MENU

विचार/अनुभूति

सरकारको अपरिपक्व कार्यशैली

लेखनाथ पौडेल -

राज्यका निकायहरुमध्ये कार्यपालिका नागरिकको जनजीविकासँग प्रत्यक्षरुपमा जोडिएको हुन्छ । नागरिकको जीउधनको सुरक्षा, देशमा शान्ति सुव्यवस्था कायम राख्नु,  जनजीविकासँग सम्बधित चासो तथा गुनासोहरुको यथासक्य छिटो समाधान गर्नु र नागरिकलाई राज्यको उपस्थिती प्रत्याभुत गर्नु उसको प्रमुख दायित्व र जिम्मेवारी हुन्छ ।

तर यसप्रति  सरकार खासै जिम्मेवार भएको देखिँदैन ।  त्यसको एउटा उदाहरण हो, सरकारले नागरिकको गुनासो प्रत्यक्ष रुपमा सुन्न निर्माण गरेको युनिट हेल्लो सरकार ।  हेल्लो सरकार मार्फत गरिएका नागरिकका चासो तथा गुनासोहरुको अपेक्षित रुपमा समाधान हुन नसकेपछि आम नागरिकको असन्तुष्टी प्रकट भयो । त्यही असन्तुष्टीलाई  लक्षित गर्दै  ट्वीटरमा हेल्लो सरकारले लेख्यो, ‘हेल्लो सरकारमा गुनासो गर्दा समाधान नहुने ठान्नु हुन्छ भने हामिलाई गुनासो गर्ने समय अन्य कुनै उत्पादक कार्यमा लगाउन अनुरोध छ ।’

हेल्लो सरकारको यस्तो गैरजिम्मेवार अभिव्यक्ति पश्चात तीव्र बिरोध भयो । हेल्लो सरकारका सञ्चालकले आफूसँग सामाजिक सञ्जालको प्रयोग गर्ने ज्ञान नभएको हुँदा आफूबाट गल्ती भएको स्वीकार गर्दै सीधाकुरा जनतासँग कार्यक्रम मार्फत माफीसम्म मागे । नेपाल सरकारको सचिव स्तरको कर्मचारीले सामाजिक सञ्जाल सञ्चालन गर्ने ज्ञान नभएको भन्नु आफैमा अर्को गैरजिम्मेवारी अभिव्यक्ति थियो । 

त्यस्तै हेल्लो सरकारले चर्चित एनसेल कर प्रकरणमा पनि एनसेलले सरकारलाई कर तिर्न सक्दैन भने नेपाली नागरिक पनि त्यस्को सेवा अस्वीकार गर्न स्वतन्त्र छन्, भन्दै अभिव्यक्ति दियो ।  राज्यभित्र सञ्चालित हरेक गतिविधिलाई कानुनको दायरामा ल्याउने जिम्मेवारी बोकेको सरकारले नै यस्तो अभिव्यक्ति दिएर सेवा बहिष्कार गर्न आह्वान  गर्नुले सरकार कति गैरजिम्मेवार छ भन्ने थप प्रष्ट पार्दछ ।

अब सरकारका बिभिन्न निकायहरुले गरेका निर्णयहरु हेरौं । केही महिनाअघि सवारी साधन  अनुमतिपत्र प्राप्त गर्न लिइने लिखित परीक्षामा धेरै परीक्षाथीहरु अनुत्तिर्ण भएको भन्दै  यातायत व्यवस्था विभागले उत्तिर्णांक घटाइ दियो ।  यसले धेरै संख्यामा परिक्षार्थीलाई पास त गराउला तर सवारी साधन सञ्चालन गर्ने प्रयाप्त ज्ञान  नहुँदा पनि चालक अनुमती पत्र पाउने ढोका खोलिदियो ।

त्यस्तै त्रिभुवन अन्तर्राष्ट्रिय बिमानस्थलबाट कर्मचारी र सुरक्षाकर्मीकै सेटिङ मार्फत  विभिन्न अनियमितता भइरहेको समाचार बाहिर आएपछि सरकारले खाडी देशमा भिजिट भिषामा जान  रोक लगाउने निर्णय ग¥यो ।  दोशीलाई कारवाही र चुस्त व्यवस्थापन पट्टी ध्यान दिन छोडेर कानूनी तवरले विश्वभर घुम्न पाउने नागरिकको अधिकारमाथि प्रतिबन्ध लगायो । 

बढ्दो सवारी चापसँग जथाभावी हर्न बजाउँदा ध्वनी प्रदुषण भएको भन्दै  वैशाख १ गतेदेखि  अत्यावश्यक अवस्थामा बाहेक काठमाडौं उपत्यकामा हर्न बजाउन नपाउने र त्यसो गरेको पाइएमा कारवाहीसम्म गरिने  निर्णय  गरेको छ ।

सरकारको यो विवादास्पद र अपरिपक्व निर्णयको पनि आलोचना भएको छ । उचित भौतिक पूर्वाधार  र जनचेतनाको विकास तिर ध्यान दिनुको साटो हर्न बजाउन निशेध मात्र गरेर समस्याको समाधान हुँदैन । कसैले हर्न बजायो भने त्यो हर्न बजाउनु आवश्यक थियो या थिएन भन्ने मापन कसरी गर्ने ? 

त्यस्तै अहिले स्वास्थ्यमन्त्री गगन थापाले हरेक शुक्रबार राजधानीलाई नो भेइकल डे घोषणा गर्ने प्रस्ताव गरेको समाचार छ । एकदिन नो भेइकल डे घोषणा गर्नुले मात्र सम्पूर्ण समस्याको समाधान गर्छ त ? सरकारले त्यस्तो नियम कार्यान्वयन गर्दा आम नागरिकलाई त्यसबाट पर्ने असुविधालाई व्यवस्थापन गर्ने उचित योजना देखिँदैन । उचित  व्यवस्था  र वैकल्पिक उपाय बिना गरिएका सरकारका यस्ता थुप्रै अपरिपक्व निर्णयहरुबाट नागरिक आजित भएका छन् ।

 

Mitsubishi

प्रतिक्रिया दिनुहोस

सम्बन्धित सामग्रीहरु

  • विचरा बोर्डिङका विद्यार्थी : जेलसरी जिन्दगी, व्यवहारिक ज्ञान शून्य

    ९८ प्रतिशत ल्याएर पास गरिरहेको छोरोलाई घर परिवारलगायत व्यवहारिक पक्ष केही पनि थाहा हुँदैन । थाहा होस् पनि कसरी उसलाई परिक्षामा कसरी प्रतिशत बढाउने फर्मुला बाहेक अरु केही सिकाइएन। सबै किताबका फर्मुला कण्ठ बनाइयो तर उसलाई जिन्दगीको फर्मुला कहिल्यै सिकाइएन।

  • संस्कृतभाषा र धर्म–संस्कृति–शिक्षाका बालपाठ्यपुस्तक

    वर्तमान परिस्थितिमा नयाँ पुस्तामा धार्मिक–साँस्कृतिक जागरणको आव¬श्यकता अनुभव गरेर लामो समयदेखि संस्कृत भाषाको र वैदिक हिन्दु धर्म–संस्कृतिको अध्ययन, मनन, आचरण र प्रचार–प्रसारमा संलग्न हुँदै आएको स्वाद्ध्यायशाला¬कुटुम्ब यसतर्फ अग्रसर भैरहेको छ ।

  • भर्ना अभियानको तामझाम : गुणस्तर सुधारमा किन जाँदैन ध्यान ?

    भर्ना अभियान बिगतमा पनि हामीले हेरेकै हौँ । अहिले पनि त्यसलाई निरन्तरता दिन खोजिएको छ । हरेक वर्ष सरकारी निकायबाट तामझाम देखाउने क्रम यो वर्ष पनि चलेकै छ । तर विद्यार्थी सामुदायिक विद्यालयमा किन आएनन् ? कसरी विद्यार्थीलाई आकर्षण गर्ने ?

  • एमाले–माओवादी एकता : मासिने पालो अब कसको ?

    भारतले नमिलाइदिएसम्म एक अर्काका शत्रु रहेका एमाले र माओवादी मिलाप भएर तालमेल गरेर चुनावमा जाँदा कांग्रेस सकियो । यी दुई कम्युनिष्ट जोडिएर एउटै पार्टी बनाउने क्रम चल्दैछ यस बेला ।तर एउटा शक्ति अर्का विरूद्ध प्रयोग भएर क्रमै सँग एक–अर्कालाई मास्ने विदेशी दाउ रोकिएको छैन नेपाली राजनीतिमा ।प्रश्न बाँकी छ, मासिने पालो अब कसको ?

  • ०७५ मा छुकछुके रेल, मेलम्चीको भेल र क्रिकेट खेल

    सुखसँग दुःख गर्नु र दुःखमा पनि दुःख पाउनुमा आकाश पातालको फरक छ । दुःख गरेअनुसार फल मिल्यो भने त्यो दुःख पनि सुख हुन्छ । तर दुःखमा बगेको पसिना बालुवामा पानी खन्याए जस्तो भयो भने दुःखमाथि दुःख मात्रै हुन्छ । बितेका धेरै वर्षमा धेरैलाई यस्तै भयो । दुःखमाथि भुक्तमान, सास्तीमाथि सकस ।

सबै हेर्नुहोस
Skill Training
पछिल्ला समाचारहरु

सोसल मिडिया