MENU

समाज

Ncell Axiata
USAID

अब बाजुरा-काठमाडौं डिलक्स बस

 

बाजुरा, फागुन ५ - बाजुराको सदरमुकाम मार्तडीदेखि काठमाडौंका लागि सिधै बस छुट्ने भएको छ । सुदूरपश्चिम यातायात बस व्यवसायी सङ्घले बिहीबारदेखि बस सेवा सञ्चालन गरेको सुदूपश्चिम यातायात बस व्यवसायी समितिका वरिष्ठ उपाध्यक्ष पदम सापकोटाले बताउनुभएको छ । 

उहाँले बाजुराका जनतालाई काठमाडौं जान धनगढी र अन्य यातायातमा यात्रा असहज हुँदै आएकाले सुदूरपश्चिम यातायात बस व्यवसायीले बस सञ्चालन गरेको बताउनुभयो । बिहान ६ बजेदेखि सदरमुकाम मार्तडीदेखि बस सेवा सञ्चालन हुने भएको छ । बाजुराबाट काठमाडौं जान धनगढी हुँदै काठमाडौंको टिकट काटेर जानुपर्ने बाध्यता भने हटेको छ । 

मार्तडीबाट काठमाडौंको यात्रा गर्ने बस सञ्चालनमा आएपछि जिल्लाका बासिन्दालाई सहज भएको यात्रु कोल्टी गाविस-८ की झोपु बुढाले बताउनुभयो । सुदूरपश्चिम यातायात जिल्ला प्रतिनिधि सुरत शाहले मार्तडीदेखि काठमाडौंको २ हजार ८ सय रुपैयाँ भाडा कायम गरिएको बताउनुभयो । 

बिहीबार बिहान साढे ७ बजे उद्योग वाणिज्य सङ्घ बाजुराका अध्यक्ष देवबहादुर रोकायाले रिबन काटेर बस सेवा सञ्चालन गर्नुभएको थियो । बिहीबार चारजना यात्रु काठमाडौं गएका छन् । रासस 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Job Vacancy
पछिल्ला समाचारहरु

सोसल मिडिया