MENU

समाज

Ncell Axiata

लाइन बस्दा पनि भाँडो रित्तै, खोलाको दूषित पानीको भर

बैतडी, चैत ८ – बैतडीको मेलौली नगरपालिका–६ की मधु भट्टले दुई घण्टा लाइन बसेर मात्रै पानी भर्न पाउनु भयो । लाइनमा कुर्दाकुर्दै कुनै दिन त पानी नै नआएर रित्तै भाडा फर्काउनु पर्ने बाध्यता पनि रहेको उहाँले बताउनुभयो । भर्खरै गाविसबाट नगरपालिका भएको खुशी एकातिर भएपनि पानीको दुःख नहटेकोमा भने उहाँको गुनासो छ ।

‘सुख्खायाम सुरु भएसँगै मुहानको पानी घट्दै गयो, जनसंख्या वृद्धि भयो, दिनभर लाइनमा बस्नुपर्छ’ उहाले भन्नु भयो । पुरानो खानेपानी आयोजना मर्मत संभार नहुँदा मेलौलीका बासिन्दाले सँधैजसो पानीको समस्या भोग्नु परेको छ । पानीकै लागि एक घण्टा टाढाको खोलामा धाउनु पर्ने र त्यही खोलाको फोहोर पानी ल्याउनु पर्ने बाध्यता छ । अग्लो ठाँउ अन्य मुहान नहुदाँ मेलौलीमा  खानेपानीकै समस्या हुने गरेको स्थानीय बासिन्दाले बताएका छन् । मेलौलीबाट झण्डै ११ किलोमिटर पररहेको दशरथचन्द नगरपालिकाको ग्याल्लेकमा तीन दशकअघि बनाएको खानेपानी आयोजना जिर्ण बन्दा झनै समस्या भएको स्थानीय बासिन्दा बताउँछन् । मेलौली बजारमा खानेपानीको समस्या भएपछि जीप, घोडा खच्चरमा पानी बोकाएर ल्याएको पानी उपभोग गर्नुपर्ने बाध्यता रहेको स्थानीय सुरत पार्कीले बताउनुभयो । 

मेलौलीमा रहेको ग्वाल्लेक मणिलेक खानेपानी आयोजना  समय–समय  बिग्रँदा झनै समस्या भएको होटल सञ्चालक सीता चन्दले बताउनुभयो । लामो दूरीको पुरानो खानेपानी आयोजना  पाइप बिग्रेपछि समयमै मर्मत नहुँदा अहिले हप्ताको दुई तीन दिनमात्रै पानी आउने गरेको उहाँले बताउनुभयो । गर्मी याम लाग्दै गएको छ, अब पानी झन बढी चाहिन्छ । तर खानेपानीकै लागि समस्या भएको ठाउँमा अरु काम कसरी गर्ने भन्दै गाउँले चिन्तामा छन् । 

 

प्रतिक्रिया दिनुहोस

सम्बन्धित सामग्रीहरु

  • बूढीगण्डकीबारेको समझदारीपत्र सच्याउन माग

    काठमाडौं, भदौ ३ – राष्ट्रिय गौरवको आयोजनाको रुपमा रहेको बूढीगण्डकी जलविद्युत् परियोजनाको सम्बन्धमा चिनियाँ कम्पनीसँग गरिएको समझदारीमा रहेका अस्पष्टता हटाउन आग्रह गरिएको छ ।

  • संशोधन भएको वैदेशिक रोजगार ऐनमा के सुधार भयो ?

    सरकारले वैदेशिक रोजगार ऐन, २०६४ तेश्रो पटक संशोधन गरेको छ । तेश्रो संशोधित नियमावली, २०७४ साउन १६ गते देखि कार्यन्वयनमा आएको छ ।

  • दाहसंस्कार गरेको ३ दिनपछि भेटियो माइखोलामा हराएका युवाको शव

    इलाम भदौ ३ – इलाम नगरपालिका स्थित माइखोलाबाट वेपत्ता भएका इलाम नगरपालिका-७ का रोहन आचार्यको शव माइखोलाको शिवालय मन्दिर नजिकै भेटिएको जिल्ला प्रहरी कार्यलय इलामले जनाएको छ ।

  • युएईमा ८० दिन कोमामा बसेकी देवीको फेरि पनि मृत्युसँग संघर्ष

    संसारसँग हार गुहार गरेर बचाएकी श्रीमतीको फेरि उस्तै हालतमा पुगेपछि लोकेन्द्र गएको शक्रबार युएईबाट काठमाडौं आउनुभएको छ । बोल्न सक्ने बनाएर नेपाल ल्याएकी श्रीमती अहिले भने जीवनको अन्तिम सास लिइरहेकी छिन् । त्यसैले त अबले उहाँले पनि श्रीमती बाँच्ने आशा मारिसक्नुभएको छ । भेन्टिलेटरमा राख्दा पनि देवीलाई अब तीन दिनपछि मुखबाट पाइप लगाउन नमिल्ने डाक्टरले बताएका छन् ।

  • बाढी प्रभावित क्षेत्रमा सरसफाइ

    विराटनगर, भदौ ३ – विराटनगर माहानगरपालिकाको बाढी प्रभावित हाटखोला क्षेत्रमा शनिबार सरसफाइ गरिएको छ । विराटनगर महानगरपालिकाको आह्वानमा विभिन्न युवा समूहको आयोजनामा सरसफाइ कार्यक्रम आयोजना गरिएको हो ।

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया