MENU

समाज

Ncell Axiata

आमाले गरिन् दोस्रो बिवाह, चार जना छोराछोरीको बिचल्ली

बालकुमार शर्मा/उज्यालो ।

जाजरकोट, फागुन ६ – जाजरकोटको ढिमेमा चार जना बालबालिका बेसहारा भएका छन् ।  द्धन्दकालमा बुबाको ज्यान गएपछि आमा अर्कैसँग बिहे गरेर गएपछि चार जना बालबालिका विचल्लीमा परेका हुन् । बालबालिकाका बुबा बुद्धी विकको द्धन्द्धकालमा ज्यान गएपछि आमा रुपाले दोस्रो विवाह गरिन् । बुबाको ज्यान गएपनि आमाको सहारामा हुर्किदै आएका चार जना बालबालिका आमाले पनि छाडेर गएपछि बेसहरा भएका हुन् । 

बेसहारा हुनेमा १० वर्षीया पार्बती, ७ वर्षिया चन्द्रा, ६ वर्षिया निर्मला र ४ वर्षिय अनिल छन् । स्थायी घर डोल्पा भएका वुद्धिको द्धन्द्धकालमै ज्यान गएपछि श्रीमती रुपाले जाजरकोटमा दोस्रो विवाह गरेर गएपछि बालबालिका बिचल्लीमा परेको स्थानीयले बताएका छन् ।

रुपाको माइती घर पनि जाजरकोट कै ढिमे–२ मा छ । अहिले बालबालिकाहरु मावल घर ढिमेमा बस्दै आएका छन् । मावली घरको आर्थिक अवस्था कमजोर भएका कारण बालबालिकाको लालनपालन तथा पठनपाठनमा समस्या भएका मावलीलिे बताएका छन् । 

१० वर्षिया पार्वतीले भनिन् ‘बाबाको पहिले नै निधन भो, आमाले छोडेर गइन्, हाम्रो घर डोल्पामा कोही पनि आफन्त छैनन, हामी मावली घर आयौ तर मावलीको घरमा पनि खान लाउन समस्या छ, एकदमै नाजुक छ हाम्रो अवस्था छ । कतैबाट सहयोग भए केही हुन्थ्यो की ।’

जाजरकोटमा बालबालिका सम्बन्धी सहयोग गर्ने कार्यक्रम समेत नभएकोले ती बालबालिकाको उचित पठन पाठनमा सहयोग पुर्‍याउन नसकिएको गैह्र सरकारी संस्था महासंघका अध्यक्ष वीरवहादुर बस्नेतले बताउनुभयो ।  

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया