MENU

बातावरण-कृषि

Ncell Axiata
USAID

मौरीपालनबाट मनग्य आम्दानी ‘छाना, माना र नानाका लागि विदेशीनु पर्दैन’

श्यामशितल परियार/उज्यालो ।    

लमजुङ, चैत्र ७  –  मनमा जोश, जाँगर र आँट लिई आफ्नै देशको माटोमा श्रम पसिना बगाउन सके पैसाका लागि परदेश जानु पर्दैन भन्ने उदाहरणको रुपमा लिन सकिन्छ, लमजुङका केही युवा व्यवसायिक किसानलाई । उनीहरु विदेश नगई स्वदेशमै बसी मौरीपालन व्यवसायमा रम्दै मनग्य कमाउँदै आएका छन् । दश वर्षअघि लमजुङ बेसीशहर नगरपालिका–२, दलालका शिववहादुर पाण्डेलाई परिवारको गुजारा चलाउन समेत धौ धौ थियो । तर उहाँ पैसाकै लागि विदेश जानु भएन । आफ्नै लगानीमा सुरु गर्नुभयो, मौरीपालन व्यावसाय । ३ वटा मौरीको घारबाट सुरु भएको उहाँको मौरीपालन व्यवसायले अहिले गति लिएको छ । मौरीपालनबाटै वार्षिक लाखौँ कमाउन सफल भएको उहाँ बताउनुहुन्छ ।  ‘व्यावसायबाट वार्षिक २२÷२५ लाख कमाई भएको छ,’ उहाँले भन्नुभयो ।

शिवबहादुर पाण्डेले अहिले एक सय ४० बढि घारमा मौरीपालन गर्दै आउनुभएको छ । उहाँ लमजुङकै प्रख्यात मौरीपालक कृषकको रुपमा परिचित हुनुहुन्छ ।    

उकासियो जीवन

मौरीपालन व्यावसायमा लागेपछि आफ्नो जीवन नै उकासिएको लमजुङ सुन्दरबजार–९, गहेतका अर्का युवा मौरीपालक किसान ललित गुरुङ बताउनुहुन्छ । पढ्न/लेख्न धेरै नसकेपनि मौरीपालन व्यवसायमा लागेपछि राम्रो कमाई भएको उहाँको भनाई छ । उहाँले ४२ घारमा एप्पीसेरेना जातको मौरी पाल्नुभएको छ । ‘मह बिक्रीबाट वार्षिक ६ लाख आम्दानी हुन्छ,’ उहाँले भन्नुभयो । ‘विदेश जाने सोच भएपनि विदेश गईएन, स्वदेशमै उद्यम गरियो,’ उहाँले भन्नुभयो, ‘देशमै उद्यम गर्न सके छाना, माना र नानाको जोहो गर्न विदेश जानु पर्दैन ।’    

त्यस्तै, गहतेकै बिक्रम गुरुङ पनि बेल्जियम छोडी गाउँमै फर्की मौरीपालन व्यवसायमा रम्नुभएको छ । उहाँले ३५ वटा आधुनिक घारमा मौरी पाल्नुभएको छ । घारमा सेरेना जातका मौरी छन् । उहाँले मह बिक्रीबाटै वार्षिक ७÷८ लाख कमाउनुहुन्छ । उहाँले यस व्यवसायमा १७ वर्ष भन्दा बढि समय व्यतित गर्नुभएको छ । आधुनिक प्रविधिको उपयोग गरी उहाँले मौरी पाल्नुभएको छ । किसानका अनुसार लमजुङमा उत्पादित मह काठमाडौँ, पोखरा, गोरखा लगायतका ठाउँमा पुग्ने गर्दछन् ।

मौरीपालनको उच्च सम्भावना       

मौरीपालन व्यवसायमा लाग्दै गर्दा विभिन्न समस्याहरु आफुहरुले झेल्नुपरेको किसान बताउँछन् । अरिंगाल र विभिन्न प्रकारका चराचुरुङ्गीले सताउने गरेको कास्की मिजुरेकी मौरीपालक किसान बिमला अधिकारीले बताउनुभयो । नेपालमा मौरीपालनको निकै सम्भावना रहेको जानकारहरु बताउँछन् । नेपालमा उत्पादित महमा औषधीय गुण रहेको मौरीपालनका क्षेत्रमा लामो अनुभव बटुल्नुभएका चितवन भरतपुरका लेखनाथ अधिकारीले बताउनुभयो ।

गुणस्तरमा ध्यान दिनु जरुरी    

मौरीपालन व्यावसायबाट मनग्य कमाउन सकिने किसान बताउँछन् । आवश्यक ज्ञान, सीप लिएर मात्रै मौरीपालन व्यवसायमा प्रवेश गर्नुपर्नेमा लमजुङ भार्तेका मौरीपालक किसान प्रेमबहादुर अधिकारीले जोड दिनुभयो । ‘मौरीपालनका लागि चरण अतिआवश्यक छ,’ उहाँले भन्नुभयो । किसानका अनुसार उत्पादित महले राम्रै बजार पाएको छ । उत्पादित महको गुणस्तरमा ध्यान सके उत्पादित मह विदेश निर्यात गरी विदेशी मुद्रा आर्जन गर्न सकिने कृषि तालिम निर्देशानालयका तालिम निर्देशक रेवतीरमण पौडेलले बताउनुभयो ।  

 

प्रतिक्रिया दिनुहोस

सम्बन्धित सामग्रीहरु

  • दही चिउरा खाँदै, धान दिवस मनाईंदै

    काठमाडौं, असार १५ – आज असार १५, देशभर १४ औँ राष्ट्रिय धान दिवस मनाइँदै छ । रोपाइँ जात्रा, हिलो खेल्ने, दहीच्यूरा खाने जस्ता नामले पनि असार १५ गतेलाई मनाउने परम्परा छ । विसं २०६१ मङ्सिर २९ गते मन्त्रिस्तरीय निर्णय गरी विसं २०६२ असार १५ गतेदेखि धान दिवस मनाउन थालिएको हो ।

  • प्रदेश नम्बर १, ५ र ७ का धेरै ठाउँमा वर्षा, मतदाता छाता ओढेर लाइनमा

    काठमाडौं, असार १४ – बुधबार मतदान हुने १, ५ र ७ नम्बर प्रदेशका धेरै ठाउँमा अहिले पानी परिरहेको छ । विशेषगरी १ र ५ नम्बर प्रदेशमा पानी पर्ने क्रम बढीरहेको मौसमविद विभूति पोख्रेलले जानकारी दिनुभयो ।

  • मरेका १८ वटा बाख्रा नियन्त्रणमा, व्यवसायी पक्राउ

    काठमाडौं, असार १२ – काठमाडौं उपत्यकामा मरेका १८ वटा बाख्रा भित्र्याउँदै गरेको अवस्थामा थानकोट चेकपोष्टस्थित पशुपछी विकास मन्त्रालयको क्वारेन्टाइनका कर्मचारीले नियन्त्रणमा लिएका छन् ।

  • ५ तस्बिरमा हेर्नुहोस् खोटाङमा ५ दिन अघि नै धान दिवस

    खोटाङ, असार १० – खोटाङमा पाँच दिन अगावै राष्ट्रिय धान दिवस तथा रोपाइँ महोत्सव मनाइएको छ ।

  • तरकारी खेतीले आत्मनिर्भर बनायो

    डीबी विष्ट/उज्यालो । बझाङ, असार १० – केही वर्षअघि छोराछोरी बिरामी हुदाँ चार पाँच सय ऋण निकालेर अस्पताल हिँडेको सम्झना गर्ने थलारा गाउँपालिका पिखेतकी शिवजला थापा अहिले तरकारी खेतीबाट आत्म निर्भर हुनुभएको छ ।

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया