MENU

विचार/अनुभूति

यसकारण देउवालाई निधिभन्दा थापा महत्वपूर्ण

लक्ष्मण कार्की -

दुईजना उपप्रधानमन्त्रीमा को वरिष्ठ भन्ने विवादले मन्त्रीपरिषदको बैठक बस्न नसकेको एक महिना पुग्न लाग्यो । यहाँसम्मकी बरिष्ठ तोक्न नसक्दा प्रधानमन्त्री पुष्पकमल दाहाल स्वीकृत नै नगरि चीन भ्रमणमा जानुभयो । दृष्यहरु यस्ता पनि देखिए प्रधानमन्त्रीको छेउमा बसेको भरमा बरिष्ठ होइन्छ भनेर उपप्रधानमन्त्रीहरु विमलेन्द्र निधि र कमल थापाले ‘तानातान’ नै गरे । अनि कुटनीतिक भेटघाटमा राष्ट्रिय झण्डा आफ्नो टेबुलमा राखेर पनि बरिष्ठ म हुँ भन्ने सन्देश दिन खोजियो । 

धेरैजनाले बरियतामै किन किचकिच भइरहेको होला भनेर प्रश्न उठाइरहेपनि यो विषय अहिलेको मात्र नभइ आउँदो सरकार गठनसम्मलाई प्रभावित गर्ने विषय भएकाले प्रधानमन्त्री दाहाल र काँग्रेस सभापति शेरवहादुर देउवा यो विषयमा गम्भीर छन् । त्यसैकारण विहिबार मन्त्रीपरिषद बैठक बस्ने तयारी सकिएपनि अन्तिम समयमा बैठक नै आइतबारसम्मका लागि स्थगित गरिएको छ । 

यसको कारण हो राप्रपाको साथ नयाँ सरकारलाई पनि चाहिनु । राष्ट्रिय राजनीति अहिले एक खालको धु्रविकरणको अवस्थामा छ । एकातिर एमाले र अर्कातिर काँग्रेस माओवादीले एकएक वटा धु्रवको नेतृत्व गरिरहेका बेला राप्रपाका अध्यक्ष समेत रहेका उपप्रधानमन्त्री कमल थापा ‘बेखुश’ भएर एमालेतिर गए गठबन्धनलाई समस्या पर्नेछ । सत्तारोहणका लागि जता मल्खु उतै ढल्खु हुने स्वभावका थापाले केही दिनअघि  एमाले अध्यक्ष केपी शर्मा अ‍ोलीलाई भेटेर देउवा र दाहालको मनमा ढ्याङ्ग्रो बजाइदिइसकेका छन् । 

यस्तो बेलामा बरियताको विवादमा धेरै किचलो गर्नुभन्दा थापालाई नै दोश्रो नम्बरमा राख्दा पनि केही नबिग्रने देउवाको बुझाई छ । स्थानीय चुनाव पछि सत्ता सम्हाल्ने तयारीमा रहेका देउवाका लागि ३७ सिट भएका थापाको महत्व निकै नै छ । अर्कातिर मधेशी मोर्चा र फोरम लोकतान्त्रिकले समेत समर्थन फिर्ता लिएको अवस्थामा थापा झनै प्रिय हुने नै भए । 

त्यहि भएर त बुढानिलकण्ठमा देउवालाई भेटेर आएलगत्तै उपप्रधानमन्त्री थापाले भने ‘बरियताको विवाद अब मिलिसक्यो ।’

आफुलाई बरियतामा कमल थापाभन्दा माथि राख्ने गरि मन्त्रीपरिषदको बैठक बस्ने तयारी भइरहेपनि अन्तिममा बैठक नै स्थगित भएको रनाहामा काँग्रेसबाट मन्त्री बनेकाहरुको छुट्टै भेला गरेका निधिले थापा भन्दा तल राखिए राजिनामा नै दिने बताएपनि मन्त्रीहरुले नै त्यसो नगर्न सुझाव दिएका छन् । मन्त्रीहरुको जोड पनि त्यहि थियो कि कमल थापाले सरकार छोडेर गए भने त्यसले पार्ने प्रभाव तपाईंको वरियताभन्दा ठूलो कुरा हो । त्यसैकारण निधि लगायतका मन्त्रीहरु सभापति  देउवालाई बरियताको टुंगो लगाउने निर्णय गर्ने जिम्मा दिएर निवास फर्किए । 

