MENU

मनोरञ्जन

Ncell Axiata
NIC Asia

प्रियंकाको आग्रह : अफेयरको हल्ला हल्लामै छाडिदिनुस्

काठमाडौं, चैत २९ – अहिले अभिनेत्री प्रियंका कार्कीको अफेयरले नेपाली सिनेमाको बजार तताइरहेको छ । केही समय अघिसम्म अभिनेता दयाहाङ राईसँग नाम जोडिएर चर्चामा आएकी प्रियंकाको यतिबेला ‘चपली हाईट’बाट सिने नगरीमा डेब्यु गरेका अभिनेता आयूष्मान देशराज जोशीसँग नाम जोडिएको छ । यो जोडीले अहिले सिनेमा ‘कथा काठमाडौंको’मा  एकसाथ काम गरिरहेको छ ।  

यहि सिनेमामा काम गर्ने क्रममै यी दुई अफेयरमा रहेको हल्ला सुरु भएको हो । एउटै सिनेमामा काम गर्ने भएपछि यी दुईको भेट बाक्लिँदै गयो । आयुष्मान आफ्नो सुटिङ नहुँदा प्रियंकालाई कुरेर दिनभर सेटमा बस्ने गरेको र प्रियंकाले पनि आफ्ना केही निकट साथीहरुलाई आफू आयुषमानको प्रेममा रहेको कुरा बताएको खबर केही दिन अघि मात्रै प्रकाशित भएको थियो । त्यस्तै यी दुई केही दिनअघि मात्रै काठमाडौंको एक क्लबमा एकअर्काको अंगालोमा रमाईरहेको तस्बिर सामाजिक सञ्जालमा सार्वजनिक भएको थियो ।  

प्रेमिका परमिता राणासँग ब्रेकअप भएपछि आयूष्मान प्रियंकासँग नजिकिएको बताईन्छ । परमिता एक मोडल हुन् जोसँग आयुष्मान लामो समयसम्म प्रेममा रहे । यी दुईको ब्रेकअप हुनुको कारण केहीले प्रियंका भएको अड्कल काटेका छन् । तर सिने बजारमा चलेको यो हल्ला के रहेछ ? भनेर हामीले अभिनेत्री प्रियंका कार्कीसँगै बुझ्ने कोशिस गर्दा प्रियंकाले यसलाई अहिले हल्लामै छाडिदिन आग्रह गरिन् । उनले प्रेममा छु या छैन त्यस बारेमा नभन्ने र सकेसम्म अहिले आफ्ना व्यक्तिगत कुराहरुलाई सार्वजनिक गर्ने मुडमा नभएको जानकारी दिइन् । 

पति रोचक मैनालीसँग डिभोर्स भएपछि प्रियंकाको नाम अभिनेता अुनप विक्रम शाही र दयाहाङ राईसँग पनि जोडिएको थियो ।  

उज्यालो र forseenetwork.com को सहकार्य

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया