MENU

अर्थ

Ncell Axiata

यस्तो छ विश्वकै धनाढ्य बारेको खोज : जुकरवर्गले एक वर्षमा कमाए ११ अर्ब ४० करोड

काठमाडौं, चैत ७ – विल गेट्स यो वर्ष पनि विश्वकै धनी व्यक्ति कायम रहेका छन् । फोब्र्स पत्रिकाले सार्वजनिक गरेको विश्वका धनाढ्य व्यक्तिको सूचीमा गेट्स ८६ अर्ब डलरसहित शीर्ष स्थानमा कायमै रहेका हुन् । गएको वर्षभन्दा उनको सम्पत्तिमा ११ अर्ब डलरको बढोत्तरी भएको छ । 

दोस्रो स्थानमा संचार उद्योगी वारेन बफेट छन् भने तेस्रो स्थानमा अमाजोनका जेफ बेजोस छन् । जेफ यो वर्षको सबैभन्दा भाग्यमानी धनाढ्य समेत भएका छन् । गएको वर्ष पाँचौ स्थानमा रहेका उनले यो वर्ष धनाढ्यका सूचीमा रहेकामध्ये सबैभन्दा धेरै २७ अर्ब ६० करोड डलर कमाएका छन् । चौथो नम्बरमा स्पेनको कपडा उद्योग जाराका एमान्सियो ओर्टेगा छन् । 

यस्तै पाँचौ स्थानमा फेसबुकका संस्थापक मार्क जुकरवर्ग छन् । उनको सम्पत्ति गएको वर्षभन्दा ११ अर्ब ४० करोड डलरले बढेको छ । 

विश्वमा धनाढ्यको संख्या र उनीहरुको सम्पत्तिमा भएको वृद्धिले यसवर्ष नयाँ रेकर्ड बनाएको फोब्र्सले जनाएको छ । फोब्र्सका अनुसार यो वर्ष विश्वमा अर्बपतिको संख्या १३ प्रतिशतले बढेर २ हजार ४ पुगेको छ । उनीहरु सबैको सम्पत्ति एकमुष्ट रुपमा गणना गर्ने हो भने १८ प्रतिशतले बढेर  ७६ खर्ब ७० अर्ब डलरभन्दा बढी  छ । 

यो वर्ष अर्बपतिको सूचीमा १ सय ९५ जना नयाँ व्यक्ति समावेश भएका छन् । जसमा सबैभन्दा धेरै चीनका ७६ जना र अमेरिकाका २५ जना छन् । तर समग्रमा ५ सय ६५ जना अर्बपतिसहित अमेरिका पहिलो स्थानमा छ भने ३ सय १९ जना अर्बपतिसहित चीन दोस्रोमा छ । बेलायतका भने ५४ जना अर्बपति सूचीमा समावेश छन् । 

अमेरिकी राष्ट्रपति डोनाल्ड ट्रम्पले भने यो वर्ष १ अर्ब डलर गुमाउँदै साढे ३ अर्ब सम्पत्तिमा खुम्चन पुगेका छन् । उनी सूचीको ५ सय ४४ औं स्थानमा छन् । 

विनोद चौधरीको सम्पती एक अर्ब ३० करोड डलर

नेपालका उद्योगपति विनोद चौधरी पनि विश्वका अर्बपतिको सूचीमा परेका छन् । उनी १५६७ औं स्थानमा छन् । उनको सम्पत्ति १ अर्ब ३० करोड डलर रहेको फोब्र्सले जनाएको छ । 

 

प्रतिक्रिया दिनुहोस

सम्बन्धित सामग्रीहरु

  • सुनको भाउ घट्यो

    काठमाडौं, कात्तिक ५ – तिहारपछि बजार खुलेको पहिलो दिन आइतबार सुनचाँदीको भाउ घटेको छ ।

  • आइतबारको विदेशी मुद्राको विनिमय दर

    काठमाडौं, कात्तिक ५ – नेपाल राष्ट्र बैंकले आज तोकेको विनिमय दर अनुसार एक साउदी रियालको खरिददर २७ रुपैयाँ ६७ पैसा र विक्रिदर २७ रुपैयाँ ८३ पैसा रहेको छ । त्यस्तै, कतारी रियाल एकको खरिददर २७ रुपैयाँ ३८ पैसा र विक्रिदर २७ रुपैयाँ ५४ पैसा छ ।

  • कवाडी बटुल्ने भारतीयहरु करोडौँको नेपाली पूँजी लान्छन्

    मोरङ, कात्तिक ५ – पैसा कमाउने सुन्दर सपना बोकेर दैनिक झण्डै एक हजार नेपाली वैदेशिक रोजगारीमा विदेश गइरहेका छन् । देशमा रोजगारको सम्भावना नदेखेर नेपाली युवा खाडीतर्फ हानिइरहेका बेला भारतीय नागरिक भने नेपाल आएर कवाडी संकलन गरी नेपालमै पैसा कमाएर घरजम चलाइरहेका छन् ।

  • छठ पर्वले केराको व्यापार बढ्यो

    महोत्तरी, कात्तिक ४ – छठ पर्वका अवसरमा स्थानीय बजारहरुमा केराको कारोबारमा बृद्धि भएको छ ।

  • विदेशी मुद्राको विनिमय दर

    काठमाडौं, कात्तिक २ – नेपाल राष्ट्र बैंकले आज तोकेको विनिमय दर अनुसार एक साउदी रियालको खरिददर २७ रुपैयाँ ६७ पैसा र विक्रिदर २७ रुपैयाँ ८३ पैसा रहेको छ । त्यस्तै, कतारी रियाल एकको खरिददर २८ रुपैयाँ ५० पैसा र विक्रिदर २८ रुपैयाँ ६६ पैसा छ ।

सबै हेर्नुहोस
Joktantra
पछिल्ला समाचारहरु

सोसल मिडिया