स्थानीय चुनावको मिति नजिकिंदै जाँदा सत्ता साझेदार मुख्य दल काँग्रेस र माओवादी केन्द्रबिच खटपट शुरु भएको छनक आउँदै गर्दा बरियताको कुरा पनि थपिएको छ । चैतपछि आलोपालो गरेर प्रधानमन्त्री बन्ने लिखित सम्झौता नै गरेर सत्ता साझेदारी गरेपनि प्रधानमन्त्री दाहालले चुनाव लम्ब्याउन चाहेको देउवाले शंका गर्न थालेका छन् । यस्तो बेलामा पनि कमल थापा देउवाका लागि झनै महत्वपूर्ण पात्र छन् । देउवाका लागि निधि रिसाउनु भन्दा कमल थापाले साथ छोड्नु धेरै हिसाबले अर्थपूर्ण हुन्छ । काँग्रेसका एकजना मन्त्रीले अनौपचारिक कुराकानीमा भने ‘निधि जि त जति नै रिसाएपनि देउवालाई छोडेर जानुहुन्न तर कमल थापाले त अर्को समिकरणलाई नै साथ पनि दिन सक्छन् ।’

थापालाई पहिलो वरियतादिइए निधि मन्त्रीपरिषदमा बस्ने कि नबस्ने भन्ने दुविधामा रहेको उनी निकट श्रोतले बताएको छ । आफू बरिष्ठ भएपनि थापालाई बरिष्ठ बनाएको अवस्थामा राजिनामा दिने बताउँदै आएका निधिलाई काँग्रेसबाट मन्त्री बनेकाहरु तथा सभापति देउवाले समेत राजनीतिक समिकरण बुझेर सुझबुझपुर्ण निर्णय गर्न सुझाएका छन् । त्यसपछि निधि आफूलाई थापा भन्दा तल राख्ने छनक पाएका निधि झनै दबाबमा रहेको श्रोतको दावी छ । 

 

Mitsubishi

प्रतिक्रिया दिनुहोस

सम्बन्धित सामग्रीहरु

  • विचरा बोर्डिङका विद्यार्थी : जेलसरी जिन्दगी, व्यवहारिक ज्ञान शून्य

    ९८ प्रतिशत ल्याएर पास गरिरहेको छोरोलाई घर परिवारलगायत व्यवहारिक पक्ष केही पनि थाहा हुँदैन । थाहा होस् पनि कसरी उसलाई परिक्षामा कसरी प्रतिशत बढाउने फर्मुला बाहेक अरु केही सिकाइएन। सबै किताबका फर्मुला कण्ठ बनाइयो तर उसलाई जिन्दगीको फर्मुला कहिल्यै सिकाइएन।

  • संस्कृतभाषा र धर्म–संस्कृति–शिक्षाका बालपाठ्यपुस्तक

    वर्तमान परिस्थितिमा नयाँ पुस्तामा धार्मिक–साँस्कृतिक जागरणको आव¬श्यकता अनुभव गरेर लामो समयदेखि संस्कृत भाषाको र वैदिक हिन्दु धर्म–संस्कृतिको अध्ययन, मनन, आचरण र प्रचार–प्रसारमा संलग्न हुँदै आएको स्वाद्ध्यायशाला¬कुटुम्ब यसतर्फ अग्रसर भैरहेको छ ।

  • भर्ना अभियानको तामझाम : गुणस्तर सुधारमा किन जाँदैन ध्यान ?

    भर्ना अभियान बिगतमा पनि हामीले हेरेकै हौँ । अहिले पनि त्यसलाई निरन्तरता दिन खोजिएको छ । हरेक वर्ष सरकारी निकायबाट तामझाम देखाउने क्रम यो वर्ष पनि चलेकै छ । तर विद्यार्थी सामुदायिक विद्यालयमा किन आएनन् ? कसरी विद्यार्थीलाई आकर्षण गर्ने ?

  • एमाले–माओवादी एकता : मासिने पालो अब कसको ?

    भारतले नमिलाइदिएसम्म एक अर्काका शत्रु रहेका एमाले र माओवादी मिलाप भएर तालमेल गरेर चुनावमा जाँदा कांग्रेस सकियो । यी दुई कम्युनिष्ट जोडिएर एउटै पार्टी बनाउने क्रम चल्दैछ यस बेला ।तर एउटा शक्ति अर्का विरूद्ध प्रयोग भएर क्रमै सँग एक–अर्कालाई मास्ने विदेशी दाउ रोकिएको छैन नेपाली राजनीतिमा ।प्रश्न बाँकी छ, मासिने पालो अब कसको ?

  • ०७५ मा छुकछुके रेल, मेलम्चीको भेल र क्रिकेट खेल

    सुखसँग दुःख गर्नु र दुःखमा पनि दुःख पाउनुमा आकाश पातालको फरक छ । दुःख गरेअनुसार फल मिल्यो भने त्यो दुःख पनि सुख हुन्छ । तर दुःखमा बगेको पसिना बालुवामा पानी खन्याए जस्तो भयो भने दुःखमाथि दुःख मात्रै हुन्छ । बितेका धेरै वर्षमा धेरैलाई यस्तै भयो । दुःखमाथि भुक्तमान, सास्तीमाथि सकस ।

सबै हेर्नुहोस
Skill Training
पछिल्ला समाचारहरु

सोसल मिडिया