MENU

राजनीति

Ncell Axiata
USAID

संविधान संशोधन प्रस्तावको पक्ष र विपक्षमा दोहोरी

काठमाडौं, फागुन ६ – दलहरु संविधान संशोधन प्रस्तावको पक्ष र विपक्षमा फेरि विभाजित भएका छन् । सरकारले फागुन १० गते बस्ते संसद बैठकमा संशोधन प्रस्ताव छलफलका लागि पेश गर्ने आन्तरिक तयारी थालेसँगै दलहरु त्यसको पक्ष र विपक्षमा खरो रुपमा उत्रेका हुन् । 

राप्रपाको एकता महाधिवेशनमा शुभकामना दिन पुगेका दलका शीर्ष नेताहरुले संशोधन प्रस्ताव अघि बढाउन हुने र नहुने पक्षमा विभाजित भएका हुन् । कांग्रेस, माओवादी र मधेसी दलहरुले सबैको भावना समेट्न संविधान संशोधन पारित गर्नुपर्ने धारणा राखे पनि एमाले र राप्रपाले अहिलको संशोधन प्रस्तावले देशको हित नगर्ने जिकिर गरे ।  

प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहालले संविधान कार्यान्वयको महत्वपूर्ण कडीका रुपमा संशोधन रहेकाले त्यसलाई समथर्न गर्न राप्रपालाई आग्रह गर्नुभयो । उहाँले संविधान घोषणा हुनुअघि नै तीन दलका तर्फबाट तत्कालीन प्रधानमन्त्री सुशील कोइरालाले संशोधन गर्ने प्रतिबद्धता जनाएको एमाले त्यसप्रति जिम्मेवार बन्नुपर्ने बताउनुभयो । 

यस्तै कांग्रेस सभापति शेरबहादुर देउवाले पनि संविधान कार्यान्वयका लागि तीन तहको चुनावमा जोड दिँदै त्यसका लागि संविधान संशोधन हुनुपर्ने उल्लेख गर्नुभयो । संशोधन प्रस्तावमा निर्णायक देखिएको राप्रपालाई सभापति देउवाले पनि सहयोग गर्न आग्रह गर्नुभयो । 

महाधिवेशन उद्घाटन समारोहमा शुभकाना दिन पुगेका एमाले अध्यक्ष केपी शर्मा ओलीले भने यसअघि झै संशोधन प्रस्तावको विपक्षमा उभिनुभयो । उहाँले राप्रपालाई सही निर्णय लिने भन्दै प्रस्तावको विपक्षमा उभिने हौस्याउनुभयो । ओलीले संशोधन प्रस्तावले देशको हित र नागरिकको भावना नसमेट्ने जिकिर गर्नुभयो । राप्रपाका अध्यक्ष कमल थापाले संविधान कार्यान्वयनका राप्रपाले सहयोग गर्ने प्रतिवद्धता जनाउनुभयो । 

उहाँले अहिलको संशोधन प्रस्तावलाई जस्ताको त्यस्तै समर्थन गर्न नसक्ने जनाउ दिनुभयो । अब राप्रपाले संवैधानिक राजतन्त्रसहितको प्रजातन्त्रको सिद्धान्तलाई अंगिकार गर्दै हिन्दू राष्ट्रको पक्षमा उभिने थापाको भनाई छ । 

तराईका मधेस लोकतान्त्रिक पार्टीका वरिष्ठ उपाध्यक्ष हृदयश त्रिपाठीले संशोधन नभए यो संविधान पनि २०४७ सालको संविधान जस्तै हुने चेतावनी दिनुभयो । देशको शक्ति सन्तुलनको अवस्थालाई नसमेटेको संविधानले सार्थकता नपाउने भन्दै संशोधनसँग जोडेर उठाइएको राष्ट्रियताको नारा उचित नभएको उल्लेख गर्नुभयो । 

प्रतिक्रिया दिनुहोस

सम्बन्धित सामग्रीहरु

  • चुनावको सबै तयारी पूरा, मतदानमा सहभागी हुन आयोगको आग्रह

    काठमाडौं, असार १३ – निर्वाचन आयोगले बुधबार हुने चुनावमा मतदान गर्न मतदातालाई अनुरोध गरेको छ । आयोगले मंगलबार पत्रकार सम्मेलन गरी प्रदेश नम्बर १, ५ र ७ का मतदाताका लागि बुधबारको दिन आफ्नो अधिकार उपयोग गर्ने अवसर पनि भएकाले सबैलाई मतदान गरी आफ्ना प्रतिनिधि चयन गर्न आग्रह गरेको हो ।

  • तेह्रथुममा बम पड्कियो

    तेह्रथुम, १३ असार – तेह्रथुमको लालीगुराँस नगरपालिका–५, दाँगपा स्थित सिंहबाहिनी मावि मतदान केन्द्र नजिकै मंगलबार बम पड्किएको छ ।

  • ​जहाँ वडाअध्यक्ष नै जथाभावी फोहोर फ्याँक्छन्

    केही दिनअघि एक बिहान । ललितपुर महानगरपालिकाको वडा नम्बर ५ को एक टोल । भर्खरै सटर खोलेर धुपध्वाँर गरिमात्र सकेको पसल । दिनभरि धेरै सामान बेचौला र नाफा कमाउँला भन्ने सोचिरहेका पसले । अचानक पसलकै सामुन्ने फोहोरको पोको देखिन्छ ।

  • गोपीनाथ मैनालीलाई नैतिक अनुशासनभित्र राख्ने वातावरण बनाउन निर्वाचन आयोगको आग्रह

    काठमाडौं, असार १३ – निर्वाचन आयोगले आयोगका पूर्व सचिव गोपीनाथ मैनालीलाई व्यावसायिक तथा नैतिक अनुशासनभित्र राख्ने वातावरण सिर्जना गर्न सरकार समक्ष आग्रह गरेको छ ।

  • एक दिन दुःख सहेर भएपनि चुनावमा सहभागी हुन आयोगको आग्रह

    काठमाडौं, असार १३ – निर्वाचन आयोगले बुधबार हुने स्थानीय तहको दोस्रो चरणको चुनावमा मतदान गर्न आग्रह गरेको छ । विशेष पत्रकार सम्मेलनमार्फत आयोगले प्रदेश नम्बर १, ५ र ७ मा बुधबार हुने चुनावको तयारी पूरा भएको जानकारी दिँदै मतदातालाई भोट खसाल्न आग्रह गरेको हो ।

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया