MENU

अन्तर्राष्ट्रिय

Ncell Axiata
USAID

ट्रम्पले स्टिभ बेननलाई एनएससीबाट हटाए

चैत २४ – अमेरिकी राष्ट्रपति डोनाल्ड ट्रम्पले स्टिभ बेननलाई राष्ट्रिय सुरक्षा परिषद (एनएससी) बाट हटाउनुभएको छ । ट्रम्पले उच्च राजनीतिक सल्लाहकारलाई एनएससीको पदबाट हटाउनुभएको हो ।

बेनन राष्ट्रपति ट्रम्पको लामो समयदेखिको राजनीतिक सल्लाहकार तथा सहयोगी रहँदै आउनुभएको छ । अमेरिकी सञ्चारमाध्यमले ट्रम्प राष्ट्रपति भएपनि सबै निर्णय बेननले गराउने गरेको बताउँदै आएका छन् । ट्रम्पले राष्ट्रपतिको जिम्मेवारी सम्हाले लगतै गएको जनवरीमा बेननलाई एनएससीको सदस्यमा नियुक्त गर्नुभएको थियो । एनएससीको सदस्यबाट हटाइए पनि बेननको बरियतामा कुनै किसिमको फेरबदल नहुने ह्वाइट हाउसका सल्लाहकारले बताएका छन् ।

ट्रम्पका राष्ट्रिय सुरक्षा सल्लाहकार माइकल फ्लेनमाथि निगरानी गर्नका लागि बेननलाई एनएससीमा राखिएको ह्वाइट हाउस स्रोतले जनाएको छ । फ्लने रुससँगको सम्बन्धका कारण गएको फ्रेबुअरीमा नै बर्खास्त भएकाले बेनन एनएससीमा बसिरहनु पर्ने अवस्था नरहेको दाबी गरिएको छ ।

तर ह्वाइट हाउसमा ट्रम्पका ज्वाईं ज्यारेड कुश्नरको प्रभाव बढ्दै गएकाले बेनन एनएससीबाट हटाइएको विश्लेषण गरिएको छ । एनएससी राष्ट्रपतिलाई राष्ट्रिय सुरक्षा तथा अन्तर्राष्ट्रिय सम्बन्धका बारेमा सल्लाह दिने मुख्य समूह हो । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Foreign Employment
Job Vacancy
पछिल्ला समाचारहरु

मेरो पनि भन्नु छ

  • भारतले पाकिस्तान र बंगलादेशको सिमामा पर्खाल लगायो भने नेपालले पाउने भुपरिवेष्ठित देशको अन्तर्राष्ट्रिय अधिकार हनन हुन सक्छ । भारतको कदमले नेपालले आयात गर्ने सबै कुरामा भारतकै भर पर्नुपर्ने हुन सक्छ । त्यसैले सरकारले यो विषयमा अहिल्यैदेखि चनाखो बस्नु जरुरी छ ।

    ​रोशन राइ
  • राजनीति गरेँ भन्दैमा स्कुल तथा क्याम्पसमा आगो लगाउन पाइदैन । आफैले ज्ञान लिने ठाउँमा विनास गरेर के गर्न खोजेका हुन् विद्यार्थी संगठनले ।

    ​दिपा डिएच
  • बिबिसी नेपाली सेवाका प्रमुख रबिन्द्र मिश्र राजनितिमा आउने भन्दा खुसी लागेको छ । हाम्रो आशालाई निरासा नबनाइ दिनु होला । केहि गरेर देखाइदिनु होला ।

    ​लेखराज गिरी
सबै हेर्नुहोस

सोसल मिडिया