MENU

अर्थ

Ncell Axiata
NIC Asia

लण्डनमा साझाको पुस्तक प्रदर्शनी

काठमाडौं, चैत ५ – साझा प्रकाशनले पहिलोपटक लण्डनमा पुस्तक प्रदर्शनी गरेको छ । लण्डनमा रहेको नेपाली दूतावासको आयोजनामा शुक्रबारदेखि तीन दिनका लागि प्रदर्शनी सुरु भएको छ ।  

प्रदर्शनीमा साझा प्रकाशनबाट प्रकाशित दुईसय शीर्षकका तीन हजारभन्दा धेरै पुस्तक राखिएकोमा धेरैजसो पुस्तक प्रर्दशनीको पहिलो दिनमै सकिएको साझा प्रकाशनका महाप्रबन्धक डोलिन्द्रप्रसाद शर्माले उज्यालो अनलाइनलाई जानकारी दिनुभयो । 

पुस्तक प्रशर्दनीको उद्घाटन गर्दै बेलायतका लागि नेपाल राजदूत दुर्गाबहादुर सुवेदीले साझा प्रकाशनलाई पहिलेको जस्तै सम्बृद्ध बनाउन युरोपका हरेक देशमा प्रदर्शनी गर्नुपर्ने बताउनुभयो । विदेशमा रहेका नेपालीहरु पुस्तक पढ्न निकै आतुर रहेको भन्दै उहाँले साझा उकास्ने एउटा उपाय पुस्तक प्रदर्शनी पनि भएको बताउनुभयो । 

साझा प्रकाशन वचाउ अभियान अन्तगरत २६ बुँदे कार्ययोजना अन्तरगत नै बेलायतमा पुस्तक प्रदर्शनी गरिएको र यस्ता कार्यक्रमलाई निरन्तरता दिने महाप्रबन्धक शर्माले जानकारी दिनुभयो । साझाबाट प्रकाशन भएका पुस्तक विदेशमा बसेरै पनि पढ्नेगरि इ बुकको सेवा दिन त्यहाँका नेपालीले आग्रह गरेको र साझाले छिटै इ बुक सेवा सुरु गर्ने पनि उहाँले जानकारी दिनुभयो । पुस्तक प्रदर्शनीसँग नेपाली दूतावासको परिसरमा साहित्य महोत्सव पनि गरिएको छ।  

(तस्बिर : साझाका महाप्रबन्धक डोलिन्द्रप्रसाद शर्मा )  

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया