MENU

समाज

Ncell Axiata

यस्तो बन्दैछ बारपाकमा भूकम्प स्मृति पार्क

किरण लोहनी/उज्यालो ।

गोरखा, चैत २८ – गएको वर्ष वैशाखमा गएको भूकम्पको केन्द्रविन्दु बारपाकमा बनाउन लागिएको भूकम्प स्मृति पार्कको डिजाइन तयार भएको छ । शहरी विकास मन्त्रालय अन्तर्गतको केन्द्रिय आयोजना कार्यान्वयन इकाईले पार्कको डिजाइन तयार पारेको हो ।  

कन्सल्ट्यान्ट मार्फत तयार पारिएको डिजाइनकै आधारमा लागत स्टमेट तयार पार्ने काम भैरहेको शहरी विकास तथा भवन निर्माण डिभिजन कार्यालय गोरखाका प्रमुख रोशन श्रेष्ठले बताउनुभयो ।  १ लाख १३ हजार वर्गमिटर अर्थात २ सय २२ रोपनी क्षेत्रफलमा फैलिने पार्क भित्र बनाइने संरचनाहरुको पनि डिजाइन तयार भएको उहाँको भनाई छ । पार्कमा बगैंचा, भूकम्पले पुर्‍याएको क्षतिको विवरण झल्कने संरचनाहरु निर्माण गरिनेछ ।  

पार्कको मुख्य आकर्षणका रुपमा भने भूकम्प स्मृति स्तम्भ रहने छ । गएको वर्षको भूकम्पले बढी क्षति पुर्‍याएका १४ जिल्लाका मृतकहरुको सम्झनामा छुट्टाछुट्टै १४ वटा स्तम्भ निर्माण गरिने छ भने स्तम्भमा जिल्लाहरुको नाम पनि लेखिनेछ । ‘हरेक स्तम्भमा ति जिल्लाहरुमा क्षति के के भयो भनेर जानकारी राख्ने बारे पनि छलफल भैरहेको छ ।’ डिभिजन प्रमुख श्रेष्ठले बताउनुभयो । यस्तै अर्को छुट्टै स्तम्भमा ग्लोव अर्थात पृथ्विको आकृति बनाएर गएको वर्ष भूकम्प गएको मिति र समय उल्लेख गर्ने गरि डिजाइन तयार पारिएको डिभिजन प्रमुख श्रेष्ठले बताउनुभयो । 

राष्ट्रपति विद्यादेवी भण्डारीले भूकम्प गएको एक वर्ष पुगेको दिन अर्थात गएको वैशाख १२ गते नै पार्कको शिलान्यास गरेपनि सरकारले १० महिनापछि मात्रै कार्यक्रम स्वीकृत गरेको हो । कार्यक्रम स्वीकृत भै चालु आर्थिक वर्षका लागि १ करोड रुपैयाँ विनियोजन भएको श्रेष्ठले बताउनुभयो । सो वजेटबाट पार्क बन्ने जग्गा संरक्षण, माटो सम्याउने लगायतका काम गरिने उहाँको भनाई छ । त्यसका लागि दुई करोड रुपैयाँको टेण्डर आब्हान गरिसकेको उहाँको भनाई छ । ‘बजेट त जम्मा एक करोड मात्रै आएको हो, तर विभागको मौखिक स्वीकृतिमा २ करोड रुपैयाँको टेण्डर निकालिएको छ ।’ जिल्ला दैवीप्रकोप उद्धार समिति गोरखाले भूकम्पमा परी ज्यान गुमाएकाको सम्झनामा साविकको बारपाक वडा नम्वर ४ मा स्मृति पार्क बनाउने निर्णय गरेअनुसार निर्माण प्रक्रिया सुरु भएको हो । 

स्थानीय निकाय र सरकारको स्वामित्वमा रहेको २ सय २२ रोपनी क्षेत्रफल र कित्ता नम्बर ५९४ मा रहेको पर्ती जग्गामा स्मृति पार्क बनाइने छ । यस्तै, भूकम्पले क्षति पुर्‍याएको वडा नं ५ को बस्तीलाई पनि पार्कमा गाभ्ने तयारी गरिएको छ । भूकम्पले जमिन चिराचिरा हुँदा वडा नं ५ का ३२ घरधुरी दलित बस्तीका भूकम्प प्रभावितहरु नजिकैको सरकारी जग्गामा टहरो बनाएर बस्दै आएका छन् । वजेट विनियोजन भै पार्क निर्माणको प्रक्रिया सुरु भएपनि पार्क बन्ने क्षेत्रमा बसोबास गरेका दलित समुदायलाई अन्यत्र स्थानान्तरण नगरेसम्म निर्माण सुरु गर्न कठिन हुने प्रमुख जिल्ला अधिकारी जीतेन्द्र बस्नेतले बताउनुभयो । उनीहरुलाई अर्को ठाउँमा स्थानान्तरण गर्नेबारे छलफल भैरहेको उहाँको भनाई छ ।  

प्रतिक्रिया दिनुहोस

सम्बन्धित सामग्रीहरु

  • पहाड उक्लिए टेम्पो, सहज बन्यो यात्रा

    एक वर्ष अघिसम्म जिरिखिम्तीदेखि सदरमुकाम म्याङलुङ्ग आउन ठूला सार्वजनिक यातायात कुर्नुको विकल्प थिएन । चाहेको बेला छोटो दुरीको यात्रा गर्न आफ्नै सवारी साधन हुनुपथ्र्यो कि त पुरै गाडी भाडामा लिनुपथ्र्यो ।

  • दृष्टिविहीनका लागि ‘उज्यालो बजार’ शुरु

    पोखरा, भदौ २ – उज्यालो प्रतिष्ठान नेपालले दृष्टिविहीन तथा अन्य अपाङ्गता भएका व्यक्तिका लागि बिहीबारदेखि पोखराको चिप्लेढुंगास्थित सिद्धार्थ मिनि मार्केटमा उज्यालो बजार शुरु गरेको छ ।

  • सम्पदा पुनर्निर्माणमा जापानको चासो

    काठमाडौं, भदौ २ – जापानले भूकम्पका कारण क्षतिग्रस्त काठमाडौंको हनुमानढोका दरवार र पाटनको देगु तलेजु मन्दिरको पुनर्निर्माणमा बिशेष चासो देखाएको छ ।

  • मेट्रो, सिआइबी, महाशाखा र परिसरमा सरुवा हुन आइजिपीदेखि मन्त्रीसम्मको सोर्स

    प्रहरी अधिकृत सरुवाका लागि शक्ति केन्द्र धाउन थालेका छन् । चुनौतीपूर्ण र आकर्षक मानिने महानगरीय प्रहरी आयुक्तको कार्यालय मेट्रो, केन्द्रीय अनुसन्धान व्यूरो सिआइबी, महानगरीय प्रहरी परिसर काठमाडौं, महानगरीय प्रहरी अपराध महाशाखा टेकुमा सरुवा हुनका लागि शक्ति केन्द्र धाउनेको लर्को नै लाग्ने गरेको छ ।

  • महोत्तरीका बाढीप्रभावित क्षेत्रमा ज्वरो र झाडापखालाका बिरामी बढे

    महोत्तरी, भदौ १ – महोत्तरीका बाढी प्रभावित क्षेत्रमा ज्वरो र झाडापखालाका बिरामी बढेका छन् । बाढी प्रभावित ठाउँमा चलाइएको स्वास्थ्य शिविरमा ज्वरो र झाडापखालाका बिरामी धेरै भेटिएको जिल्ला जनस्वास्थ्य कार्यालयले जनाएको छ ।

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया