MENU

खेल

Ncell Axiata
NIC Asia

मेस्सी र रोनाल्डोमा लामपार्डले रोजे एक, को उत्कृष्ट ?

काठमाडौं, वैशाख ४ – बार्सिलोनाका स्ट्राइकर लियोनल मेस्सी र रियल मड्रिडका क्रिष्टियानो रोनाल्डामा को उत्कृष्ट फुटबलर भन्ने विवाद फुटबल जगतमा सबैभन्दा बढी चल्ने विवाद हो । दुबै निकै उत्कृष्ट खेलाडी भएको कुरामा कुनै विवाद छैन तर समर्थकहरु आफ्नो रोजाइ राम्रो भन्ने प्रमाणित गर्न अनेक उपाय अपनाउने गर्दछन् । 

दुबै विश्व फुटबलमा निकै उत्कृष्ट खेलाडी हुन् । रोनाल्डोले ४ पटक बालोन डिओर जितेका छन् भने मेस्सीले ५ पटक । मेस्सीले अहिलेसम्म ५ सय ५६ गोल गरेका छन् भने रोनाल्डोले ५ सय ८६ गोल । यो सिजनको ४४ खेलमा मेस्सीले ४५ गोल र १४ एसिस्ट गरेका छन् भने रोनाल्डोले खेलेका ३७ खेलमा २८ गोल र १२ एसिस्ट गरेका छन् । 

विश्व फुटबलमा बार्सिलोना र रियल मड्रिडबिचको खेल सर्वाधिक हेरिने खेलकुदमध्ये एक पनि हो । फुटबल पण्डितदेखि समर्थकसम्म एकअर्काको तारिफमा निकै समय खर्चने गर्दछन् । यस्तोमा चेल्सी लिजेन्ड फ्र्याङ्क लामपार्डले मेस्सी र रोनाल्डोबिच को राम्रो भन्ने आफ्नो भनाई राखेका छन् । 

मोडर्न फुटबलबारे कुराकानी गर्ने क्रममा मेस्सी र रोनाल्डोमा को उत्कृष्ट भन्नेबारे उनले भने, ‘केही थोरै फरकमा मेस्सी उत्कृष्ट छन् । मेस्सी र रोनाल्डो फुटबलका असाधारण प्रतिभा हुन् । तर मेरो विचारमा व्यक्तिगत क्षमताका आधारमा मेस्सी उत्कृष्ट छन् ।’ उनले अघि थपे, ‘मेस्सीको उत्कृष्टताको नजिक पुग्न पनि निकै कठीन छ, उनी अहिलेसम्मकै उत्कृष्ट फुटबलर हुन् ।’ 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया