MENU

अन्तर्राष्ट्रिय

USAID

विश्वकै स्वस्थ मुटु भेटियो

चैत ६ – बोलिभियाका आदिवासी चिमेने समुदायका मानिसको मुटु विश्वकै सबैभन्दा स्वस्थ मुटुरहेको अनुसन्धानकर्ताले बताएका छन् । बोलिभियाको जंगलमा बसोबास गर्ने आदिवासी चिमेने समुदायका मानिसको मुटु निकै स्वस्थ रहने गरेको पाइएको हो । वृद्ध अवस्थाका चिमेने समुदायका मानिसको मुटुमा पनि निकै कम समस्या देखिएको द लान्सेटमा प्रकाशित अनुसन्धान प्रतिवेदनमा उल्लेख गरिएको छ । आम मानिसको भन्दा फरक खानपान तथा जीवनशैलीका कारण उनीहरुको मुटु स्वस्थ रहेको अनुसन्धानकर्ताले बताएका छन् । शिकार तथा प्रारम्भिक खेती प्रणालीमा आधारित भएर जीवन चलाउँदै आएका चिमेने समुदायमा मुटु रोग सम्बन्धी निकै कम मात्रै देखिने गरेको अनुसन्धान प्रतिवेदनमा उल्लेख छ । बोलिभियाको अमेजन रेनफरेस्टको मानिकी नदीको आसपासमा चिमेने सुमुदायको बसोबास छ । झण्डै १६ हजारको संख्यामा रहेका चिमेने समुदायले जंगली जनावरको शिकार, माछा मार्ने तथा खेतीबाट आफ्नो जीविका चलाउँदै आएका छन् । उनीहरुको जीवनशैली अहिले आधुनिक जीवनशैली अपनाउँदै आएका मानिसको हजारौं वर्ष पहिलेको जस्तै छ । वैज्ञानिक तथा डाक्टरको समूहले उनीहरुको जीवनशैली र स्वास्थ्यमा गरेको लामो अनुसन्धानबाट उनीहरुको मुटु सबै भन्दा स्वस्थ रहेको पाइएको हो । चिमेने समुदायको आहारको १७ प्रतिशत भाग जंगली सुँगुर, बँदेल तथा मुसा प्रजातिको जनावर रहेको छ । यस्तै आहारको सात प्रतिशत स्वच्छ पानीमा पाइने माछा हो । यस्तै स्थानीय रुपमा उत्पादन भएको धान, मैक, सखरखण्ड जस्तै म्यानिओक रुट तथा केरा जस्तै रहने प्लान्टेन्स उनीहरुको खाद्यान्न स्रोत हो । चिमेने समुदायका मानिसको दैनिकी निकै सक्रिय रहेने गरेकाले पनि स्वास्थ्यमा फाइदा पुगेको अनुसन्धानमा संलग्न अमेरिकाको क्यालिफोर्नियामा रहेको लङ बिच मेडिकल सेन्टरका डा. ग्रेगरी थोमसले बताउनुभयो ।  

 

प्रतिक्रिया दिनुहोस

सम्बन्धित सामग्रीहरु

  • ४२ करोडको एउटा सिक्का, संग्रहालयबाट भयो चोरी

    चैत १५ – जर्मनीको एक संग्रहालयबाट सुनको सिक्का चोरी भएको छ, जसको मूल्य झण्डै ४० लाख अमेरिकी डलर अर्थात ४२ करोड नेपाली रुपैयाँ रहेको छ । सिक्काको अंकित मूल्य भने दश लाख डलर छ ।

  • आणविक हतियार सुरक्षाका लागि आवश्यक–अमेरिका

    चैत १५ – संयुक्त राष्ट्रसंघ सुरक्षा परिषदका स्थायी सदस्य सहित झण्डै ४० देशले विश्वव्यापी रुपमा आणविक हतियारमा प्रतिबन्ध लगाउने विषयमाथिको बहस बहिष्कार गरेका छन् ।

  • रुसका मूख्य विपक्षी नेता पक्राउ

    चैत १४ – रुसका मूख्य विपक्षी नेता एलेक्से नाभाल्नी पक्राउ परेका छन् । भ्रष्टाचार विरुद्ध भइरहेको प्रदर्शनको क्रममा प्रहरीले विपक्षी नेता नाभाल्नी पक्राउ गरेको हो ।

  • अर्थ आवरः १७२ देशका ७००० शहरमा एक घण्टा बत्ती निभाइयो

    चैत १३ – जलवायु परिवर्तनको बारेमा ध्यानाकर्षण गराउन विश्वका प्रमुख ठाउँमा एक घण्टा बत्ती निभाइएको छ । अर्थ आवर मनाउने क्रममा विश्वका एक सय ७२ देशका सात हजार भन्दा बढी शहरमा एक घण्टा अनावश्यक बत्ती निभाइएको हो ।

  • बंगलादेशः दुई वटा बम विस्फोट, तीन जनाको मृत्यु

    चैत १३ – बंगलादेशको उत्तर पूर्वी शहर सिलहटमा भएको दुई वटा बम विस्फोटनमा परि तीन जनाको ज्यान गएको छ । ज्यान जानेमा एक जना प्रहरी अधिकारी पनि रहेको सरकारी अधिकारीले बताएका छन् ।

सबै हेर्नुहोस
Job Vacancy
Foreign Employment Banner
पछिल्ला समाचारहरु

मेरो पनि भन्नु छ

  • भारतले पाकिस्तान र बंगलादेशको सिमामा पर्खाल लगायो भने नेपालले पाउने भुपरिवेष्ठित देशको अन्तर्राष्ट्रिय अधिकार हनन हुन सक्छ । भारतको कदमले नेपालले आयात गर्ने सबै कुरामा भारतकै भर पर्नुपर्ने हुन सक्छ । त्यसैले सरकारले यो विषयमा अहिल्यैदेखि चनाखो बस्नु जरुरी छ ।

    ​रोशन राइ
  • राजनीति गरेँ भन्दैमा स्कुल तथा क्याम्पसमा आगो लगाउन पाइदैन । आफैले ज्ञान लिने ठाउँमा विनास गरेर के गर्न खोजेका हुन् विद्यार्थी संगठनले ।

    ​दिपा डिएच
  • बिबिसी नेपाली सेवाका प्रमुख रबिन्द्र मिश्र राजनितिमा आउने भन्दा खुसी लागेको छ । हाम्रो आशालाई निरासा नबनाइ दिनु होला । केहि गरेर देखाइदिनु होला ।

    ​लेखराज गिरी
सबै हेर्नुहोस

सोसल मिडिया