MENU

विचार/अनुभूति

विश्वकप छनौट खेल्ने सम्भावना सकिएको छैन

जगत टमाटा -

आजको खेलमा खेलाडीहरुले एकदमै राम्रो खेलेका छन् । आजको खेलमा हामीले धेरै सुधार्छौ भनेर अस्तीको खेल पछि भनेका थियौं, आज भनेजस्तो नै भयो । ज्ञानु (ज्ञानेन्द्र मल्ल)ले धेरै राम्रो खेलेका छन् । धेरै लामो समयपछि उसले आफूलाई फेरि प्रमाणित गरेर देखाएको छ । नेपालको वन अफ द बेस्ट ब्याट्सम्यानको रुपमा ज्ञानेन्द्रले आफूलाई उभ्याएको छ । दिपेन्द्रलाई पनि हामीले जुन हिसाबले विश्वास गरेका थियौं त्यो विश्वास प्रमाणित गरेको छ । दुई जनाको पार्टनरसिप पनि गज्जब जमेको छ ।  

अनि बलिङ पनि निकै राम्रो भयो । हामीले केन्यालाई १ सय ७० भित्रै रोक्ने योजना बनाएका थियौं, तर हाम्रो कसिलो बलिङ सामु उनीहरु १ सय ५५ रनमै अलआउट भए । सबैको मेहेनतले गर्दा नेपालले आजको खेल जितेको छ ।

शरद भेषावकरलाई हामीले ल्यायौं, उसले पनि बलिङमा प्रमाणित ग¥यो, हामीलाई थाहा छ, उसले पार्टटाइममा निकै राम्रो बलिङ गरेर ब्रेब थु्र पनि गर्छ । 

विश्वकप छनौट खेल्ने सम्भावना पुरै सकिएको छैन । अब हामीले चार वटा (हङकङसँग दुई र युएईसँग दुई) खेल खेल्न बाँकी छ । यी चार वटै खेल हामीले जित्नुपर्छ । अनि हामीभन्दा अगाडी रहेको टिमले हार्नुपर्‍यो । गणितीय  सम्भावनाको कुरा छ । राम्रो भन्दा राम्रो खेलौं । हामी राम्रो क्रिकेट खेल्दै जानेछौंं । त्यसमाथि जुनियर खेलाडीहरुले पनि महत्वपूर्ण योगदान गर्न सक्छन् भन्ने आशा देखाएका छन् । 

दिपेन्द्रले सुपर खेले

आजको खेलमा पनि लुज बल खेलाडीले छाडेनन् बाउन्ड्री पनि हानेकै थिए । टाइट बलमा पनि १÷२ रन जोडेका थिए । त्यसमाथि दिपेन्द्रले त सुपर खेलेका छन् । केन्याको फास्ट बलर र हजारौं दर्शकको सामु खडा भएर उसले गजव खेलेको छ । नेपालको मिडिल अर्डरको लागि एउटा खम्बा तयार भएको छ । 

खेल सुरु हुनुअघि र खेलको दौरानमा ड्रेसिङ रुममा पनि हामीले नर्मल क्रिकेट खेल्ने कुरा भएको थियो । १ सय ५६ को टार्गेट पाएपछि पनि हामीले विस्तारै खेल्ने र रनरेट बढाउँदै लैजाने कुरा गरेका थियौं त्यै भयो । हामीलाई रनरेट बढाउने आवश्यकता पर्‍यो भने त्यै अनुसार खेलौला भन्ने पनि कुरा भएको थियो । तर लुज बल पाए केटाहरुले राम्रै रन बनाए । 

दिपेन्द्र जस्तै सुनिल धमलाले पनि खेल्ने प्रयास गरेका थिए तर सकेनन् । सुनिललाई पनि उसले केही गर्न सक्छ भनेर हामीले लिएका हौं, अब सुधार गर्लान् । सुनिलबाहेक हामीसँग अरु पनि दुई जना ओपनर ब्याट्सम्यान छन् उनीहरुलाई पनि ओपनिङमा प्रयोग गर्न सक्छौं । अहिलेसम्म ओपनिङ जम्न सकेको छैन्, आउँदा दिनमा सुधार्नेछौं । 

आजको खेलमा पुरानो मेहबुब आलमलाई साँच्चै हामीले देख्न पायौं । उसले पहिलाको जोश देखाएको छ । अस्तीको खेलमा अलिकति अवस्था नै फरक भएकाले बलिङको मौका पाएका थिएनन् । आज अवसर दियौं उसले प्रमाणित पनि गर्‍यो । 

 

Mitsubishi

प्रतिक्रिया दिनुहोस

सम्बन्धित सामग्रीहरु

  • विचरा बोर्डिङका विद्यार्थी : जेलसरी जिन्दगी, व्यवहारिक ज्ञान शून्य

    ९८ प्रतिशत ल्याएर पास गरिरहेको छोरोलाई घर परिवारलगायत व्यवहारिक पक्ष केही पनि थाहा हुँदैन । थाहा होस् पनि कसरी उसलाई परिक्षामा कसरी प्रतिशत बढाउने फर्मुला बाहेक अरु केही सिकाइएन। सबै किताबका फर्मुला कण्ठ बनाइयो तर उसलाई जिन्दगीको फर्मुला कहिल्यै सिकाइएन।

  • संस्कृतभाषा र धर्म–संस्कृति–शिक्षाका बालपाठ्यपुस्तक

    वर्तमान परिस्थितिमा नयाँ पुस्तामा धार्मिक–साँस्कृतिक जागरणको आव¬श्यकता अनुभव गरेर लामो समयदेखि संस्कृत भाषाको र वैदिक हिन्दु धर्म–संस्कृतिको अध्ययन, मनन, आचरण र प्रचार–प्रसारमा संलग्न हुँदै आएको स्वाद्ध्यायशाला¬कुटुम्ब यसतर्फ अग्रसर भैरहेको छ ।

  • भर्ना अभियानको तामझाम : गुणस्तर सुधारमा किन जाँदैन ध्यान ?

    भर्ना अभियान बिगतमा पनि हामीले हेरेकै हौँ । अहिले पनि त्यसलाई निरन्तरता दिन खोजिएको छ । हरेक वर्ष सरकारी निकायबाट तामझाम देखाउने क्रम यो वर्ष पनि चलेकै छ । तर विद्यार्थी सामुदायिक विद्यालयमा किन आएनन् ? कसरी विद्यार्थीलाई आकर्षण गर्ने ?

  • एमाले–माओवादी एकता : मासिने पालो अब कसको ?

    भारतले नमिलाइदिएसम्म एक अर्काका शत्रु रहेका एमाले र माओवादी मिलाप भएर तालमेल गरेर चुनावमा जाँदा कांग्रेस सकियो । यी दुई कम्युनिष्ट जोडिएर एउटै पार्टी बनाउने क्रम चल्दैछ यस बेला ।तर एउटा शक्ति अर्का विरूद्ध प्रयोग भएर क्रमै सँग एक–अर्कालाई मास्ने विदेशी दाउ रोकिएको छैन नेपाली राजनीतिमा ।प्रश्न बाँकी छ, मासिने पालो अब कसको ?

  • ०७५ मा छुकछुके रेल, मेलम्चीको भेल र क्रिकेट खेल

    सुखसँग दुःख गर्नु र दुःखमा पनि दुःख पाउनुमा आकाश पातालको फरक छ । दुःख गरेअनुसार फल मिल्यो भने त्यो दुःख पनि सुख हुन्छ । तर दुःखमा बगेको पसिना बालुवामा पानी खन्याए जस्तो भयो भने दुःखमाथि दुःख मात्रै हुन्छ । बितेका धेरै वर्षमा धेरैलाई यस्तै भयो । दुःखमाथि भुक्तमान, सास्तीमाथि सकस ।

सबै हेर्नुहोस
Skill Training
पछिल्ला समाचारहरु

सोसल मिडिया