MENU

विज्ञान प्रविधि

Ncell Axiata
sagun

इन्टरनेट सेवामा प्रतिस्पर्धाले ग्राहकलाई फाइदा, कसको सेवा कतिमा ?

काठमाडौं, फागुन १२ – इन्टरनेट सेवामा ग्राहक तान्ने प्रतिस्पर्धामा मोबाइल सेवा प्रदायक कम्पनीहरु लाग्दा ग्राहकले सस्तो दरमा इन्टरनेट सेवा पाइरहेका छन् । नेपाल टेलिकम र एनसेलले आफ्ना ग्राहकका लागि भन्दै विभिन्न समयमा नयाँ नयाँ सुविधासहितको इन्टरनेट सेवा थप्दै गएका छन् ।  

एनसेलले यस्तै प्रतिस्पर्धामा जानका लागि आफ्नो डाटाको शुल्कमा उच्च दरमा कटौती गरेको जनाएको छ । एनसेलले नाईट डाटा प्याक ७ पैसा प्रति एमबीमा दिएको जनाएको छ । एनसेलले हालै फेसबुकको टेक्स्ट भर्सन निःशुल्क गरेर पनि मोवाइल सेवा प्रदायक कम्पनीबिचको प्रतिस्पर्धामा आफू अघि भएको दाबी गरेको छ । 

एकल दरमा जिएसएम डाटा प्रदान गरिरहेको नेपाल टेलिकमले पनि जिएसएममा डाटाका विभिन्न प्याकहरु लिएर आएको छ । ग्राहकलाई मूल्यमा लाभ प्रदान गर्नुका साथै आफ्नो आवश्यकता बमोजिम प्याक छनौट गर्न सक्ने अधिकार प्रदान गरेको छ । टेलिकमले अहिले २० रुपैयाँमा फेसबुक चलाउनका निमित्त १०० एमबि डाटा दिँदै आएको छ ।

यस्तै एनसेलले इन्टरनेट शुल्कलाई ५ वटा मूल्यमा उपलब्ध गराएको छ । जसमा अल टाइम डाटा प्याक, डे डाटा प्याक र नाइट डाटा प्याक छन् । ग्राहकको सुविधालाई ध्यानमा राखेर विभिन्न डाटा प्याक उपलब्ध गराएको एनसेलले जनाएको छ । 

एनसेलले ३० दिनको डाटा प्याक करसहितको ९ देखि २५० रुपैयाँमा, अल टाइम डाटा प्याक ९ रुपैयाँमा २० एमबि, २० रुपैयाँमा ५० एमबि, एकसय रुपैयाँमा ३ सय एमबि, १ सय ५० रुपैयाँमा ५ सय एमबि र २ सय ५० रुपैयाँमा एक हाजर एमबि डेटा उपलब्ध गराएको हो ।  

यस्तै नेपाल टेलिकमको जीएसएम डाटा प्याकमा ८ रुपैयाँमा दुई दिनका लािग १० एमबि डाटा, ३५ रुपैयाँमा १० दिनका लािग ५० एमबि डाटा, १ सय ३० रुपैयाँमा १ महिनाका लािग २ सय एमबि डाटा, ३ सय रुपैयाँमा एक महिनाका लागि ५ सय एमबि डाटा, ५ सय रुपैयाँमा एक महिनाका लागि एक जिबी डाटा उपलब्ध गराउँदै आइरहेको छ ।  

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया