MENU

विचार/अनुभूति

ujyaalo forign call inside

होली खेल्दै हुनुहुन्छ ? यी कुरामा ख्याल गर्नुहोस्

डाक्टर शम्भु दत्त जोशी –

होलीमा अनुहारभरी धेरैथरीका रंग पोतेर हिँड्न, एक आपसमा रंग लगाउन, पानीमा भिजेर रमाइलो गर्न कसलाई मन नपर्ला र ? तर मनोरञ्जनका लागि मनाइने यो पर्व मनाउन जानेन भने खुुशी भन्दा दुःख धेरै झेल्नु पर्छ । भनाई नै छ नि रोग लागेर उपचार गर्नुभन्दा रोग नै लाग्न नदिनु बेश । त्यसैले होली खेल्ने तयारी गरिरहँदा सुरक्षाका उपायहरुको पनि पूर्व तयारी गर्न उत्तिकै जरुरी छ । 

पूर्व तयारी

होलीमा खेलिने रंगले शरीरको सबै भागमा भन्दा बढी असर गर्ने ठाउँ भनेको छाला हो । सँगै नङ र कपालमा पनि यसले असर गर्छ । अझ रंग लगाउँदा आँखामा पर्ने सम्भावना पनि रहन्छ । त्यसैले होली खेल्नलाई पानी, रंग र खानेकुराको व्यवस्था सँगैै शरीर ढाक्ने पूरा कपडा, आँखामा कालो चस्मा, टाउकोमा टोपी, छालाको लागि मोइस्चराइजिङ क्रिम र सनब्लक एसपीएफ ३० भन्दा माथिको क्रिम, कपालको लागि तोरी, नरिवल तथा जैतुनको तेलको व्यवस्था गर्नुपर्छ । 

रंगमा सिसा मिसिएको हुन सक्छ 

पहिले पहिले भन्दा अहिलेका रंगमा गुणस्तरको प्र्रश्न राख्नुपर्ने अवस्था छ । कुनै कुनै रंगमा सिसा मिसिएको हुनसक्छ, जो बालबालिकाको छालाको लागि एकदमै हानिकारक हुन्छ । सँगै रसायन मिसिएको स्प्रे रंगहरु हुन्छन् । यस्ता रंग छालामा पर्दा छाला फुट्ने, डन्डिफोर आउने, छाला फुस्रो हुने, चिलाउने, डाबर आउने, घाँटी बस्ने, आँखा रातो हुने समस्या आउन सक्छ । त्यसैले रंगको छनौटमा ध्यान दिनुपर्छ । लगाउने बेलामा पनि ध्यान दिन जरुरी छ ।

रंग कसरी निकाल्ने ?

छालामा केमिकल रंग लगाएका छौं भने हामी त्यसलाई तुरुन्त निकाल्नको लागि मट्टितेल, पेट्रोलको प्रयोग गर्छौं । तर यो छालाको लागि धेरै हानिकारक हुन्छ । कपालमा लागेको रंग निकाल्दा मन तातो पानीमा कन्डिस्नर लगाएर धुने र तेलले मालिस गर्नुपर्छ । छालाको लागि सेता साबुन र मन तातो पानीले सफा गर्नुपर्छ । नङलाई पनि नरम ब्रसले सफा गर्ने र तेलले मालिस गर्ने गर्नुपर्छ । 

छालाको सुरक्षा कसरी गर्ने ?

होलीमा रंग लगाएपछि दुई तीन दिनसम्म दाह्री काट्ने, थ्रेडिङ तथा फेसियल गर्नु हुँदैन । यो बेलामा छाला कमजोर भएको हुन्छ र यस्ता क्रियाकलापले छाला फुट्ने हुनसक्छ । कुनै बेला छालामा रंगको कारणले डाबर आउने, चिलाइरहने तथा फोका देखा पर्न सक्छ । घाममा जाँदा चर्याउने, परपराउने भएमा डाक्टरकोमा जानु पर्छ । 

(वरिष्ठ छाला रोग तथा यौन रोग विशेषज्ञ डाक्टर जोशीसँग सुजाता खत्रीले गर्नुभएको कुराकानीमा आधारित)

Mitsubishi

प्रतिक्रिया दिनुहोस

सम्बन्धित सामग्रीहरु

  • आलोचकलाई नै अलमल्याउने विज्ञ अर्थमन्त्रीको ‘वास्तविक’ बजेट

    मंगलबार अर्थमन्त्री डा. युवराज खतिवडाले संसदमा बजेट भाषण गरिरहँदा सत्तापक्षका सांसदको अनुहारमा पनि त्यति चमक देखिएन । शिक्षा, रोजगारी, कृषि, भौतिक पूर्वाधार, पर्यटन लगायतका केही आकर्षक कार्यक्रम घोषणा भैरहँदा ताली बजे पनि बजेट सकिएपछि भने बजेटलाई कस्तो भन्नेबारे पूर्व अर्थमन्त्री नै अलमलिए ।

  • सरकारका सय दिन : कुरा ठूला, खुट्टा लुला !

    कम्तीमा पनि सरकारले बितेका सय दिनमा सडकका खाल्डाखुल्डी पुर्न सक्थ्यो । काम भैरहेका ठाउँमा धुलो कम गर्न ठेकदारलाई बाध्य पार्न सक्थ्यो । काठमाडौंबाट नागढुंगा पुुग्ने, हेटौडा जाने जस्ता सयौं असजिला सडकलाई गिटी हालेर वा माटो पेलेर सहज बनाउन सक्थ्यो ।

  • ​कोरियामा धन देखेर मन हराएकाहरु

    हिजोआज दक्षिण कोरियामा रहेका नेपालीमाझ सामाजिक सञ्जालमार्फत नेपालीले नेपालीमाथि गरेको अमानवीय दुव्र्यवहारको चर्चा एकाएक चुलिएको छ ।

  • मुख्यमन्त्री शेरधन राईलाई खुल्ला पत्र

    सबैलाई एकजुट बनाउनुस् जनता छन् जागेका, हेर्न मन छ मिक्लाजुङ चढ्न पर्यटक ताँती लागेका । सुनसरीमा खेती सनपाट र केराको, खान पाइयोस् चामल डिहिटार र सेराको । लेगुवाका माछा गुद्रीमा बिकुन्, प्रदेश हाम्रो हेरी अरुले सिकुन् ।

  • ​कम्युनिष्ट मन्त्रीको सम्पत्तिमा दम्पती विवरण !

    हुन त उनी दाइजोका कट्टर विरोधी हुन् । बिहे पनि जनवादी ढंगले भएको हो । प्रगतिशील मान्छेको जनवादी बिहेमा दाइजो आउने कुरा भएन । तर बिहेको दिन नआएर के भयो ! श्रीमतीकै बाआमाले दाइजो दिनुपर्छ भन्ने के छ ? यो त परम्परावादी सोच भयो ।

सबै हेर्नुहोस
Skill Training
पछिल्ला समाचारहरु

सोसल मिडिया