MENU

अन्तर्राष्ट्रिय

Ncell Axiata
sagun

अमेरिकी मिसाइलका कारण सिरियाका २० प्रतिशत लडाकु विमानमा क्षति

चैत २९ – सिरियामा गएको हप्ता भएको रसायनीक आक्रमणपछि अमेरिकाले हवाई आक्रमण सुरु गरेको छ । हवाई आक्रमणका कारण सिरियाका २० प्रतिशत लडाकु विमान नष्ट वा क्षतिग्रस्त भएको अमेरिकी अधिकारीले बताएका छन् ।

बिद्रोहीको नियन्त्रणमा रहेको सान शेखहोउनमा गएको हप्ता भएको रसायनीक आक्रमणमा बालबालिकासहित ८९ जनाको ज्यान गएको थियो । अमेरिकासहितका देशले आक्रमण रुसको सहयोगमा राष्ट्रपति बसर अल–असद सरकारले गरेको बताउँदै आएका छन् । तर सिरिया सरकारले भने आरोप अस्वीकार गर्दै आएको छ ।

अमेरिकाले रसायनीक आक्रमण लगतै सिरियाली हवाई अड्डामा ५९ वटा क्रुज मिसाइल प्रहार गरेको थियो । जी सेभेन राष्ट्रको बैठक इटालीमा भइरहेको छ । बैठकमा सिरियासँगको रुसको सहकार्य र त्यसबाट उत्पन्न परिस्थितिबाट बाहिर निस्कन अपनाउन सकिने उपाएका बारेमा छलफल भइरहेको छ । जी सेभेन राष्ट्रले सिरियाली राष्ट्रपति असदसँगको सम्बन्धका बारेमा पुनर्विचार गर्न रुससँग आग्रह गरेका छन् । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया