MENU

बातावरण-कृषि

Ncell Axiata
USAID

नेपाल र चीनबिच गैँडा हस्तान्तरण गर्न सम्झौता

काठमाडौं, वैशाख ३ – नेपाल र चीनबिच गैँडा हस्तान्तरण गर्ने विषयमा प्रारम्भिक सम्झौता भएको छ । चीनको गोन्जावोमा शनिबार आयोजित एक कार्यक्रममा नेपालका तर्फबाट राष्ट्रिय निकुञ्ज तथा वन्यजन्तु संरक्षण विभागका उपमहानिर्देशक गोपाल भट्टराई र चीनका तर्फबाट वाइल्ड लाइफ फ्लोरा इम्पोर्ट एन्ड एक्सपोर्ट म्यानेजमेन्ट अफिसका कार्यकारी निर्देशक मेङ्ग सिआनलिनले हस्ताक्षर गर्नुभएको वन तथा भू–संरक्षण मन्त्रालयले जनाएको छ । 

हस्ताक्षर कार्यक्रममा नेपाल सरकारका तर्फबाट चितवन राष्ट्रिय निकुञ्जका प्रमुख संरक्षण अधिकृत रामचन्द्र कँडेल, वरिष्ठ पशु चिकित्सक कमलप्रसाद गैरे, त्रिभुवन विमानस्थलका भन्सार अधिकृत मानबहादुर पौडेल, वन तथा भू–संरक्षण मन्त्री शङ्कर भण्डारीका स्वकीय सचिव कमलहरि जिसी र सहायक वन अधिकृत विश्व शेरचन सहभागी हुनुहुन्थ्यो ।

यसअघि नेपाली प्रतिनिधिमण्डल र चीन सरकार वन मन्त्रालयका भाइस एडमिनिस्ट्रेटिभ छेन छेङ्गजुसँग भेटवार्ता भएको थियो । 

यो भेटवार्तामा दुवै देशको वन तथा वातावरण तथा आपसी हितलगायत विषयमा छलफल भएको मन्त्रालयले जनाएको छ । नेपालले चीन सरकारको आग्रह बमोजिम चीनलाई दुई जोडी गैँडा उपहारस्वरुप प्रदान गर्ने निर्णय गरिसकेको छ ।

गैँडा हस्तान्तरणका विषयमा नेपाल र चीन सरकारबीच भएको प्रारम्भिक चरणको सम्झौता अत्यन्त सकारात्मक भएको वन तथा भू–संरक्षण मन्त्री भण्डारीको भनाइ छ । छिट्टै मन्त्रिस्तरीय सम्झौता हुने मन्त्रालयले जनाएको छ । रासस 

 

प्रतिक्रिया दिनुहोस

सम्बन्धित सामग्रीहरु

  • त्रिशूली नदीको दोहन रोकिएन

    धादिङ, वैशाख १३ – त्रिशूली नदीको दोहन बढ्दै गरेको छ । सरकारी निकायको ध्यान चुनावतिर गएको बेला त्रिशूलीको दोहन बढेको हो । गल्छी गाउँपालिकाको जिन्टे बगर रातभरि डोजर चल्छ ।

  • ​जुम्लामा माटो परीक्षण शिविर

    जुम्ला, वैशाख ११ – जुम्लामा माटो परक्षिण शिविर सुरु भएको छ । जुम्लाका स्याउ बगैंचा र स्याउ रोप्न लागेका ठाउँको माटो परीक्षण गर्न लागिएको हो ।

  • अर्ग्यानिक चियाको बजारिकरणमा समस्या

    इलाम, वैशाख ११ – इलाममा अर्ग्यानिक चिया उत्पादन वृद्धि भएको छ । अर्ग्यानिक चिया हेर्दा आकर्षित नदेखिनाले निकासीलाई भने समस्या हुन थालेको छ ।

  • पृथ्वी दिवसः वातावरणीय र जलवायु शिक्षामा जोड

    काठमाडौं, वैशाख ९ – वातावरणीय र जलवायु शिक्षालाई जोड दिँदै शनिबार पृथ्वी दिवस मनाइँदैछ । पृथ्वीको संरक्षण र वातावरण जोगाउन जोड दिँदै हरेक अप्रिल २२ तारिखमा पृथ्वी दिवस मनाइन्छ ।

  • बझाङमा पर्‍यो असिना–पानी

    बझाङ, वैशाख ८ – बझाङमा असिना–पानी परिरहेको छ । शुक्रबार आएको असिना–पानीले खेतबारीमा लगाएको अन्नबाली नष्ट गरेको स्थानीय बासिन्दाले बताएका छन् ।

सबै हेर्नुहोस
Foreign Employment
Job Vacancy
पछिल्ला समाचारहरु

मेरो पनि भन्नु छ

  • भारतले पाकिस्तान र बंगलादेशको सिमामा पर्खाल लगायो भने नेपालले पाउने भुपरिवेष्ठित देशको अन्तर्राष्ट्रिय अधिकार हनन हुन सक्छ । भारतको कदमले नेपालले आयात गर्ने सबै कुरामा भारतकै भर पर्नुपर्ने हुन सक्छ । त्यसैले सरकारले यो विषयमा अहिल्यैदेखि चनाखो बस्नु जरुरी छ ।

    ​रोशन राइ
  • राजनीति गरेँ भन्दैमा स्कुल तथा क्याम्पसमा आगो लगाउन पाइदैन । आफैले ज्ञान लिने ठाउँमा विनास गरेर के गर्न खोजेका हुन् विद्यार्थी संगठनले ।

    ​दिपा डिएच
  • बिबिसी नेपाली सेवाका प्रमुख रबिन्द्र मिश्र राजनितिमा आउने भन्दा खुसी लागेको छ । हाम्रो आशालाई निरासा नबनाइ दिनु होला । केहि गरेर देखाइदिनु होला ।

    ​लेखराज गिरी
सबै हेर्नुहोस

सोसल मिडिया