MENU

बातावरण-कृषि

Ncell Axiata
sagun

विश्वमा ६० हजार प्रजातिका बिरुवा, कुन देशमा बढी ?

चैत २३ – विश्वमा अहिले ६० हजार ६५ प्रजातिका बोटबिरुवा रहेको नयाँ अध्ययनले देखाएको छ । बोटानिलक गार्डेन्स कन्जरभेसन इन्टरनेशनल (बिजिसिआई) ले विश्वभरमा गरेको अध्ययनबाट अहिले पृथ्वीमा ६० हजार ६५ प्रजातिका बोटबिरुवा रहेको पाइएको हो । बिजिसिआईले विश्वभरमा रहेका पाँच सय भन्दा धेरै सदस्य संस्थाबाट तथ्यांक संकलन गरी बोटबिरुवाको नयाँ तथ्यांकसहितको प्रतिवेदन सार्वजनिक गरेको हो । द जर्नल अफ सस्टेनेवल फरेस्टीमा प्रकाशित भएको प्रतिवेदन अनुसार सबै भन्दा धेरै बिरुवाको प्रजाति रहेको देश ब्राजिल हो । ब्राजिलमा ८ हजार ७ सय १५ प्रजातिका बोटबिरुवा छन् । यस्तै उत्तरी ध्रुवमा बिरुवा नभएको उत्तर अमेरिका बिरुवाका कम प्रजाति भएको क्षेत्र हो । त्यहाँ १४ सय भन्दा कम प्रजातिका विश्वमा पाइने आधा भन्दा बढी प्रजातिका बिरुवा एक देशमा मात्रै पाइने गरेको अध्ययनले देखाएको छ । ५८ प्रतिशत बिरुवाका प्रजाति एक देशमा मात्रै पाइने र ती प्रजाति जोखिममा रहेको उल्लेख गरिएको छ । वन फडानी तथा मौसममा आएको परिवर्तका कारण पनि ती प्रजाति लोप हुने जोखिम छ । झण्डै तीन सय प्रजातिका बिरुवा अति संकटापन्न अवस्थामा रहेको पाइएको छ । ती हरेक प्रजातिका बिरुवाको संख्या ५० भन्दा कम संख्यामा छ । विश्वभरबाट प्राप्त भएको तथ्यांकको विश्लेषणको सुरुवाति चरणमा रहेकाले बिरुवाको प्रजातिको संख्यामा फेरबदल हुन सक्ने बिजिसिआईका महासचिव पल स्मिथले बताउनुभयो । 

 

प्रतिक्रिया दिनुहोस

सम्बन्धित सामग्रीहरु

  • बाढीले बगाएर भारत पगेका १० गैँडाको उद्धार

    चितवन, मंसिर ४ – चितवन राष्ट्रिय निकुञ्जबाट गएको साउनमा आएको बाढीले बगाएर भारत पुगेका १० वटा गैँडाको उद्धार गरिएको छ । पछिल्लो पटक भारतको पिप्रासीबाट एउटा गैँडाको उद्धार गरी सोमबार बिहान चितवन ल्याई सामुदायिक वनमा छाडिएको छ ।

  • कफी आयात र निर्यातमा कमी उत्पादनमा वृद्धि

    काठमाडौं, मंसिर १ – आज १३ औं राष्ट्रिय कफी दिवस : ‘आर्थिक सम्बृद्धिको लागि गुणस्तरीय कफी उत्पादन ! सरकारी, निजी र सहकारी क्षेत्रको राष्ट्रिय अभियान’ भन्ने नाराका साथ मनाइँदैछ ।

  • हिमाली जिल्लामा हिमपात सुरु, मतदान प्रभावित हुन सक्ने आशंका

    काठमाडौं, मंसिर १ – पश्चिमी भेगका हिमाली जिल्लामा हिमपात सुरु भएको छ । हुम्लामा शुक्रबार बिहानैदेखि हिमपात भइरहेको छ । सदरमुकाम सिमकोट र उत्तरी भेगका लिमी, मुचु खगालगाउँ, स्याँडा, हेप्का लगायतका क्षेत्रमा लगातार हिउँ परिरहेको हो ।

  • तिहारका फूलमाला उम्मेदवारका गलामा

    चितवनको क्षेत्र नं. ३ बाट उम्मेदवार बनेका नेकपा माओवादी केन्द्रका अध्यक्ष पुष्पकमल दाहाल प्रचण्ड अहिले घरदैलो अभियानमा हुनुहुन्छ । पञ्चेबाजासहित घरदैलो अभियान सुरु गरेका प्रचण्ड जुन घरमा पुग्नुहुन्छ, त्यही घरमा फूलमाला लगाएर स्वागत गर्नेको घुईंचो हुन्छ ।

  • चितवनमा अन्तर्राष्ट्रिय भैँसी विज्ञहरुको सम्मेलन सुरु

    चितवन, कात्तिक २९ – चितवनमा सौराहामा अन्तर्राष्ट्रिय भैँसी विज्ञहरुको सम्मेलन सुरु भएको छ । नेपालमा पहिलो पटक भएको यो सम्मेलनमा विभिन्न देशका भैँसी विज्ञहरुले सहभागिता रहेको छ ।

सबै हेर्नुहोस
Joktantra
पछिल्ला समाचारहरु

सोसल मिडिया