MENU

मनोरञ्जन

Ncell Axiata
USAID

कलाकार दीपक क्षेत्रीको आवाज दबियो, उपचारका लागि सहयोग जुट्दै

काठमाडौं, चैत २९ – सय भन्दा धेरै नेपाली चलचित्रमा भिलेनको भूमिकामा देखिएका दीपक क्षेत्रीको उपचारको लागि सहयोग रकम जुट्ने क्रम सुरु भएको छ । केही दिन अगाडि केही अनलाईनहरुमा उनले दिएको भिडियो अन्तर्वार्तापछि सबैको ध्यान उनी तर्फ मोडिएको थियो ।  जहाँ उनको शरीर निकै जिर्ण र आवाज दबिएको सुनिन्छ । उनको नाजुक अवस्थालाई देखेर देशविदेशबाट सहयोग रकम आउन थालेको छ । अमेरिकाबाट रंगपत्रकार सुरेशदर्पण पोखरेल, नायक मुकेश ढकाल लगायतको अग्रसरतामा ३ लाख रुपैयाँ संकलन गरिएको छ भने चलचित्र राज्जारानीको टिमबाट २ लाख ११ हजार  १ सय ११ रुपैयाँ, चलचित्र पत्रकार संघ मार्फत १ लाख ५० हजार रुपैयाँ संकलन भइसकेको छ ।

यस हिसाबले अहिलेसम्म ६ लाख ६१ हजार भन्दा धेरै रकम संकलन भइसकेको छ । अन्य स्थानबाट पनि उनको स्वास्थ्य उपचारका लागि सहयोग रकम प्रदान गर्ने क्रम र प्रतिबद्धता जारी रहेको छ । उनको घाँटीको अप्रेशन गर्न ५ लाख रुपैयाँ लाग्ने र सम्पूर्ण खर्च गर्न लगभग १० लाख रुपैयाँ लाग्ने बताइएको छ । लामो समयदेखि चलचित्र क्षेत्रमा क्रियाशिल दीपक ४ वर्षसम्म लगभग आवाज बिहीन भएका थिए । उनको घाँटीमा मासु पलाएका कारण उनी राम्ररी बोल्न नसक्ने अवस्थामा पुगेका हुन् । केही भिडियो अन्तर्वार्तामा उनले  आफ्नो उपचारको लागि सबैलाई रुँदै, हात जोड्दै सहयोगको याचना गरेका थिए । 

विभिन्न मिडियासँगको कुराकानीमा उनले रुँदै भनेका छन्, ‘देश छ कि छैन ? यदि देश छ भने कलाकार दीपक क्षेत्रीलाई सहयोग गर्नुपर्यो होइन भने सरकारले म कलाकार होइन भन्न सक्नु पर्‍यो ! मैले करोडौं रुपैयाँ राष्ट्रसँग मागेको होइन मेरो घाँटीको अप्रेशन गर्नको लागि ५ लाख मात्र माग्दा पनि सरकारले वास्ता गरेको छैन ।’

दीपक दुःखी हुँदै अगाडि थप्छन्, ‘अप्रेशन भयो भने फेरि राम्रोसँग बोल्न सक्छु म । मेरो आवाज फेरि फर्केर काम गर्न मन छ ।’ अहिले नेपाल चलचित्र पत्रकार संघको पहलमा सहयोग संकल गर्ने काम पनि भईरहेको छ । तपाईँ पनि उनलाई सहयोग गर्न चाहनुहुन्छ भने ९८५१०२०८३५ मा फोन गर्न सक्नुहुनेछ ।

उज्यालो र forseenetwork.com को सहकार्य

 

प्रतिक्रिया दिनुहोस

सम्बन्धित सामग्रीहरु

  • बलिउडका ‘बादशाह’ शाहरुख खानको २५ वर्षे बलिउड यात्रा

    असार ११ – सन् १९९२ मा चलचित्र दिवानासँगै बलिउड प्रवेश गरेका बलिउडका ‘बादशाह’ भनेर चिनिने अभिनेता शाहरुख खानले दिलवाले दुल्हनिया लेजाएंगे, कुछ कुछ होता हे, कभी खुसी कभी घम जस्ता हिट चलचित्र दिए ।

  • घर कडा भएकाले लभ गर्न पाइएन : प्रदिप खड्का

    अभिनेता प्रदिप खड्का अभिनित सिनेमा ‘प्रेम–गीत २’ साउन १३ गते रिलिज हुँदैछ । उनले आफ्नै प्रोडक्शन हाउसबाट बनेको सिनेमा “स्केप”बाट अभिनयको सुरुवात गरेका हुन् । डेब्यू सिनेमाबाट खासै चर्चा र सफलता नपाएका प्रदीपलाई दोस्रो सिनेमा ‘प्रेमगीत’ले परिचित गरायो । अझ भन्ने हो भने उनी यही सिनेमाबाट रातारात स्टार बनेका हुन् । अहिले ‘प्रेमगीत’को सिक्वेलको प्रमोसनमा हिँडेका प्रदिपले हामीसँग आफनो किशोरावस्थाको अनुभव बाँडेका छन् ।

  • बारुदको गोली बनाउने पहिलो नेपाली कलाकार जुँगे भट्टराई

    काठमाडौं, असार ११ – कलाकार उद्धव भट्टराईले आफ्नो पहिचान नै जुँगा बनाए । जुँगा पालेकै कारण उनलाई सबैले जुँगे भट्टराईका नामले चिन्न थाले र सम्बोधन पनि गर्न थाले ।

  • रोशनको एकल एल्बम ‘वन्ली यू’ विमोचित

    भक्तपुर, असार ११ – चौध वर्षको नियमित साधनापछि भक्तपुरका गायक रोशन धौभडेलको पहिलो एकल गीति एल्बम ‘वन्ली यू’ आज सार्वजनिक गरिएको छ ।

  • भोट माग्ने काइदाः लिम्बुदेखि देउडा गीतसम्म

    पहिलो चरणमा ठेट नेपाली भाषामा लोक दोहोरी गीत मार्फत भोट मागेको एमालेले अहिले देउडा, भोजपुरी, मैथीली लगायत भाषामा गीत बनाएर चुनावी प्रचारप्रचार संगीतमय बनाएको छ । एमालेलाई मधेस विरोधीको आरोप लागेकोले पनि मैथीली, अवधी र भोजपुरी भाषामा धेरै चुनावी गीत बनाएर प्रचार गरिरहेको छ ।

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया