MENU

समाज

Ncell Axiata
sagun

सरकारी कागज किर्ते गरेको आरोपमा प्रधानाध्यापक पक्राउ

बैतडी, फागुन ६ – सरकारी कागज किर्ते गरेर फरार भएको आरोपमा बैतडीको पिपलकोट माध्यमिक विद्यालय उदयदेव लोजनीका प्रधानाध्यापक रमेश ओझालाई प्रहरीले पक्राउ गरेको छ । 

गएको असारमा विद्यालय व्यवस्थापन समितिले प्रधानाध्यापक रमेश ओझाले शिक्षक पदपूर्तिमा विद्यालय व्यवस्थापन समितिका सदस्यहरुको दस्तखत किर्ते गरेको आरोप लगाउँदै जिल्ला प्रहरी कार्यालयमा जाहेरी दर्ता गरेका थिए । 

विद्यालय व्यवस्थापन समितिले जाहेरी दर्ता गरेकै दिनदेखि फरार रहेका ओझालाई हिजो बिहीबार बैतडीको गोठलापानीबाट पक्राउ गरिएको जिल्ला प्रहरी कार्यालय बैतडीका प्रहरी निरीक्षक सुरेन्द्र बमले जानकारी दिनुभयो । 

पक्राउ परेका ओझालाई बिहीबार नै जिल्ला अदालतबाट सातदिनको म्याद थपी अनुसन्धान थालिएको समेत उहाँले बताउनुभयो । ओझालाई लागेको आरोप प्रमाणित भएमा सरकारी कागज किर्ते दस्तखत नकबजनी मुद्दा अन्तर्गत कारवाही हुने प्रहरीले जनाएको छ ।

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया