MENU

बातावरण-कृषि

Ncell Axiata
chhaka panja

पाँचथरको फालेलुङमा चौंरी महोत्सव हुने

भीमकुमार बाँस्कोटा/उज्यालो । 

पाँचथर, चैत २७ – चौँरी संस्कृतिको विकास गर्दै जैविक विविधताको संरक्षण र जिल्लाका उच्च पहाडी क्षेत्रलाई पर्यटकीय क्षेत्रको रुपमा चिनाउने उद्देश्यले पाँचथरको फालेलुङ गाँउपालिका–४ मा चौँरी महोत्सव गर्ने तयारी हुँदैछ । सुर्केथाम दुग्ध उत्पादक सहकारी संस्था लिमिटेडको आयोजनामा  तीन हजार पाँच सय ६० मिटरको उचाईमा रहेको नेपाल, भारतको पश्चिम बंगाल र सिक्किमको सिमानामा रहेको चारराते भन्ने स्थानमा नयाँ वर्ष २०७४ को अवसर पारेर वैशाख १ गते महोत्सव गर्न लागिएको हो ।

चौँरी संस्कृति लोभ हुँदै गएकाले त्यसलाई संरक्षण गर्नका लागि होत्सवको आयोजना गरिएको सुर्केथाम दुग्ध सहकारी संस्थाका सचिव शिल्पकुमार राईले बताउनुभयो । ‘महोत्सवको तयारी अन्तिम चरणमा पुगेको छ’ राईले भने ‘महोत्सवमा पाँच सय भन्दा बढी चौँरीहरु भेला गरिनेछ ।’  

यस क्षेत्रमा लगभग २० चौँरी गोठहरु रहेका छन् । चरन क्षेत्र व्यवस्थित नभएपछि पछिल्लो समयमा चौँरी गोठहरु घट्दै गएपछि विस्तारै चौँरी संस्कृति हाराएकाले संरक्षणका लागि महोत्सवको तयारी गरिएको हो । ‘चरण्न क्षेत्रलाई पनि व्यवस्थित गर्नुपर्ने आवश्यकता छ’ राईले भन्नुभयो ‘यस क्षेत्रमा रहेको तीन हजार हेक्टर जमिनलाई चरण क्षेत्रका लागि बैज्ञानिक रुपमा व्यवस्थित गर्ने हो भने चौरी संस्कृतिलाई जोगाउन सकिन्छ ।’

महोत्सवबाट यहाँको पर्यटनको सम्भावनालाई माथि उठाउने लक्ष्य राखिएको छ । एक वर्षमा १० हजार बोट लालिगुराँस रोप्ने लक्ष्यका साथा महोत्सवकै दिनदेखि यस क्षेत्रमा लालिगुँरास रोप्न सुरु गरिने भएको छ । पाँचथरसहित पूर्वी नेपालका ताप्लेजुङ, इलाम, झापा हुँदै काठमाडौंसहित भारतको सिक्किम र दार्जिलिङका बासिन्दा, पर्यटन व्यवसायी र नागरिक गरी एक हजारले महोत्सवको अवलोकन गर्ने लक्ष्य राखिएको छ ।  

महोत्सवमा चौँरीको दूधबाट बनाइएका परिकारहरु, चौँरी र भेडाको उनबाट बनेका बस्तुहरु र लेकाली क्षेत्रमा पाइने जडिबुटी तथा कृषिजन्य बस्तुको स्टलहरु राख्ने तयारी छ । 

 

प्रतिक्रिया दिनुहोस

सम्बन्धित सामग्रीहरु

  • ​केही दिन मौसममा सुधार नआउने

    काठमाडौं, असोज ५ – काठमाण्डौं उपत्यकासहित देशभरी कै मौसम बिहीबार खुल्ने सम्भावना नभएको मौसमविद्ले बताएका छन् ।

  • मनसुनी गतिविधि र जलवाष्पयुक्त हावाको कमजोरीले गर्मी बढ्यो

    काठमाडौं, भदौ ३१ – मनसुनी गतिविधि कमजोर रहेको र जलवाष्पयुक्त हावाको विकास हुन नसक्दा केही दिनयता मुलुकको तापक्रम एक्कासि वृद्धि भएको छ ।

  • वातावरण संरक्षणमा काम गर्न स्थानीय तहलाई सरकारको निर्देशन

    काठमाडौं, भदौ ३१ – सरकारले सबै स्थानीय तहलाई वातावरणीय संरक्षणमा काम गर्न निर्देशन दिएको छ । संघीय मामिला तथा स्थानीय विकास मन्त्रालयले वातावरण संरक्षणका लागि तत्कालीन र दीर्घकालिन रुपमा गर्नुपर्ने काम एवम् प्रदूषण नियन्त्रणका लागि अन्य उपायसम्बन्धी दशबुँदे परिपत्र जारी गर्दै ७ सय ५३ वटै स्थानीय तहलाई पत्राचार गरेको हो ।

  • बाढीले गैँडाका धेरै बच्चा बगाएको अनुमान

    चितवन, भदौ ३० – साउन अन्तिम हप्ता आएको बाढीका कारण चितवन राष्ट्रिय निकुञ्जमा रहेका दुर्लभ वन्यजन्तु एकसिंगे गैँडाका धेरै बच्चा बगाएको अनुमान गरिएको छ । जसका कारण आउँदो वर्ष निकुञ्जमा गैँडा गणना गर्नुपर्ने प्रस्ताव निकुञ्ज कार्यालयले गरेको छ ।

  • ‘दुर्लभ पाटेबाघ हेर्न बर्दिया निकुञ्ज जाऔँ’ (तस्बिरसहित)

    दिउँसो २ बजे निकुञ्जबाट शुरु भएको जंगल सफारीको टोली अपराह्न ४ बजे झण्डै १० किलोमिटर उत्तर बाल्कुने नजिकै पुग्यो । सडक छेउमै १० मिटर पर आराम गर्दै थियो विश्वकै दुर्लभ पाटेबाघ ।

सबै हेर्नुहोस
western union
nepali women
पछिल्ला समाचारहरु

सोसल मिडिया