MENU

बातावरण-कृषि

Ncell Axiata
USAID

एक घण्टासम्म पर्‍यो असिना पानी, महेन्द्र राजमार्ग केहीबेर अवरुद्ध

सप्तरी, चैत ७ – सप्तरीमा एक घण्टासम्म ठूलो पानीसँगै असिना परेको छ । लगातार खसेको असिनाले जिल्लाको उत्तरी क्षेत्रमा धेरै क्षति गराएको छ ।  

सोमबार दिउँसो वर्षासँगै एक घण्टासम्म लगातार असिना खसेको स्थानीय बासिन्दाले बताएका छन् । जिल्लाको कंचनरुप नगरपालिका र आसपासका गाविसहरुमा खसेको असिना दुई फिटसम्म जमेको कञ्चनपुर नगरपालिकाका स्थानीय संचारकर्मी उत्तम आचार्यले बताउनुभयो । उहाँले भन्नुभयो, ‘खसेको असिनाले महेन्द्र राजमार्गसमेत केही बेर अवरुद्ध भएको थियो ।’ 

कंचनरुपका जितबहादुर श्रेष्ठले आफूले २०४३ सालतिर यत्रो असिना खसेको हेरेको बताउँदै त्यसयता यत्रो असिना खसेको कहिल्यै नदेखेको बताउनुभयो । 

असिनाका कारण कृषकहरुले लगाएको गहुँ, आँप, दलहन, लिचीसहितका बाली पूर्ण रुपमा नष्ट भएको छ । गहुँ पाक्ने समयमा एक घण्टासम्म खसेको असिनाले सबै बर्बाद गरेको कृषक लक्ष्मण यादवले गुनासो गर्नुभयो । 

 

प्रतिक्रिया दिनुहोस

सम्बन्धित सामग्रीहरु

  • दही चिउरा खाँदै, धान दिवस मनाईंदै

    काठमाडौं, असार १५ – आज असार १५, देशभर १४ औँ राष्ट्रिय धान दिवस मनाइँदै छ । रोपाइँ जात्रा, हिलो खेल्ने, दहीच्यूरा खाने जस्ता नामले पनि असार १५ गतेलाई मनाउने परम्परा छ । विसं २०६१ मङ्सिर २९ गते मन्त्रिस्तरीय निर्णय गरी विसं २०६२ असार १५ गतेदेखि धान दिवस मनाउन थालिएको हो ।

  • प्रदेश नम्बर १, ५ र ७ का धेरै ठाउँमा वर्षा, मतदाता छाता ओढेर लाइनमा

    काठमाडौं, असार १४ – बुधबार मतदान हुने १, ५ र ७ नम्बर प्रदेशका धेरै ठाउँमा अहिले पानी परिरहेको छ । विशेषगरी १ र ५ नम्बर प्रदेशमा पानी पर्ने क्रम बढीरहेको मौसमविद विभूति पोख्रेलले जानकारी दिनुभयो ।

  • मरेका १८ वटा बाख्रा नियन्त्रणमा, व्यवसायी पक्राउ

    काठमाडौं, असार १२ – काठमाडौं उपत्यकामा मरेका १८ वटा बाख्रा भित्र्याउँदै गरेको अवस्थामा थानकोट चेकपोष्टस्थित पशुपछी विकास मन्त्रालयको क्वारेन्टाइनका कर्मचारीले नियन्त्रणमा लिएका छन् ।

  • ५ तस्बिरमा हेर्नुहोस् खोटाङमा ५ दिन अघि नै धान दिवस

    खोटाङ, असार १० – खोटाङमा पाँच दिन अगावै राष्ट्रिय धान दिवस तथा रोपाइँ महोत्सव मनाइएको छ ।

  • तरकारी खेतीले आत्मनिर्भर बनायो

    डीबी विष्ट/उज्यालो । बझाङ, असार १० – केही वर्षअघि छोराछोरी बिरामी हुदाँ चार पाँच सय ऋण निकालेर अस्पताल हिँडेको सम्झना गर्ने थलारा गाउँपालिका पिखेतकी शिवजला थापा अहिले तरकारी खेतीबाट आत्म निर्भर हुनुभएको छ ।

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया