MENU

समाज

Ncell Axiata

रसुवामा ५१६ भूकम्प प्रभावितमध्ये २१३ ले मात्र मापदण्ड पूरा गरे

रसुवा, चैत ५ – रसुवामा अनुदान पाउन छानिएर पहिलो किस्ता पाएका भूकम्पप्रभावित मध्ये दोस्रो किस्ताका लागि २ सय १३ घरधनीको नाम सिफारिस गरिएको छ । 

पहिलो किस्ता ५० हजार रुपैयाँ पाएर घर निमार्ण सुरु गरेका ५ सय १६ घरधनीमध्ये मापदण्ड पूरा गरेर घर निमार्ण गरिरहेका २ सय १३ लाभग्राहीको नाम सिफारिस गरिएको हो । 

जिल्लाको विभिन्न गाउँपालिकामा खटिएका इन्जिनियरले घरको नापजाँच पश्चात भवन डिभिजन कार्यालय रसुवामा सिफारिस पत्र पठाएका छन् । कार्यालयले जिल्ला समन्वय समितिमा सिफारिस गर्नेका लागि आवश्यक तयारी गरिरहेको जनाएको छ । 

डिभिजन कार्यालयका निमित्त डिभिजन प्रमुख घिर फडेराका अनुसार कालिका गाँउपालिकामा ५६, पार्वतीकुण्ड गाँउपालिकामा १४ र उत्तरगया गाँउपालिकामा एक सय ४३ घरधनीको नाम सिफारिस भएको छ । 

स्थानीय विकास अधिकारी राजेन्द्रदेव पाण्डेका अनुसार दोस्रो किस्ताका लागि सिफारिस भएर आएका घरधनीलाई रकम तत्काल दिन सकिने बताउनुभयो । समितिमा प्रयाप्त रकम भएको भएपनि भवन डिभिजन कार्यालयबाट नामावली नआएका कारण रकम घरधनीलाई निकास गर्न नसकिएको उहाँले बताउनुभयो । 

भवन डिभिजन कार्यालय रसुवाले चैत मसान्त भित्र एक हजार घर निमार्ण गर्ने लक्ष्य राखेको छ । तर किस्ता पाएकालेमध्ये हालसम्म २ दशमलव ५ प्रतिशतले घर निमार्ण थालेका छन् । पहिलो किस्ता बुझेकाले पनि घर बनाउने सुरसार नगर्दा एक हजार निमार्णको लक्ष्य पूरा गर्न चुनौती रहेको छ । 

रसुवामा ११ हजार दुई सय ३६ लाभग्राहीमध्ये नौ हजार दुई सय ९९ जनासँग मात्र सम्झौता भएको छ । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया