MENU

बातावरण-कृषि

Ncell Axiata
sagun

गुल्मीमा चैते धान रोप्ने चटारो

जनार्दन घिमिरे/उज्यालो । 

गुल्मी, चैत २६ – सिंचाई सुविधा भएको र सिमसार क्षेत्रका किसानहरुलाई अहिले चैते धान लगाउन निकै हतार छ । गुल्मीको चौरासी फाँट, मजुवा, चाँपटारी, शान्तिपुर, रुपाकोट, खज्र्याङ, जुहाङ, हँसरा, हस्तिचौर, कुर्घा लगायतका फाँटहरुमा चैते धान खेती हुने गर्दछ । 

गुल्मीको चार सय ४० हेक्टर क्षेत्रफलमा चैते धान खेती हुने गर्दछ । सिंचाईको सुविधा भएमा दुई सय ९५ हेक्टर क्षेत्रफलमा चैते धान बिस्तार गर्न सकिने जिल्ला कृषि विकास कार्यालय गुल्मीका कृषि प्रसार अधिकृत रणबहादुर महत्तोले बताउनुभयो । गएको वर्षको उत्पादन आंकडा हेर्दा जिल्लामा १३ सय ७६ मेट्रिकटन चैते धान उत्पादन भएको कृषि विकास कार्यालयले जनाएको छ ।

चैते धान खेती गर्ने किसानलाई प्रोत्साहन गर्ने उदेश्यले जिल्ला कृषि विकास कार्यालयले बृहत्तर धान उत्पादन कार्यक्रम लागु गरेको छ । यो कार्यक्रम जिल्लामा पहिलो पटक लागु गरेको हो । जिल्लामा केही ठाउँमा सिंचाई सुविधा भएपनि किसानहरुमा उर्जा नभएका कारण खेत बाँझो रहने अवस्था आएकोले त्यसलाई किसानहरुले बाँझो नराखुन् भन्ने उद्देश्यले यो कार्यक्रम लागु गरिएको जिल्ला कृषि विकास कार्यालयले जनाएको छ । 

किसानले चैते धान खेती गरेको क्षेत्रफलको आधारमा अनुदान वितरण हुने वरिष्ठ कृषि विकास अधिकृत चक्रपाणी पन्थीले बताउनु भयो । पन्थीका अनुसार एक हेक्टर क्षेत्रफलमा चैते धान रोप्ने किसानले पाँच हजार अनुदान पाउने व्यवस्था रहेको छ ।

अनुदानका लागि नागरिक, विमा र कित्ता नम्बर अनिबार्य गरिएको छ । यो कार्यक्रमले एक सय हेक्टर क्षेत्रफल सम्मको लक्ष्य लिएको कार्यालयले जनाएको छ । चैते धानमा रोग किरा पनि कम लाग्ने भएकोले पनि गुल्मीमा वर्षौंदेखि किसानहरुले चैते धान खेती गर्दै आएका छन् । 

 

प्रतिक्रिया दिनुहोस

सम्बन्धित सामग्रीहरु

  • बाढीले बगाएर भारत पगेका १० गैँडाको उद्धार

    चितवन, मंसिर ४ – चितवन राष्ट्रिय निकुञ्जबाट गएको साउनमा आएको बाढीले बगाएर भारत पुगेका १० वटा गैँडाको उद्धार गरिएको छ । पछिल्लो पटक भारतको पिप्रासीबाट एउटा गैँडाको उद्धार गरी सोमबार बिहान चितवन ल्याई सामुदायिक वनमा छाडिएको छ ।

  • कफी आयात र निर्यातमा कमी उत्पादनमा वृद्धि

    काठमाडौं, मंसिर १ – आज १३ औं राष्ट्रिय कफी दिवस : ‘आर्थिक सम्बृद्धिको लागि गुणस्तरीय कफी उत्पादन ! सरकारी, निजी र सहकारी क्षेत्रको राष्ट्रिय अभियान’ भन्ने नाराका साथ मनाइँदैछ ।

  • हिमाली जिल्लामा हिमपात सुरु, मतदान प्रभावित हुन सक्ने आशंका

    काठमाडौं, मंसिर १ – पश्चिमी भेगका हिमाली जिल्लामा हिमपात सुरु भएको छ । हुम्लामा शुक्रबार बिहानैदेखि हिमपात भइरहेको छ । सदरमुकाम सिमकोट र उत्तरी भेगका लिमी, मुचु खगालगाउँ, स्याँडा, हेप्का लगायतका क्षेत्रमा लगातार हिउँ परिरहेको हो ।

  • तिहारका फूलमाला उम्मेदवारका गलामा

    चितवनको क्षेत्र नं. ३ बाट उम्मेदवार बनेका नेकपा माओवादी केन्द्रका अध्यक्ष पुष्पकमल दाहाल प्रचण्ड अहिले घरदैलो अभियानमा हुनुहुन्छ । पञ्चेबाजासहित घरदैलो अभियान सुरु गरेका प्रचण्ड जुन घरमा पुग्नुहुन्छ, त्यही घरमा फूलमाला लगाएर स्वागत गर्नेको घुईंचो हुन्छ ।

  • चितवनमा अन्तर्राष्ट्रिय भैँसी विज्ञहरुको सम्मेलन सुरु

    चितवन, कात्तिक २९ – चितवनमा सौराहामा अन्तर्राष्ट्रिय भैँसी विज्ञहरुको सम्मेलन सुरु भएको छ । नेपालमा पहिलो पटक भएको यो सम्मेलनमा विभिन्न देशका भैँसी विज्ञहरुले सहभागिता रहेको छ ।

सबै हेर्नुहोस
Joktantra
पछिल्ला समाचारहरु

सोसल मिडिया