MENU

खेल

Ncell Axiata

लिभरपुललाई पछि पार्दै म्यानचेस्टर सिटी तेस्रो स्थानमा उक्लियो

वैशाख ३ – म्यानचेस्टर सिटी इंग्लिस प्रिमियर लिग फुटबलको तेस्रो स्थानमा उक्लिएको छ । लिग अन्तर्गत शनिबार राति भएको खेलमा साउथह्यामप्टनलाई ३–० ले हराएर म्यानचेस्टर सिटी तेस्रो स्थानमा उक्लिएको हो । अवे मैदानमा भएको खेलमा सिटीलाई जिताउन विन्सेन्ट कम्पनी, लिरोय साने र सर्जियो अग्युरोले एक एक गोल गरे । पहिलो हाफमा गोलरहति बराबरी भएको खेलमा ५५ औं मिनेटमा कप्तान कम्पनीले गोल गर्दै सिटीलाई अग्रता दिलाए । ७७ औं मिनेटमा साने तथा ८० औं मिनेटमा अग्युरोले गोल गरेपछि पेप गार्डिवलाको टिम ३–० ले विजयी भयो । जितपछि ३२ खेलबाट ६४ अंकसहित सिटी लिभरपुललाई पछि पारेर तेस्रो स्थानमा उक्लिएको हो । लिभरपुलको ६३ अंक छ । सिटी दोस्रो स्थानको टोटनह्याम भन्दा सात तथा शीर्ष स्थानको चेल्सी भन्दा ११ अंकले पछि छ । राति नै भएका अरु खेलमा स्टोक सिटीले हल सिटी तथा एभर्टनले बर्नलीलाई समान ३–१ र वाट्फोर्डले स्वान्सी सिटीलाई १–० ले हरायो । लेस्टर सिटी र क्रिष्टल प्यालेस तथा सन्डरल्याण्ड र वेष्ट ह्यामले समान २–२ को बराबरी खेल्दै अंक बाँडेका छन् । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया