MENU

समाज

Ncell Axiata

भूकम्प प्रभावितलाई घरको साँचो हस्तान्तरण

काठमाडौं, चैत १७ – थाइल्याण्डको नाइन सस्टेनेबल फाउन्डेशन र एसियन इन्स्टिच्युट अफ टेक्नोलोजी एआटीले ललितपुरको महालक्ष्मी नगरपालिकाको लुभुमा भूकम्प प्रभावितलाई बनाइ दिएका घरको साँचो प्रभावितलाई हस्तान्तरण गरिएको छ । 

नेपालका लागि थाइल्याण्डका राजदूत भाकवत तानस्कुलको उपस्थितिमा फूलबारी गाउँपालिकामा बुधबार भएको कार्यक्रममा झण्डै ६ महिना लगाएर बनाएका २१ वटा पक्की घरको साँचो हस्तान्तरण गरिएको हो । जस्ताले छाएको झण्डै ३६० वर्ग फिटको एकतले दुई कोठे घरको साँचो र प्रमाणपत्र थाइल्याण्डका दाताहरुले घरधनीलाई प्रदान गरेको हो ।

नेपालको इनोटेक प्राइभेट लिमिटेडसँग सहकार्य गरेर  थाइल्याण्डको नाइन सस्टेनेबल फाउन्डेशन र एआटीले लुभुको फूलबारी गाउँपालिकामा २१ वटा घर बनाइदिएको हो । फाउन्डेशनकी सुजिन्ताना छान्याथिउसाकुलको संयोजकत्वमा घर निर्माणका लागि आर्थिक सहयोग संकलन गरिएको हो । त्यस्तै सिल्पाकोर्न विश्वविद्यालयका डिन अमृत चासुवनाले चित्र चथा मूर्तिकला प्रदर्शनी एवम लिलाम गरेर रकम संकलन गरिएको हो ।

भूकम्प प्रभावितलाई पक्की रुपमा बनाइदिएका घरहरु इन्टर लक ब्रिक्स प्रविधिबाट बनेको एआटीको ह्याबीटाट सेन्टरका निर्देशक ज्ञानेन्द्र रत्न स्थापितले बताउनुभयो । इन्टर लक ब्रिक्सको लागि विश्वव्यापी पेटेन्ट लिएका स्थापितले इन्टर लक ब्रिक्स  प्रविधि विकास गर्नु भएको हो ।

यस प्रविधि अनुसार स्थानीय श्रोतसाधनको उपयोग गरेर भूकम्प प्रतिरोधी घर बनाइएको उहाँले बताउनुभयो । उहाँका अनुसार सुरुमा ३० वटा घर बनाइदिने लक्ष्य राखिएको भए पनि घरनिर्माणका साम्रगीको भाउ बढेको कारणले २१ वटा घर मात्र बनाउन सकिएको हो ।

 

प्रतिक्रिया दिनुहोस

सम्बन्धित सामग्रीहरु

  • पहाड उक्लिए टेम्पो, सहज बन्यो यात्रा

    एक वर्ष अघिसम्म जिरिखिम्तीदेखि सदरमुकाम म्याङलुङ्ग आउन ठूला सार्वजनिक यातायात कुर्नुको विकल्प थिएन । चाहेको बेला छोटो दुरीको यात्रा गर्न आफ्नै सवारी साधन हुनुपथ्र्यो कि त पुरै गाडी भाडामा लिनुपथ्र्यो ।

  • दृष्टिविहीनका लागि ‘उज्यालो बजार’ शुरु

    पोखरा, भदौ २ – उज्यालो प्रतिष्ठान नेपालले दृष्टिविहीन तथा अन्य अपाङ्गता भएका व्यक्तिका लागि बिहीबारदेखि पोखराको चिप्लेढुंगास्थित सिद्धार्थ मिनि मार्केटमा उज्यालो बजार शुरु गरेको छ ।

  • सम्पदा पुनर्निर्माणमा जापानको चासो

    काठमाडौं, भदौ २ – जापानले भूकम्पका कारण क्षतिग्रस्त काठमाडौंको हनुमानढोका दरवार र पाटनको देगु तलेजु मन्दिरको पुनर्निर्माणमा बिशेष चासो देखाएको छ ।

  • मेट्रो, सिआइबी, महाशाखा र परिसरमा सरुवा हुन आइजिपीदेखि मन्त्रीसम्मको सोर्स

    प्रहरी अधिकृत सरुवाका लागि शक्ति केन्द्र धाउन थालेका छन् । चुनौतीपूर्ण र आकर्षक मानिने महानगरीय प्रहरी आयुक्तको कार्यालय मेट्रो, केन्द्रीय अनुसन्धान व्यूरो सिआइबी, महानगरीय प्रहरी परिसर काठमाडौं, महानगरीय प्रहरी अपराध महाशाखा टेकुमा सरुवा हुनका लागि शक्ति केन्द्र धाउनेको लर्को नै लाग्ने गरेको छ ।

  • महोत्तरीका बाढीप्रभावित क्षेत्रमा ज्वरो र झाडापखालाका बिरामी बढे

    महोत्तरी, भदौ १ – महोत्तरीका बाढी प्रभावित क्षेत्रमा ज्वरो र झाडापखालाका बिरामी बढेका छन् । बाढी प्रभावित ठाउँमा चलाइएको स्वास्थ्य शिविरमा ज्वरो र झाडापखालाका बिरामी धेरै भेटिएको जिल्ला जनस्वास्थ्य कार्यालयले जनाएको छ ।

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया