MENU

बातावरण-कृषि

Ncell Axiata
sagun

भक्तपुरमा दुई दिने कृषि मेला सुरु

भक्तपुर, चैत १९ – कृषि मन्त्री गौरीशंकर चौधरीले सरकारले आगामी बजेटमा कृषिमा आत्मनिर्भर बनाउने गरी बजेट ल्याउने तयारी गरेको बताउनु भएको छ । शनिबारबाट भक्तपुरको सूर्यविनायकमा जिल्ला कृषि सहकारी संघले आयोजना गरेको दुई दिने बृहत कृषि मेलाको उद्घाटन गर्दै उहाँले कृषिमा नेपाललाई आत्मनिर्भर बनाउन सरकार लागिपरेको बताउनुभएको हो । 

कृषि सहकारीको माध्यम एवं निजी कृषि संस्थाहरुबाट पनि कृषिको विकासका लागि सरकारले साझेदारी रुपमा काम गर्न खोजेको बताउँदै उहाँले कृषिलाई माथि उठाउन सरकारले थप कार्यक्रमहरु ल्याउन लागेको बताउनुभयो ।

कृषिमा आत्मनिर्भर बन्नसक्ने क्षेत्र भनेको कृषि, उर्जा, पर्यटन क्षेत्र नै भएको बताउँदै उहाँले कृषिको विकास, उर्जाको विकास एवं प्रबद्र्धन तथा पर्यटन क्षेत्रको विकास गर्न सके नेपाल पूर्ण रुपमा आत्मानिर्भर बन्नसक्ने बताउनुभयो । 

कृषिको उत्पादनलाई बजारीकरण गर्न सके कृषि उत्पादन बढाउन सक्नेमा जोड दिँदै उहाँले त्यसका लागि कृषि समूह, कृषक र राज्यले संयुक्त रुपमा कार्यक्रमहरु लैजानु पर्न बताउनुभयो ।

त्यसअवसरमा जिल्ला कृषि सहकारी संघका अध्यक्ष उत्तम सापकोटाले भक्तपुरलाई नमूना कृषि जिल्लाको रुपमा विकास गर्न मेला आयोजना गरिएको बताउँदै मेलामा ३५ हजार भन्दा बढी कृषकले मेलाको अवलोकन गर्ने अपेक्षा गरिएको बताउनुभयो । 

कार्यक्रममा जिल्ला कृषि विकास कार्यालय भक्तपुरकी प्रमुख पूर्णा ढुङ्गाना, डिभिजन सहकारी कार्यालय भक्तपुरका प्रमुख प्रेम श्रेष्ठ, राष्ट्रिय सहकारी बंैक लि.का संचालक सरिता भट्टाराई, सहकारीविद् कैलाशभक्त प्रधानाङ्ग, उद्योग वाणिज्य संघ भक्तपुरका अध्यक्ष केपी अवाल लगायतले मेलाले कृषकलाई कृषि क्षेत्रमा लाग्न अभिपे्ररित गर्ने बताउँदै किसानले अपलब्धीहरु पनि हासिल गर्न सक्नेमा जोडदिनुभयो । 

दुईदिने मेलामा किसानहरु, व्यवासायिक कृषि फार्म, अगुवा किसान, कृषि कम्पनीहरुबाट उत्पादित कृषि उपजहरु, कषि प्रविधी, कृषि औजार, कृषि ऋण, कृषि बिमा, मल, कृषि सम्बन्धी परामर्शहरु, च्याऊ तथा आलूका परिकारहरु सहितको ४५ वटा भन्दा बढी स्टलहरु रहेको मेलाका संयोजक शनिस लागेजुले बताउनुभयो ।

प्रतिक्रिया दिनुहोस

सम्बन्धित सामग्रीहरु

  • बाढीले बगाएर भारत पगेका १० गैँडाको उद्धार

    चितवन, मंसिर ४ – चितवन राष्ट्रिय निकुञ्जबाट गएको साउनमा आएको बाढीले बगाएर भारत पुगेका १० वटा गैँडाको उद्धार गरिएको छ । पछिल्लो पटक भारतको पिप्रासीबाट एउटा गैँडाको उद्धार गरी सोमबार बिहान चितवन ल्याई सामुदायिक वनमा छाडिएको छ ।

  • कफी आयात र निर्यातमा कमी उत्पादनमा वृद्धि

    काठमाडौं, मंसिर १ – आज १३ औं राष्ट्रिय कफी दिवस : ‘आर्थिक सम्बृद्धिको लागि गुणस्तरीय कफी उत्पादन ! सरकारी, निजी र सहकारी क्षेत्रको राष्ट्रिय अभियान’ भन्ने नाराका साथ मनाइँदैछ ।

  • हिमाली जिल्लामा हिमपात सुरु, मतदान प्रभावित हुन सक्ने आशंका

    काठमाडौं, मंसिर १ – पश्चिमी भेगका हिमाली जिल्लामा हिमपात सुरु भएको छ । हुम्लामा शुक्रबार बिहानैदेखि हिमपात भइरहेको छ । सदरमुकाम सिमकोट र उत्तरी भेगका लिमी, मुचु खगालगाउँ, स्याँडा, हेप्का लगायतका क्षेत्रमा लगातार हिउँ परिरहेको हो ।

  • तिहारका फूलमाला उम्मेदवारका गलामा

    चितवनको क्षेत्र नं. ३ बाट उम्मेदवार बनेका नेकपा माओवादी केन्द्रका अध्यक्ष पुष्पकमल दाहाल प्रचण्ड अहिले घरदैलो अभियानमा हुनुहुन्छ । पञ्चेबाजासहित घरदैलो अभियान सुरु गरेका प्रचण्ड जुन घरमा पुग्नुहुन्छ, त्यही घरमा फूलमाला लगाएर स्वागत गर्नेको घुईंचो हुन्छ ।

  • चितवनमा अन्तर्राष्ट्रिय भैँसी विज्ञहरुको सम्मेलन सुरु

    चितवन, कात्तिक २९ – चितवनमा सौराहामा अन्तर्राष्ट्रिय भैँसी विज्ञहरुको सम्मेलन सुरु भएको छ । नेपालमा पहिलो पटक भएको यो सम्मेलनमा विभिन्न देशका भैँसी विज्ञहरुले सहभागिता रहेको छ ।

सबै हेर्नुहोस
Joktantra
पछिल्ला समाचारहरु

सोसल मिडिया