MENU

खेल

Ncell Axiata
sagun

बिबिसी बिनाको रियल मड्रिडले जित्यो, अन्तिम समयमा गोल गर्ने इस्को नायक

वैशाख ३ – अन्तिम समयमा इस्कोको गोलबाट जित निकालेको रियल मड्रिड स्पेनिस ला लिगाको उपाधी होडमा बलियो अवस्थामा छ । लिग अन्तर्गत शनिबार राति भएको खेलमा रियल मड्रिडले स्पोर्टिङ डी गिजोनलाई ३–२ ले हराएको हो । अवे मैदानमा भएको खेलमा रियल मड्रिडलाई जिताउन इस्कोले दुई तथा एल्भारो मोराटाले एक गोल गरे । स्पोर्टिङका लागि डुजे कोप र मिकेल भेस्गाले एक एक गोल गरे । १४ औं मिनेटमा कोपले गोल गर्दै गिजोनलाई सुरुवाति अग्रता दिलाए । त्यसको तीन मिनेटपछि इस्कोले रियल मड्रिडका लागि बराबरी गोल फर्काए । पहिलो हाफमा १–१ को बराबरी भएको खेलमा ५० औं मिनेटमा भेस्गाले गोल गर्दै फेरि गिजोनलाई अग्रता दिलाए । त्यसको ९ मिनेटपछि मोराटाले रियलका लागि बराबरी गोल फर्काए । अन्तिम समयसम्म २–२ को बराबरी भएको खेलमा ९० औं मिनेटमा इस्कोले व्यक्तिगत दोस्रो गोल गर्दै रियललाई ३–२ को जित दिलाए । यो खेलमा गोलरक्षक केयिलर नावास तथा बिबिसी क्रिष्टियानो रोनाल्डो, करिम बेन्जिमा र ग्यारेथ बेललाई प्रशिक्षक जिनेदिन जिदानले आराम दिएका थिए । जितपछि शीर्ष स्थानको रियलले बार्सिलोनासँगको अंक दूरी तीन नै कायम गरेको छ । रियलको ३१ खेलबाट ७५ अंक भएको छ । राति नै भएको खेलमा रियल सोसिडाडलाई ३–२ ले हराएको बार्सिलोनाको ३२ खेलबाट ७२ अंक छ । ला लिगामा आउँदो आइतबार इएल क्लासिको अर्थात रियल मड्रिड र बार्सिलोनाबिच खेल हुनेछ । 

 

प्रतिक्रिया दिनुहोस

सम्बन्धित सामग्रीहरु

  • मेस्सीले पाए गोल्डेन–सू, दिए रोनाल्डोलाई टक्कर

    मंसिर ९ – स्पेनिस ला लिगा क्लब बार्सिलोनाका स्टार स्ट्राइकर लियोनल मेस्सीले गोल्डेन–सू अवार्ड जितेका छन् । गएको सिजन युरोपियन क्षेत्रका लिगामा सबैभन्दा बढी गोल गरेका मेस्सीलाई बार्सिलोनाका साथी खेलाडी लुइस स्वारेजले शुक्रबार बार्सिलोनामा आयोजित अवार्ड वितरण समारोहमा गोल्डेन–सू अवार्ड प्रदान गरेका हुन् ।

  • वेष्ट ह्याम र लेस्टर सिटीले अंक बाँडे

    मंसिर ९ – इंग्लिस प्रिमियर लिग फुटबल अन्तर्गत शुक्रबार राति भएको खेलमा वेष्ट ह्याम युनाइटेड र लेस्टर सिटीले बराबरी खेल्दै अंक बाँडेका छन् ।

  • रोनाल्डोले गरे डेम्बेलेको ‘इनसल्ट’, भने ‘मेस्सीसँग खेल्न बार्सिलोना आएको’

    मंसिर ९ – स्पेनिस ला लिगा क्लब रियल मड्रिडका स्टार स्ट्राइकर क्रिष्टियानो रोनाल्डोले बार्सिलोनाले यहि सिजन महंगो मूल्यमा भित्र्याएका उसमान डेम्बेलेलाई नचिन्ने बताएका छन् । अहिले एउटै लिगमा खेल्दा चिने पनि बार्सिलोनाले डेम्बेलेलाई अनुबन्ध गरेका बेला आफूले उसलाई नचिनेको रोनाल्डोको भनाई छ ।

  • महिला क्रिकेट : नेपालको पहिलो जित, मलेसियालाई ३३ रनले हरायो

    काठमाडौं, मंसिर ८ – महिला ट्वेन्टी ट्वेन्टी विश्वकप क्रिकेट एसिया छनौटमा नेपालले पहिलो जित हात पारेको छ । नेपालले शुक्रबार आफ्नो चौथो खेलमा मलेसियालाई ३३ रनले हराएको हो ।

  • मेस्सीले बार्सिलोनाको सम्झौतामा अझै गरेनन् हस्ताक्षर

    स्पेनिस फुटबल क्लब बार्सिलोनाका स्टार स्ट्राइकर लियोनल मेस्सीले क्लबसँगको नयाँ सम्झौतामा अहिलेसम्म हस्ताक्षर गरेका छैनन् । गएको जुलाईमा मेस्सीले सन् २०२१ सम्मका लागि सम्झौतामा हस्ताक्षर गरेको बार्सिलोनाले जनाए पनि अझैसम्म हस्ताक्षर नभएको हो ।

सबै हेर्नुहोस
Joktantra
पछिल्ला समाचारहरु

सोसल मिडिया