MENU

विज्ञान प्रविधि

Ncell Axiata

मोबाइल फोनको गुणस्तर सुधार गर्न जोड

काठमाडौं फागुन २१ – नागरिकको दैनिक जनजीवनसँग जोडिएको मोबाइल फोन गुणस्तरीय नभएको भन्दै सरोकार भएका व्यक्तिले गुनासो गरेका छन् । 

नेपाल दूरसञ्चार प्राधिकरणको १९ औँ वार्षिकोत्सवका अवसरमा शुक्रबार काठमाडौंमा भएको कार्यक्रममा नागरिकले पैसा तिरेर लिने सेवासमेत गुणस्तरीय र वैज्ञानिक नभएको भन्दै तत्काल समस्या समाधान गर्न आग्रह गरिएको हो । 

फोनमा कुरा गर्दा प्रष्ट नसुनिने, बोल्दाबोल्दै लाइन काटिने तथा आवाज जुध्नेजस्ता समस्या विद्यमान रहेको भन्दै उहाँहरूले सुधारको प्रयास गर्नुपर्ने र नभएको खण्डमा क्षतिपूर्तिको व्यवस्था गर्नुपर्नेमा जोड दिनुभयो । 

सूचना तथा सञ्चार मन्त्रालयका सचिव महेन्द्रमान गुरुङले मोबाइल फोनमा देखिएको समस्या सुधारको प्रयत्न गर्दा देखिने र अनुभव गर्न सकिने गरी सुधार गर्न प्राधिकरण लाग्नुपर्ने बताउनुभयो । 

“मलाई पनि धेरैले गुनासो गरेका छन्, सेवा प्रदायकलाई सचेत र सर्तक बनाउने काम मन्त्रालयको त हुँदै हो, त्यसमाथि नियमक निकायका रुपमा रहेको प्राधिकरणको बढी छ । तत्काल सुधारको प्रयास गर्नुस्”– सचिव गुरुङले भन्नुभयो । 

उहाँले प्रविधि, सेवा प्रदायक अघि र नियमक निकाय पछि पछि हुने प्रवृत्तिको अन्त्य गरी अल्पकालीन, मध्यकालीन र दीर्घकालीन सोचका साथ काम गर्न प्राधिकरणलाई आग्रह गर्नुभयो । प्राधिकरणका अध्यक्ष दीगम्बर झाले सेवा प्रदायकलाई सेवाग्राहीप्रति सचेत र सजग गराउन प्राधिकरण लागिपरे पनि मोबाइल फोनमा देखिएको समस्या समाधान हुन नसक्नु दुःखद् रहेको बताउनुभयो । 

प्राधिकरणका निर्देशक आनन्दराज खनालले प्रविधि र जनशक्तिको उचित व्यवस्थापन गरेर प्राधिकरण सेवाप्रदायकलाई जवाफदेही र जिम्मेवार बनाउन लागिपरेको छ भन्नु भयो । रसुवा, नुवाकोट, धादिङ, काभ्रेपलाञ्चोक, सिन्धुपाल्चोकमा टेलिकममार्फत सेवा पुर्याउने कार्य सुरु भएको र अन्य जिल्लामा पनि छिट्टै प्रक्रिया सुरु हुने बताइयो ।

यस्तै मुलुकभर गुणस्तरीय दूरसञ्चार सेवा उपलब्ध गराउन मध्यपहाडी लोकमार्गमा अप्टिकल फाइबर बिछ्याउने कार्य गरी अन्तिम चरणमा पुगेको छ । रासस

प्रतिक्रिया दिनुहोस

सम्बन्धित सामग्रीहरु

  • फेसबुकमा नयाँ फिचर, युट्युब जस्तै

    साउन २६ – सामाजिक सञ्जाल फेसबुकले नयाँ भिडियो फिचर ल्याउने भएको छ । भिडियो लाइभ फिचरले सफलता पाएपछि फेसबुकको युट्युब र टिभी नेटवर्कलाई चुनौती दिने गरी विभिन्न भिडियो हेर्न मिल्ने ‘वाच’ फिचर सुरु गर्न लागेको हो ।

  • गुगल कम्पनीमा खलबली, कारण के ?

    साउन २३ – कम्पनीका विभिन्न पदमा महिलालाई राख्ने पहलको विरोधमा गुगलका एक कर्मचारीको विचारका कारण अहिले खलबली मच्चिएको छ ।

  • पार्किन्सनको उपचारमा नयाँ सम्भावना : फैलिनबाट रोक्न सकिने

    साउन २१ – पार्किन्सन रोग फैलिनबाट रोक्न सकिने एक अध्ययनले देखाएको छ । मधुमेह रोगको उपचारका लागि प्रयोग गरिने औषधिको प्रयोग गरेर पार्किन्सन रोग थप बिस्तार हुनबाट रोक्न सकिने देखिएको अनुसन्धानमा संलग्न वैज्ञानिकले बताएका छन् ।

  • वंशाणुगत रोगबाट छुट्कारा पाउने उपाय, डिएनए एडिटिङ

    साउन १९ – भ्रुणको डिएनएमा गरिने सामान्य परिवर्तनबाट वंशाणुगत रुपमा लाग्ने रोगबाट जोगिन सकिने वैज्ञानिकले बताएका छन् । वैज्ञानिकले पहिलोपटक एक भ्रुणको डिएनएमा रहेको मुटु सम्बन्धी रोगको वंशाणुगत अवगुण हटाएका छन् ।

  • दक्षिण एसियामा तापक्रम बृद्धिको असर: मानिस बाँच्नै नसक्ने गरी गर्मी बढ्ने चेतावनी

    दक्षिण एसियामा गर्मी तथा आद्रता अस्वभाविक रुपमा बढ्दै गएको र यसका कारण दशौंलाख मानिस प्रभावित हुने देखिएको छ । नयाँ अध्ययन अनुसार विश्वव्यापी रुपमा भइरहेको तापक्रम बृद्धिले गर्दा दक्षिण एसियाली क्षेत्र बढी प्रभावित हुने देखिएको हो ।

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया