MENU

विचार/अनुभूति

ujyaalo forign call inside

स्वतन्त्र नारी : बोक्सीको आरोप ! सुखभोगको साधन !

- योगेश ढकाल 

अप्तोपुरुष भन्दछन्, हरेक व्यक्ति आफैंभित्रै स्त्री र पुरुषको समायोजन हो । हाम्रो शरीर पनि शुक्र र शोणितको मिलनले बनेको हुन्छ । वैज्ञानिक पनि यही भन्दछन् । 

हाम्रो संस्कारमा पनि अदियोगी शिवलाई अर्धनारी को संज्ञा दिइएको छ । भनिन्छ, पुरुष उर्जा पुरुषार्थको प्रतिक हो, बल, पराक्रम, आक्रोश र विध्वंसको प्रतिक हो, र महिला उर्जा सृस्टि, रचना, धैर्य र प्रेमको । 

पितृसत्ताको तीन हजार वर्षको इतिहासमा पाँच हजार वटा युद्ध भए । हाम्रो इतिहासका सबै पाना हत्यारा र शोषकका चित्रले भरिएका छन् । जसलाई हामी भगवान मान्दछौं । अनौठो छ, यदि बल र पुरुषार्थलाई मात्रै जीवन चलाउने माध्यम मान्ने हो भने पक्कै पुरुषको सत्ता चल्ने छ । लाखौं वर्षदेखि जस्तै महिलाको दमन हुनेछ । हाम्रो समाजको अहमको मुढताले गर्दा कति महिला बुद्ध र आइन्स्टाइन दबिए होलान् वा अझ कति शीर्ष व्यक्तिले फूल्ने मौका पाएनन् होला । 

हजारौं वर्षको निन्दा छ । न महिलालाई बोक्सीको आरोपमा  जलाउने कसुर बाँकी छोडियो, न मायाको खेल भनेर सुखभोगको  साधन बनाउन थाँती राखियो ।

निकै दुर्भाग्यको कुरा हो कि हामी सुन्दर भिन्नतालाई मतभेदको आधार बनाउछौँ । सामान्य फरकलाई सत्ता र दमनको खेल बनाइदिन्छौँ । यो प्रसंगमा चाँहि डार्विनको सिदान्त बडो घातक ठहरिन्छ, साचैंनै हामी बाँदरकै सन्तान हौँ तर अब प्रश्न सत्ता र दमनको खेलको होइन । प्रश्न सन्तुलित जीवनको हो, प्रश्न सुन्दर संसारको हो । 

महिला हिंसा रोकियो । पक्कै रोकियो । तर कानुनमा मात्रै, पानामा मात्रै । सामाजिक यथार्थ अलि तितो छ । महिला हिंसा विरुद्ध आवाज उठाउनेहरुको पनि आखाँमै देखिन्छ, त्यो मनोवैज्ञानिक तस्करी प्रस्टै देखिन्छ । आफूलाई एक्काइसौं सताब्दीका सर्वश्रेस्ठ प्राणी भन्दै आफ्नै गुणगान गाउने हामीबिच अझैपनि लैंगिक असमानता र नारी हिंसा हुनु निकै लज्जास्पद कुरा हो ।

शिव र शक्ति, यिंग र यांग - दुई ध्रुवको सन्तुलन नमिलेसम्म द्वन्द्व सधैँ चलिरहन्छ । त्यसैले पहिला आफूभित्रको स्त्री उर्जा प्रति सम्मान भाव नजागेसम्म नारी एकता र लैंगिक समानताक बारेमा गरिने भाषण सायदै व्यवहारिक होलान् । नारी दमनको यो सुक्ष्म खेललाई समूल निर्मुल गर्ने जिम्मेवारी हरेकलाई गम्भीरतापूर्वक महसुस हुन जरुरी छ । जसको लागि पहिला आफैलाई बनाउन जरुरी छ । र हरेक सचेत वर्गले आफूभित्रको चेतनालाई रचनात्मक ढंगले आवाज बनाउन जरुरी देखिन्छ । ताकी कुनै नारीले आफ्नो स्वतन्त्रताको लागि लड्न नपरोस् । नारीलाई लड्न सिकाउन भन्दा केही अबुझलाई फूल्न सिकाउँदा ठिक होला । र महिलालाई किनबेच गर्न मिल्ने बजारको समानको नजरले हेर्नेलाई अगाडिको पांग्रा निकालेर एउटा साइकल दौडमा भिडाईदिनपर्छ । उठाउन् चाहेजस्तै एकपांग्रे दौडको मजा ।

यहाँ नारीजातिले यो सुक्ष्म खेलबाट स्वतन्त्रता पाएको दिन सायद पूरै जगतले नै स्वतन्त्रता पाउने छ र आजको दिन त्यसको प्रतीक हुन सक्छ । 

(लेखक चिकित्सा शास्त्र अध्ययन संस्थान, आयुर्वेद क्याम्पसका विद्यार्थी हुन् ।)

Mitsubishi

प्रतिक्रिया दिनुहोस

सम्बन्धित सामग्रीहरु

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

  • सरकारका सय दिन : कुरा ठूला, खुट्टा लुला !

    कम्तीमा पनि सरकारले बितेका सय दिनमा सडकका खाल्डाखुल्डी पुर्न सक्थ्यो । काम भैरहेका ठाउँमा धुलो कम गर्न ठेकदारलाई बाध्य पार्न सक्थ्यो । काठमाडौंबाट नागढुंगा पुुग्ने, हेटौडा जाने जस्ता सयौं असजिला सडकलाई गिटी हालेर वा माटो पेलेर सहज बनाउन सक्थ्यो ।

  • ​कोरियामा धन देखेर मन हराएकाहरु

    हिजोआज दक्षिण कोरियामा रहेका नेपालीमाझ सामाजिक सञ्जालमार्फत नेपालीले नेपालीमाथि गरेको अमानवीय दुव्र्यवहारको चर्चा एकाएक चुलिएको छ ।

  • मुख्यमन्त्री शेरधन राईलाई खुल्ला पत्र

    सबैलाई एकजुट बनाउनुस् जनता छन् जागेका, हेर्न मन छ मिक्लाजुङ चढ्न पर्यटक ताँती लागेका । सुनसरीमा खेती सनपाट र केराको, खान पाइयोस् चामल डिहिटार र सेराको । लेगुवाका माछा गुद्रीमा बिकुन्, प्रदेश हाम्रो हेरी अरुले सिकुन् ।

  • ​कम्युनिष्ट मन्त्रीको सम्पत्तिमा दम्पती विवरण !

    हुन त उनी दाइजोका कट्टर विरोधी हुन् । बिहे पनि जनवादी ढंगले भएको हो । प्रगतिशील मान्छेको जनवादी बिहेमा दाइजो आउने कुरा भएन । तर बिहेको दिन नआएर के भयो ! श्रीमतीकै बाआमाले दाइजो दिनुपर्छ भन्ने के छ ? यो त परम्परावादी सोच भयो ।

सबै हेर्नुहोस
Skill Training
पछिल्ला समाचारहरु

सोसल मिडिया