MENU

खेल

Ncell Axiata
sagun

एथ्लेटिकोले जित्यो, रियल मड्रिड र बार्सिलोनालाई पछ्याउँदै

वैशाख ३ – रियल मड्रिड र बार्सिलोनालाई पछ्याइरहेको एथ्लेटिको मड्रिडले स्पेनिस ला लिगा अन्तर्गत शनिबार राति भएको खेलमा प्रभावशाली जित निकालेको छ । घरेलु मैदानमा भएको खेलमा एथ्लेटिकोले ओसासुनालाई ३–० ले हरायो । एथ्लेटिकोको जितमा यानिक काररास्कोले दुई तथा फिलिप लुइसले एक गोल गरे । ३० औं मिनेटमा काररास्कोले गोल गरेपछि एथ्लेटिकोले पहिलो हाफमा १–० को अग्रता लियो । ४७ औं मिनेटमा काररास्कोले अग्रता दोब्बर पारे । ६१ औं मिनेटमा लुइसले गोल गरेपछि एथ्लेटिको ३–० ले विजयी भयो । जित निकाले पनि एथ्लेटिकोले दुई पेनाल्टीमा गोल गर्न भने सकेन । दुई गोल गरेका काररास्को पेनाल्टीमा चुके भने थोमस पार्टीले पनि पेनाल्टीमा गोल गर्न सकेनन् । जितपछि तेस्रो स्थानको एथ्लेटिकोको ३२ खेलबाट ६५ अंक भएको छ । एथ्लेटिको चौथो स्थानको सेभिल्ला भन्दा चार अंकले अघि छ भने दोस्रो स्थानको बार्सिलोना भन्दा सात अंकले पछि छ । शीर्ष स्थानको रियल मड्रिडको एक खेल कम खेलेर पनि ७५ अंक छ । राति नै भएको अर्को खेलमा डिप्रोटिभो डी लाकोरुनाले मालागालाई २–० ले हरायो । 

 

प्रतिक्रिया दिनुहोस

सम्बन्धित सामग्रीहरु

  • नेपाल युएईसँग पाँच रनले पराजित

    काठमाडौँ, मंसिर ७ - थाइल्याण्डमा जारी आइसिसी महिला विश्वकप टि–ट्वेन्टी एशिया कप छनोट प्रतियोगिताअन्तर्गत आज भएको खेलमा नेपाल संयुक्त अरब इमिरेट्ससँग पराजित भएको छ ।

  • ​फिफा बरियतामा नेपाल ६ स्थानमाथि उक्लियो

    काठमाडौं, मंसिर ६ – विश्व फुटबल बरियतामा नेपाल ६ स्थानमाथि उक्लिएको छ । विश्व फुटबल महासंघ फिफाले सार्वजनिक गरेको नयाँ बरियताक्रम अनुसार नेपाल ६ स्थान माथि उक्लिदै १ सय ७० औं स्थानमा पुगेको हो

  • दिल्ली र राजस्थान रोयल्सका खेलाडी इपिएलमा ललितपुरबाट खेल्ने

    काठमाडौं, मंसिर ७ – आउँदो पुसको ४ गतेदेखि सुरु हुने एभेरेष्ट प्रिमियर लिग इपिएल क्रिकेटको लागि अहिले ६ वटा टिम अन्तिम तयारीमा जुटेका छन् ।

  • बार्यन म्युनिखका फ्यानले गरे मैदानमा नोटको वर्षा

    मंसिर ७ – च्याम्पियन्स लिग फुटबल अन्तर्गत बुधबार राति भएको बार्यन म्युनिख र एन्डरलेक्टबिचको खेल भइरहेका बेला मैदानमा पैसाको बण्डल बर्सियो । अवे मैदानमा भएको खेलमा जर्मन क्लब बार्यन म्युनिखका समर्थकले पैसाको बण्डल मैदानमा फालेका हुन् ।

  • च्याम्पियन्स लिगमा पिएसजीको कीर्तिमानी जित, गर्‍यो सात गोल

    मंसिर ७ – च्याम्पियन्स लिग फुटबलको समूह चरण अन्तर्गत बुधबार राति भएको खेलमा फ्रेन्च लिग वान क्लब पेरिस सेन्ट–जर्मेन (पिएसजी) ले शानदार जित दर्ता गरेको छ । घरेलु मैदानमा भएको खेलमा पिएसजीले स्कटिस क्लब सेल्टिकमाथि ७–१ को कीर्तिमानी जित दर्ता गरेको हो ।

सबै हेर्नुहोस
Joktantra
पछिल्ला समाचारहरु

सोसल मिडिया