रम हरेक महिनाको पहिलो बिहीबार हुने गरेको छ । 

 

Mitsubishi

प्रतिक्रिया दिनुहोस

सम्बन्धित सामग्रीहरु

  • ​साहित्य यात्रा सगरमाथा सँगसँगै : सगरमाथा हेर्दै रचना वाचन

    ओखलढुंगा, चैत २९– नयाँ वर्षको पूर्व सन्ध्यामा नयाँ वर्ष मनाउनेहरुका विभिन्न कार्यक्रमका सूची तयारी भैसके । घुमफिर, भेटघाट, वनभोज, सांस्कृतिक कार्यक्रमको आयोजनाजस्ता कार्यक्रममा नेपालीहरु व्यस्त हुन्छन् ।

  • प्याकुरेलको कथा सङ्ग्रह ‘झुल्या कागत’ विमोचन

    काठमाडौं चैत २५ – कथाकार प्रमोद प्याकुरेलको पहिलो कथा सङ्ग्रह ‘झुल्याकागत’ विमोचन भएको छ ।

  • राजा सिद्धीनरसिंह मल्लले लेखेका गीतको एल्बम सार्वजनिक

    काठमाडौं, चैत २४ – राजा सिद्धीनरसिंह मल्लले लेखेका ३६ वटा गीत संग्रहित गीति एल्बमको शनिबार लोकार्पण गरिएको छ ।

  • कुहिराे

    मैले लगाएको चोट खप्न नसकेर आमा मैलो मजेत्रोले अाँसु पुछ्नुहुन्थ्यो । क्षयरोग सर्ने डरले व्यथा किटान भएदेखि नै आमाका लुगाहरूसम्म कसैले धुने आँट गरेनन् । सानै उमेरदेखि मेरो स्वभाव एकलकाटे थियो । साथीहरू कोहीसँग पनि घनिष्ट सम्बन्ध बनाउन सकिनँ मैले । मैले भनेको कुरामा साथीहरू असहमत हुँदा पटक पटक सिँगौरी खेलेको छु मैले ।

  • कम्युनिस्ट हुन रक्सी पिउँदा‍...

    प्रतिदिनजस्तै भेट्ने, एउटा न एउटा कार्यक्रममा लैजाने, भाषण गर्न लगाउने, पुस्तक पढ्न दिने, रेस्टुराँमा लगरे ख्वाउने, अनि आत्मीयता प्रदर्शन गरेर वशीभूत पार्ने प्रयास गरिरहनुहुन्थ्यो । तर कतिपय कुरामा मेरो आफ्नै तौरतरिका र अडान रहन्थे । कहिलेकाहीँ तर्क गरेर उहाँका कुरा काट्ने, केही शास्त्रीय विचारका अडान राख्ने गर्दथेँ । पतलुन लाउँदैनथेँ, मदिरा पिउँदैनथेँ

सबै हेर्नुहोस
Skill Training
पछिल्ला समाचारहरु

सोसल मिडिया