MENU

बातावरण-कृषि

Ncell Axiata
USAID

​पाटीगाउँ कागती पकेट क्षेत्र

विराटनगर, वैशाख ३ – जिल्ला कृषि विकास कार्यालय मोरङले जिल्लाको उत्तरी पहाडी क्षेत्र पाटीगाउँलाई कागती खेती पकेट क्षेत्र घोषणा गरेको छ । केराबारी गाउँपालिका–१ मा पर्ने  पाटीगाउँलाई कागती पकेट क्षेत्र बनाउँदै कागतीको लागि कार्यक्रम सुुरु गरिएको हो । 

जिल्ला कृषि विकास कार्यालय मोरङले किसानलाई लक्षित गरेर कागतीमा अनुदान तथा प्राविधिक सहयोग गर्नेगरी पकेट क्षेत्रको रुपमा कार्यक्रम गर्न लागेको जनाएको छ । व्यवसायिक कागती खेती पकेट क्षेत्र अभिमुखिकरण कार्यक्रममा बरिष्ठ कृषि अधिकृत मनोज यादवले पकेट क्षेत्र घोषणा गर्नुभयो । 

पाटीगाउँको मौसम कागती खेतीका लागि निकै उत्तम रहेकाले लामो समयदेखि कृषि कार्यालयले पाटीगाउँमा कागती खेती बिस्तारका विषयमा योजना बनाउँदै आएको थियो । कार्र्यलय प्रमुख यादवले कार्यालयको योजना अनुसार प्रधानमन्त्री कृषि आधुनिकीकरण कार्यक्रममा समेत पाटीगाउँ कागतीको पकेट क्षेत्रका लागि छनौटमा परेकाले अब कागतीको व्यवसायिक खेतीका लागि लाग्न कृषकहरुलाई आग्रह गर्नुभयो ।

पकेट क्षेत्रका लागि १० हेक्टर क्षेत्रफलमा व्यवसायिक कागती खेती बिस्तार गरिने छ । सुपर जोन र जोन कार्यक्रम सञ्चालनका लागि छुट्टै कार्यालय सञ्चालन गरिएको भएपनि ब्लक र पकेट क्षेत्रका लागि भने जिल्ला कृषि विकास कार्यालयहरुले नै गर्ने व्यवस्था गरिएको छ । त्यसै अनुसार मोरङमा ६५ वटा पकेट क्षेत्र बनाउने कार्य योजना बनाइएको छ । 

जसमध्ये पाटीगाउँ जिल्लाकै पहिलो कागती उत्पादन पकेट क्षेत्र हो । ६४ वटा पकेट क्षेत्र घोषणा हुन बाँकी नै छन् । किसानहरुले उत्पादन गरेको कागती जोगवनी हुँदै भारतसम्म जाने गरेको किसानहरुको भनाइ छ । जिल्ला कृषि विकास कार्यालयले थालेको अभियानलाई किसानहरुले उत्साहका साथ लिएका छन् । 

प्रतिक्रिया दिनुहोस

सम्बन्धित सामग्रीहरु

  • त्रिशूली नदीको दोहन रोकिएन

    धादिङ, वैशाख १३ – त्रिशूली नदीको दोहन बढ्दै गरेको छ । सरकारी निकायको ध्यान चुनावतिर गएको बेला त्रिशूलीको दोहन बढेको हो । गल्छी गाउँपालिकाको जिन्टे बगर रातभरि डोजर चल्छ ।

  • ​जुम्लामा माटो परीक्षण शिविर

    जुम्ला, वैशाख ११ – जुम्लामा माटो परक्षिण शिविर सुरु भएको छ । जुम्लाका स्याउ बगैंचा र स्याउ रोप्न लागेका ठाउँको माटो परीक्षण गर्न लागिएको हो ।

  • अर्ग्यानिक चियाको बजारिकरणमा समस्या

    इलाम, वैशाख ११ – इलाममा अर्ग्यानिक चिया उत्पादन वृद्धि भएको छ । अर्ग्यानिक चिया हेर्दा आकर्षित नदेखिनाले निकासीलाई भने समस्या हुन थालेको छ ।

  • पृथ्वी दिवसः वातावरणीय र जलवायु शिक्षामा जोड

    काठमाडौं, वैशाख ९ – वातावरणीय र जलवायु शिक्षालाई जोड दिँदै शनिबार पृथ्वी दिवस मनाइँदैछ । पृथ्वीको संरक्षण र वातावरण जोगाउन जोड दिँदै हरेक अप्रिल २२ तारिखमा पृथ्वी दिवस मनाइन्छ ।

  • बझाङमा पर्‍यो असिना–पानी

    बझाङ, वैशाख ८ – बझाङमा असिना–पानी परिरहेको छ । शुक्रबार आएको असिना–पानीले खेतबारीमा लगाएको अन्नबाली नष्ट गरेको स्थानीय बासिन्दाले बताएका छन् ।

सबै हेर्नुहोस
Foreign Employment
Job Vacancy
पछिल्ला समाचारहरु

मेरो पनि भन्नु छ

  • भारतले पाकिस्तान र बंगलादेशको सिमामा पर्खाल लगायो भने नेपालले पाउने भुपरिवेष्ठित देशको अन्तर्राष्ट्रिय अधिकार हनन हुन सक्छ । भारतको कदमले नेपालले आयात गर्ने सबै कुरामा भारतकै भर पर्नुपर्ने हुन सक्छ । त्यसैले सरकारले यो विषयमा अहिल्यैदेखि चनाखो बस्नु जरुरी छ ।

    ​रोशन राइ
  • राजनीति गरेँ भन्दैमा स्कुल तथा क्याम्पसमा आगो लगाउन पाइदैन । आफैले ज्ञान लिने ठाउँमा विनास गरेर के गर्न खोजेका हुन् विद्यार्थी संगठनले ।

    ​दिपा डिएच
  • बिबिसी नेपाली सेवाका प्रमुख रबिन्द्र मिश्र राजनितिमा आउने भन्दा खुसी लागेको छ । हाम्रो आशालाई निरासा नबनाइ दिनु होला । केहि गरेर देखाइदिनु होला ।

    ​लेखराज गिरी
सबै हेर्नुहोस

सोसल मिडिया