MENU

बातावरण-कृषि

Ncell Axiata
USAID

वर्षातले कृषक खुशी, उच्च पहाडी क्षेत्रमा हिमपात

भीमकुमार बाँस्कोटा/उज्यालो ।

पाँचथर, चैत ७ – छ महिनापछि वर्षात भएपछि मेची पहाडका किसानहरु खुशी भएका छन् । बाली लगाउने सिजनमै शनिबार बेलुकादेखि वर्षात हुन थालेपछि किसानहरु खुशी भएका हुन् । 

यो सिजननमा पहाडका किसानहरुले मकै, आलुलगायतका बालीहरु लगाउने गर्छन् । बाली लगाउने बेलामा वर्षात भइ जमिन भिजेपछि बाली सप्रने भन्दै किसानहरु खुशी भएका हुन् । ‘असोजदेखि पानी परेको थिएन, हिउँदे बाली कामै नलाग्ने भएको थियो’ सिदिनका चन्द्रप्रसाद खत्रीले भन्नुभयो, ‘बाली लगाउने बेलामा बर्षात भयो, खुशी छौँ ।’ 

यो सिजनमा जमिन भिज्ने गरि पानी पर्दा पहाडका मुख्य नगदेबाली अलैँची राम्ररी फल्ने किसानहरु बताउँछन् । उच्च पहाडी क्षेत्रमा आलु रोप्ने सिजनमा पानी परेको भन्दै उच्च पहाडी क्षेत्रका किसान हर्षित भएका हुन् । ‘आलु रोप्ने बेलामा पानी पर्‍यो, यो साल आलु राम्ररी फल्छ’ प्राङबुङका जीवन राईले भन्नुभयो ।   

उच्च पहाडी क्षेत्रमा भारी हिमपात 

वर्षातसँगै उच्च पहाडी क्षेत्रमा भारी हिमपात भएको छ । धेरै वर्षपछि हिमपात भएपछि उच्च महाडी क्षेत्रका मानिस खुशी छन् । धेरै वर्षपछि पौवाभञ्ज्याङमा भारी हिमपात भएपछि आफूहरु खुशी भएको पौवाभञ्ज्याङका इन्द्र राईले बताउनुभयो । ‘तीन दिनदेखि निरन्तर हिउँ परिरहेको छ’ राईले भन्नुभयो, ‘हिउँ खेलेर रमाउनेहरुको भीड लागेको छ ।’ झण्डै १० वर्षपछि पौवाभञ्ज्याङमा हिउँ परेपछि स्थानीय बासिन्दा खुशी हुनुका साथै हिउँमा रमाउने आन्तरिक पर्यटकको भीड लागेको हो । 

पाँचथरको पौवाभञ्ज्याङ, सुकेपोखरी, चिवाभञ्ज्याङ, तीनसिमाना, सन्दकपुर चारराते गोरुवाले भञ्ज्याङ लगायतको क्षेत्रमा तीन दिनयता हिमपात भइरहेको छ । ताप्लेजुङको सुकेटार क्षेत्रमा पनि सामान्य हिमपात भएको छ । स्थानीय बासिन्दाका अनुसार गोला, घुन्सा, लेलेप लगायतका क्षेत्रमा भारी हिमपात भएको छ । 

 

प्रतिक्रिया दिनुहोस

सम्बन्धित सामग्रीहरु

  • मरेका १८ वटा बाख्रा नियन्त्रणमा, व्यवसायी पक्राउ

    काठमाडौं, असार १२ – काठमाडौं उपत्यकामा मरेका १८ वटा बाख्रा भित्र्याउँदै गरेको अवस्थामा थानकोट चेकपोष्टस्थित पशुपछी विकास मन्त्रालयको क्वारेन्टाइनका कर्मचारीले नियन्त्रणमा लिएका छन् ।

  • ५ तस्बिरमा हेर्नुहोस् खोटाङमा ५ दिन अघि नै धान दिवस

    खोटाङ, असार १० – खोटाङमा पाँच दिन अगावै राष्ट्रिय धान दिवस तथा रोपाइँ महोत्सव मनाइएको छ ।

  • तरकारी खेतीले आत्मनिर्भर बनायो

    डीबी विष्ट/उज्यालो । बझाङ, असार १० – केही वर्षअघि छोराछोरी बिरामी हुदाँ चार पाँच सय ऋण निकालेर अस्पताल हिँडेको सम्झना गर्ने थलारा गाउँपालिका पिखेतकी शिवजला थापा अहिले तरकारी खेतीबाट आत्म निर्भर हुनुभएको छ ।

  • रसुवामा २० हजार अलैचीको बिरुवामा वितरण गरिँदै

    रसुवा, असार ९ – रसुवामा २० हजार अलैचीको बिरुवा वितरण सुरु भएको छ । जिल्ला कृषि विकास कार्यालय रसुवाले कृषि राहत कार्यक्रम अन्तर्गत अलैची, कागती, सुन्तला र अम्बाको बिरुवा वितरण गर्न कार्य सुरु गरेको हो ।

  • सरकारी रकमको दुरुपयोग : ९ किलोको बोकाको कानमा १८ किलोको ट्याग !

    जिल्ला पशु सेवा कार्यालय रामेछापले सरकारी अनुदानको रकम दुरुपयोग गरेको छ । सरकारी नियमअनुसार व्यावसायिक वाख्रापालक कृषकले १६ देखि १८ किलो तौलको बोका अनिवार्य खरिद गरी कार्यालयमा पेश गर्नु पर्ने र त्यही आधारमा प्रति कृषक १५ हजार रुपैयाँ नगद भुक्तानी गर्ने निर्णय भएको थियो ।

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया