MENU

समाज

USAID

नेपाल दक्षिण एशियामा खुशी रहने तेस्रो देश, विश्वको ९९ औँ, नर्वे विश्वकै खुशी देश

काठमाडौं, चैत ७ – दक्षिण एशियामा नेपाल खुशी रहने तेस्रो राष्ट्र बनेको छ । खुशीसम्बन्धी विश्व प्रतिवेदन २०१७ काअनुसार दक्षिण एशियामा नेपाल खुशी हुने राष्ट्रको तेस्रो स्थानमा परेको हो । 

गएको वर्षको तुलनामा नेपाल खुशी हुने राष्ट्रको सूचिमा पनि माथि चढेको छ । गएको वर्ष १ सय ७ औं स्थानमा रहेको नेपाल अहिले ९९ औं स्थानमा उक्लेको हो । १ सय ५५ देशको सूचीमा दक्षिण एशियामा पाकिस्तान सबैभन्दा खुशी राष्ट्र बनेको छ । उसले भुटानलाई पछि पार्दै दक्षिण एशियाको शीर्ष स्थानमा आएको हो ।  

१ सय ५५ देशमध्ये पाकिस्तान ८० औं स्थानमा छ भने भुटान ९७ औं स्थानमा छ । यस्तै १ सय १० औँ स्थानमा रहेको बंगलादेश दक्षिण एशियामा चौथो, १ सय २० औँ स्थानमा रहँदै श्रीलंका पाँचौ र १ सय २२ औँ स्थानमा रहँदै भारत दक्षिण एशियामा छैठाैँ स्थानमा छ । नेपालको उत्तर छिमेकी चीन भने ७९ औं स्थानमा छ । 

यी हुन् मापनका आधार 

सस्टेनेबल डेभलपमेन्ट सोलुसन्स नेटवर्कले आन्तरिक उत्पादनमा भएको वृद्धि, औसत स्वस्थ आयु, स्वतन्त्रता, उदारता, सामाजिक सहयोग र सरकारी तथा व्यापारिक क्षेत्रमा कम भ्रष्टाचार हुनुलाई खुशी राष्ट्र बन्नका लागि सूचक तय गरेको थियो । 

नर्वे विश्वकै खुशी राष्ट्र

नर्वे भने विश्वकै सबैभन्दा खुशी राष्ट्र बनेको छ । सस्टेनेबल डेभलपमेन्ट सोलुसन्स नेटवर्कले सार्वजनिक गरेको सन् २०१७ को प्रतिवेदन अनुसार डेनमार्कलाई पछि पादै नर्वे विश्वकै खुशी राष्ट्र बनेको हो । समृद्धिको सन्तुलन, सामाजिक पुँजी, समाजमा रहेको विश्वासको स्तर, न्युन असमानता र सरकारमा रहेको विश्वासका आधारमा खुशी राष्ट्रको सूची तयार गरिएको हो । 

आन्तरिक उत्पादनमा भएको वृद्धि, औसत स्वस्थ आयु, स्वतन्त्रता, उदारता, सामाजिक सहयोग र सरकारी तथा व्यापारिक क्षेत्रमा भ्रष्टाचार नहुनुलाई खुशी राष्ट्र बन्नका लागि सूचकको रुपमा लिइएको नेटवर्कले जनाएको छ । 

१ सय ५५ राष्ट्र समावेश सूचिमा पहिलो १० राष्ट्रभित्र नर्वेपछि डेनमार्क, आइसल्याण्ड, स्वीजरल्याण्ड, फिनल्याण्ड, नेदरल्याण्ड्स, क्यानडा, न्युजिल्याण्ड, अष्ट्रेलिया र स्वीडेन छन् । अमेरिका १४ औँ, जर्मनी १६ औं, बेलायत १९ औँ र फ्रान्स ३१ औँ स्थानमा छन् । अमेरिका खुशी राष्ट्रको सूचिमा तल झर्नुको मुख्य कारण असमानता, अविश्वास र भ्रष्टाचार रहेको प्रतिवेदनमा उल्लेख छ । यस्तै, सव साहारा अफ्रिका र सिरिया तथा यमन यो सूचिको पुछारमा छन् । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Job Vacancy
Foreign Employment Banner
पछिल्ला समाचारहरु

मेरो पनि भन्नु छ

  • भारतले पाकिस्तान र बंगलादेशको सिमामा पर्खाल लगायो भने नेपालले पाउने भुपरिवेष्ठित देशको अन्तर्राष्ट्रिय अधिकार हनन हुन सक्छ । भारतको कदमले नेपालले आयात गर्ने सबै कुरामा भारतकै भर पर्नुपर्ने हुन सक्छ । त्यसैले सरकारले यो विषयमा अहिल्यैदेखि चनाखो बस्नु जरुरी छ ।

    ​रोशन राइ
  • राजनीति गरेँ भन्दैमा स्कुल तथा क्याम्पसमा आगो लगाउन पाइदैन । आफैले ज्ञान लिने ठाउँमा विनास गरेर के गर्न खोजेका हुन् विद्यार्थी संगठनले ।

    ​दिपा डिएच
  • बिबिसी नेपाली सेवाका प्रमुख रबिन्द्र मिश्र राजनितिमा आउने भन्दा खुसी लागेको छ । हाम्रो आशालाई निरासा नबनाइ दिनु होला । केहि गरेर देखाइदिनु होला ।

    ​लेखराज गिरी
सबै हेर्नुहोस

सोसल मिडिया