MENU

विचार/अनुभूति

Ncell Axiata

के तपाईंलाई आफ्नो जीवन व्यर्थ लाग्छ ?

के तपाईंलाई आफ्नो जीवन व्यर्थ लाग्छ ? तपाईंलाई आफू एक्लै भएको महशुस हुन्छ ? त्यस्तो नसोच्नुस् । त्यसको उपाय छ । 

विश्व स्वास्थ्य दिवसको अवसर पारेर संसारभर नै उदासिनताको बारेमा कुरा गरौँ अभियान सुरु भएको छ । नेपालमा पनि सरकारले उदासिनता रोगको बारेमा जानकारी गराउन अभियान चलाएको छ । उदासिनता भए के गर्ने त ? स्वास्थ्य मन्त्रालयले निकालेको विज्ञप्तिमा भनिएको छ  : हतास हुने होइन, समाधान खोज्नुस् । सहयोग खोज्नुस् । तपाईंलाई जीउन कठिन भए जस्तो लाग्छ भने खुलेर कुरा गर्नुस् ।

उदासिनताका कारण तपार्इंलाई जीवन व्यर्थ भएको जस्तो लागेको हुन सक्छ । उदासिनता एउटा अवस्था हो । यसको उपचार सम्भव छ । हेरचाह, साथीभाइ परिवारको सहयोगले उदासिनता हटाउन मद्दत गर्दछ । तनावले उदासिनतालाई झन् जटिल मोडमा पु¥याउँछ । त्यसैले तनाव लिनु हुँदैन । 

तपाईंको आसपासमा उदासिनता भएका व्यक्तिलाई तपाईंले यसरी सहयोग गर्न सक्नुहुनेछ 

  • उनीहरुलाई सहयोग गर्ने विश्वास दिलाउनुहोस् । 
  • उनीहरुको कुराको लेखाजोखा नगरी कुरा सुन्नुहोस् ।
  • उदास हुनुको कारण पत्ता लगाउनुहोस् ।
  • उपचारका लागि तालिमप्राप्त व्यक्ति भेटाइदिने
  • उपचारमा लगि त्यहि अनुसार औषधि भए खान सहयोग गर्ने
  • नियमित खानपान र सुत्ने व्यवहारमा सहयोग गरिदिने । 
  • सकारात्मक कुरामा उनीहरुको ध्यान केन्द्रित गराउने ।

आशाहीन महशुस हुनु र बाँच्नुको अर्थ नदेख्नु उदासिनता हो । यस्तो सोच मनमा आएका बेला यो सोच्नु पर्छ की जिन्दगीका यस्तो हुनु तपाईं मात्र एक जना होइन । धेरै मानिस यस्तै जीवन भोगिरहेका छन् । साथीभाइसँग आत्महत्याका बारेमा कुरा गर्नुपर्दछ । यसले आत्महत्याको सोचबाट पछि हट्न सकिन्छ । विश्वमा आपसी सद्भाव र सहयोग तथा बेरोजगार अनि युद्धले गर्दा धेरै मानिस उदासिनतामा गएका छन् । 

तपार्इंका घर वरपर कुनै मानसिक सन्तुलन बिग्रिएर घरमै बाँधिएर बसेका छन् भने उनीहरुको बारेमा बोल्नुस् । सहयोग गर्नुस् । मानसिक असन्तुलन भए त्यसको उपचार हुन्छ भनेर उनीहरुको परिवारलाई बुझाउनुस् । 

यस्तै तपाईं आफैँलाई उदास भएको महशुस हुन्छ भने आफ्ना नजिकैका साथीलाई आफ्नो कुरा राख्नुस् । आफूलाई राम्रो लाग्ने क्रियाकलाप गरिरहनुस् । छोटो समयमा लागि हिँडडुल गरिरहनुस्, दैनिक व्यायाम गर्नुस् । नियमित खानपान र सुत्ने तालिका बनाउनुस् । जाँड रक्सी र चुरोट सुर्तीजन्य पदार्थबाट टाढै रहनुस् । आत्महत्या गर्ने जस्तो सोच आयो भने तुरुन्तै सहयोगका लागि नजिकका आफन्त तथा साथीसँग सम्पर्क गर्नुस् ।

उदासिनताका लक्षण

  • शक्ति कम हुनु
  • खाने इच्छामा परिवर्तन
  • कम वा बढी सुत्नु
  • ध्यान केन्द्रित नहुनु, 
  • चिन्ता बढ्नु
  • शान्त बस्न नसक्नु
  • बेकार भएको महसुस गर्नु
  • आफूलाई दोषी ठान्नु वा आशाहीन हुनु, र आफूलाई चोट पुर्‍याउने वा आत्महत्या गर्ने सोच आउनु ।

उदासीनता जो कोहीलाई पनि हुनसक्छ । यो कमजोरीको चिन्ह होइन । उदासीनता रोगको उपचार थेरापी वा औषधी दुवै माध्यमबाट हुन्छ । उदासिनता बारे बेलैमा सोचे गम्भीर दुर्घटनाबाट बच्न सकिन्छ ।

 

प्रतिक्रिया दिनुहोस

सम्बन्धित सामग्रीहरु

  • ​ बाढी प्रभावित क्षेत्रमा रोगको महामारी देखिँदैछ, यसरी सजगता अपनाऔं

    विश्वमा प्राकृतिक प्रकोप पछि सधै स्वास्थ महामारी हुने गरेको देखिन्छ । र त्यसको सम्भावना उच्च हुने गर्छ । अहिले दैनिक जसो बाढी पहिरो गएका ठाउँबाट झाडापखाला, श्वासप्रश्वास र ज्वरोका बिरामी बढिरहेको भन्ने समाचार आइरहेका छन् ।

  • जसको पसिना गन्हाउँछ, उसलाई थाहा हुँदैन

    गर्मी याममा शरीरमा पसिना आउनु नराम्रो कुरा होइन । यसले शरीरलाई शान्त राख्न तथा शरीरको तापक्रम घटाउन मद्दत गर्छ । एक हिसाबले शरीर संरक्षणको लागि सुरक्षात्मक संयन्त्र पनि हो । पसिना आयो भने शरीरलाई शितल हुन्छ, तर धेरै पसिना आयो भने रोग लाग्छ ।

  • बाढी पहिरोबाट कसरी बच्ने ?

    बाढी र पहिरोको कारण देशभरको जनजीवन अस्तव्यस्त बनेको छ । विशेषरी नदी तटीय क्षेत्रका बासिन्दाको जनजीवन कष्टकर छ । बाढीले तराईका सयौँ घर डुबानमा परेका छन् ।

  • ​विराटनगरमा त जहाजै डुब्न लाग्यो, तराईलाई तागत देउ सरकार

    साउन महिना सकिनै लागेको बेला मनसुन सक्रिय भएपछि देशभर बाढी पहिरोले बितण्डा मच्चाएको छ । तराईका धेरैजसो ठाउँ जलमग्न भएका छन् । झापा, मोरङ, सुनसरी, सप्तरी, रौतहट, दाङ, बाँके, बर्दिया लगायत जिल्लाको जनजीवन अस्तव्यस्त भएको छ ।

  • गाई छोडेका पशुपतिलाई कति मिल्ला पापा, थाहा पत्तो नपाउनेको थर मात्रै थापा !

    नामै पशुपति । पशुपतिलाई मन पर्ने आफ्नै साँढे । साँढेलाई सुहाउने हलो । पशुपतिको भलो गर्ने पनि त्यही हलो । हलो मात्रै रोजेर हेलो हेलो भन्दै अघि लाग्नुपर्छ भनेर बेलैमा थाहा पाएको भए नामै कमल भएका मान्छेसित पशुपति यति बिघ्न कठोर किन हुनुपर्थ्यो ।

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया