MENU

बातावरण-कृषि

Ncell Axiata

रसुवाका ७० प्रतिशत घरधुरी खाद्य सुरक्षित

रसुवा, चैत १७ – कृषि उत्पादन, व्यापार व्यवसाय, पर्यटन र रोजगारीका कारण रसुवाका ७० प्रतिशत घरधुरीमा खाद्य सुरक्षित रहेको देखिएको छ । 

जिल्ला कृषि विकास कार्यालय रसुवाका अनुसार अघिल्लो वर्षको तुलनामा मकै २० प्रतिशत, आलु १५ प्रतिशत, धान ८ प्रतिशतले बृद्धि भएको, १२ हजार किलो जडिबुटी उत्पादन, १८ करोड भन्दा बढी रेमिट्यान्स भित्रिएको तथा आन्तरिक तथा बाह्य पर्यटक बढेकाले ७० प्रतिशत घरधुरी खाद्य सुरक्षित भएका हुन् । 

अघिल्लो वर्ष जिल्लामा १८ सय मेट्रिक टन खाद्य अपुग भएकोमा यस वर्ष उत्पादन बढेसँगै एक हजार मेट्रिक टन खाद्यान्न अपुग हुने कार्यालयले जनाएको छ । 

जिल्लामा ३० प्रतिशत खाद्यान्न अपुग

जिल्लामा अझै पनि ३० प्रतिशत खाद्यान्न अन्य जिल्लाबाट ल्याउनुपर्ने बाध्यता रहेको छ । जिल्लामा रहेको जमिन मध्ये ८ प्रतिशत मात्र खेती योग्य जमिन भएकाले खाद्यान्न अन्य जिल्लाबाट ल्याउनु परेको हो । 

जिल्लामा रहेको १ लाख ५ हजार दुई सय हेक्टर जमिन मध्ये खेतीयोग्य जमिन १२ हजार ४५८ हेक्टर मात्र रहेको छ । कार्यालयका अनुसार जिल्लामा १२ सय हेक्टर खेत र ११ हजार १६७ हेक्टर पाखो जमिन रहेको छ । 

२०७२ वैशाख १२ गते गएको भूकम्पका कारण जिल्लाको लाङटाङ, हाकु, राम्चे, र डाँडागाउँका केही क्षेत्र खाद्य सुरक्षाका हिसाबले जोखिमपूर्ण रहेको वरिष्ठ कृषि विकास अधिकृत रमेश हुमागाईंले बताउनुभयो । 

कृषि उत्पादनका हिसाबले एक हजारदेखि एक हजार पाँच सय मेट्रिक टन खाद्यान्न अपुग हुने भएपनि पहुँच, उपयोग र स्थिरताका हिसाबले न्यूनतम खाद्य असुरक्षित जिल्ला भएको हुमागाईंले बताउनुभयो । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया