MENU

विचार/अनुभूति

Ncell Axiata

बाटोमा भेटिएकी युवती, जो जनावरको आवाज निकालेर पेट पाल्छिन्

दीपा तिमल्सिना ।

तीनकुनेको एउटा चिया पसल । चिया पिउँदै गफ गर्नेहरुको घुईंचो छ । त्यहीबेला बाहिर बाख्रा कराएको आवाज आयो । व्यस्त बजारको चियापसल अगाडि कहाँबाट आयो बाख्रा । सबैले बाहेर हेरे । तर बाख्रा देखिएन । एकजना दुब्ली महिला, बाख्राको आवाज निकालेर कराउँदैछिन् । सबै दंग परे । कसैले फोटो खिचे, कसैले आवाज रेकर्ड गरे ।

फोटो लिने क्रममा उनी भन्दै थिइन्, ‘मेरो आवाज मन पर्यो भने फेसबुकमा सेयर गरिदिनु ल ?’ उनको कुरा सुनेर कतिपयले पैसा दिए । यसैगरी आवाज निकालेर अरुको ध्यानाकर्षण गर्ने र पाएको रकमले घरको गर्जो टाने उनको बाध्यता हो ।

उनी हुन् सन्तोषी सुब्बा । सानो कचौरोमा हँसिलो मुद्रामा आर्थिक सहयोग गर्दै हिँड्दा उनमा न संकोचको रेखा थियो न त ग्लानी नै । आफ्नो खुबी देखाउँदै उनी सबैलाई मोहित पार्दै थिइन् । 

‘मैले धेरै ठाउँमा यसरी आवाज देखाइसके नि । हेर्नु भा छ’, उनी बिभिन्न जनावरको आवाज निकाल्दै बीचबीचमा भन्दै थिइन् । 

‘मैले पशुपतिमा काग कराएको धेरै जनाले मोबाइलमा खिचेर फेसबुक, इन्टरनेट  क्यारे यूट्युबमा हाले छन् नि ।’
जति निर्दोष उनको हाँसो छ त्यति नै सफा मन ।

उनी कालोपुल बस्छिन् । उनी ३०/३२ किसिमका आवाज निकाल्न सक्ने बताउँछिन् । उनलाई कुनै जनावर कराएको अवाज सुनेपछि त्यसको नक्कल गर्नुपर्दछ । ‘कुनै नौलो आवाज सुने बाबासँग सोधिखोजी गर्छु’ उनी भन्छिन् ‘कोठा भित्रै बसेर दुरुस्तै निकाल्ने कोशिस गर्छु ।

सन्तोषीलाई धेरै कुरा गर्न आउँदैन । उही हुन्छ हुन्न, यस्तै, त्यस्तै बाहेक । हाँस्दा दाँत खसेका गिजा सर्लक्कै देखिन्छ । तै पनि हिच्किच्याउँदिनन् । उनलाई राम्रो हुन मन लाग्छ । अनि लगाएको कुर्ता सुरुवाललाई मिल्ने गरी ओठमा लाली लाउँछिन् । 

बिहान पूजाआजा पछि भात भान्छाको काम हुन्छ उनको । भाँडा धुने अनि सधैं झैँ पेट भर्ने मेलो सुरु हुन्छ । अब कता जाने कचौरा बोकेर... । रहर कलाकार बन्ने छ । खै कसरी भन्ने बाटो भने थाहा छैन ...।

मागेरै ल्याएको पैसा पनि उनलाई जोहो गर्न मन लाग्छ । सानो बाकस छ । त्यसमा नै पैसा राख्छिन् । तर सम्झने गरी जम्मा गरेको पैसाले केही गर्न सकेकी छैनन । 

घर परिवारका बारेमा उति बोल्न नचाहने उनी आफू ठूलो मान्छे कन्ने र ठूलो मान्छे बनेपछि आफूलाई जन्माउने बाबा खोज्दै आउने बताउँछिन् ।

 


 

Mitsubishi

प्रतिक्रिया दिनुहोस

सम्बन्धित सामग्रीहरु

  • नेपालमा चीनको स्वार्थ

    कैयौँ पटक ‘नेपालको सार्वभौमसत्ता रक्षाका लागि’ चीनले सहयोग गर्ने भन्ने गरिएको छ बेइजिङ्गबाट । कूटनीतिक दृष्टिले यो अत्यन्तै गम्भीर अभिव्यक्ति हो । यसको अर्थ नेपालको सर्वभौमसत्ता गुम्ने र नेपालको अस्तित्व नै नरहने खतरा छ भनेर चीनले विश्लेषण गरेको हो भनेर बुझ्नु पर्ने हुन्छ ।

  • आँखाको क्यान्सर कति खतरनाक ?

    एक दशक अगाडि अलि कम र अहिलेको दशकमा एकदम धेरै सुनेको रोग क्यान्सर हो । शरीरको विभिन्न अंगहरु फोक्सो, आन्द्रा, कलेजो, पाठेघर, स्तनलगायतमा क्यान्सर भए जस्तै आँखामा पनि क्यान्सर हुन्छ । अरु क्यान्सरमा भन्दा यो क्यान्सर हुने जोखिमयुक्त कारक तत्वहरु फरक छन् ।

  • ओलीका अघिल्तिर कति धेरै अवसर ?

    बोले अनुसार काम थाल्ने हो भने वाम गठबन्धनको सरकारका सामु चुनौती थोरै र अवसरहरु कता हो कता धेरै छन् । अब बन्ने सरकारका लागि सबैभन्दा ठूलो अवसर विकासलाई तल्लो तहसम्म पुर्यासउने संरचना तयार छ । स्थानीय तहको चुनावपछि विकासलाई नागरिकको घर दैलोसम्म पुर्याउने जनप्रतिनिधिहरु चुनिएर अहिले काममा छन, तर देखाउने काम नपाएर कामका अवसरको खोजीमा छन ।

  • चुनाव सम्पन्न गराउनु ठूलो उपलब्धि : देउवा

    मेरो नेतृत्वमा सरकार गठन भएपछि जनताको सरोकारका विषयलाई केन्द्रमा राखेर निर्णयहरु भएका छन् । विशेषगरी स्वास्थ्य शिक्षा क्षेत्रमा देखिएका विकृतिहरु नियन्त्रण गर्न चिकित्सा शिक्षा आयोगको अध्यादेश जारी गरिएको छ । जनताको स्वास्थ्यसँग सरोकार राख्ने चिकित्सा शिक्षा व्यापारको विषय होइन ।

  • लभ गर्ने फर्मुला

    बिहे नभएकाले त लभ गरे गरे । तर बिहे गरेका, घरभरी छोराछोरी भएकाहरु समेत लभ गरि हिँड्छन् । श्रीमानको आँखाकान छलेर श्रीमतीले, श्रीमतीको आँखाकान छलेर श्रीमानले लभ गरेर हिँडेको तपाईं हामीले धेरै ठाउँमा देखेभोगेकै हो क्यारे । लभ पर्न केही न केही त जुर्नुपर्यो । कि मन मिल्नुपर्यो ।

सबै हेर्नुहोस