MENU

मनोरञ्जन

Ncell Axiata
USAID

​दीपकराज गिरीले लेखे – डिभोर्स हुनलाई त बिहे पनि हुनु पर्यो नी ?

काठमाडौं, चैत ६ – चलचित्र निर्माता तथा कलाकार दीपकराज गिरी समसामयिक विषयमा चासो दिने र आफ्नो विचार स्पष्ट र खरोरुपमा लेख्ने सेलिब्रेटीमा पर्छन् । दीपक आफूलाई लागेको कुरा सामाजिक सञ्जाल फेसबुकमा लेखिहाल्छन् ।  आइतबार उनले सामाजिक सञ्जाल फेसबुकमा एक स्ट्याटस लेख्दै सञ्चार माध्यमको खण्डन गरेका छन् ।केही दिन अघि मात्रै बिभिन्न अनलाइनहरुमा अभिनेत्री साम्राज्ञीराज्य लक्ष्मी शाहले ‘छक्का पञ्जा फेरि’ मा काम नगर्ने भन्ने खबरहरु प्रकाशित भएका थिए । सञ्चार माध्यममा आएका यीनै समाचारलाई दीपकराज गिरीले खण्डन गरेका हुन् ।  उनले फेसबुकमा लेखेका छन्, ‘साम्राज्ञीले ‘‘छक्का पञ्जा फेरि’’ छोडिन् भन्ने खबर भाइरल भएछ ... फिल्मको कथा नै तयार भै सक्या छैन, कसरी छाडिछन् ? रिलिज भइसकेको ‘छक्का पञ्जा’ नै पो छाडिन् भन्या हो की  ? जब कि चल्तिका २/३ जना नायिका पहिले नै छन् फिल्ममा, ती नयाँ नायिकालाई किन भजाउनु हाम्ले ? साम्राज्ञीसँग फिल्मको बिहे नै भा छैन डिभोर्सको के कुरा ? डिभोर्स हुनलाई पहिला बिहे त हुनु पर्यो ?’ 

‘छक्का पञ्जा फेरि’ बन्ने कुरासँगै दीपकराज गिरीले एक नायक र एक नायिका गरी दुई कलाकारहरुको छनौट हुन बाँकी रहेको र नाम चलेकै कलाकारहरुलाई सिनेमामा राख्ने कुरा गरेका थिए । जसमा नायिकातर्फ साम्राज्ञिलाई अफर गएको कुरा थियो । तर साम्राज्ञीले अर्को सिनेमासँग ‘छक्का पञ्जा फेरि’को सुटिङ समय जुधेका कारण ‘छक्का पञ्जा फेरि’मा काम नगर्ने भएको खबर केही अनलाईनहरुमा प्रकाशित भएका थिए । तर दीपकले ती खबरहरु गलत भएको दाबी गर्दै स्टाटस लेखेका हुन् । 

उज्यालो र forseenetwork.com को सहकार्य

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Job Vacancy
पछिल्ला समाचारहरु

सोसल मिडिया