MENU

खेल

Ncell Axiata
chhaka panja

आइपिएल : रोमाञ्चक खेलमा कोलकत्ता विजयी, दिल्ली ४ विकेटले पराजित

काठमाडौं, वैशाख ४ – इण्डियन प्रिमियर लिग (आइपिएल) क्रिकेटमा कोलकत्ता नाइट राइडर्स विजयी भएको छ । कोलकत्ताले दिल्ली डेयर डेभिल्सलाई ४ विकेटले हराएको हो । 

अन्तिम ओभरमा ८ रन आवश्यकता हुँदा अमित मिश्राले पहिलो बल डट, दोस्रो बलमा विकेट लिएका थिए । क्रिक्स वोक्स आउट भएपछि दबाबमा परेको कोलकत्ताका लागि मनिष पाण्डेले तेस्रो बलमा छक्का हानेर जित सुनिश्चित गराए ।

दिल्लीले दिएको १ सय ६९ रनको लक्ष्य कोलकोताले अन्तिम ओभरमा एक बल बाँकी छँदै ६ विकेट जाँदा भेट्टाएको हो । 
कोलकत्तालाई जिताउन मनिष पाण्डेले सर्वाधिक नटआउट ६९ रन बनाए । ४९ बल खेलेका उनले ४ चौका र तीन छक्का हानेका दिए । यस्तै युसुफ पठानले ३९ बलमा ५९ रन बनाए । उनीहरुले १ सय १० रनको साझेदारी गरेका थिए । यस्तै ओपनर गौतम गम्भिरले १४ रन बनाए ।  

दिल्लीका कप्तान जाहिर खान र प्याट कुमिन्सले दुई दुई साथै क्रिस मोरिस र अमित मिश्राले एक एक विकेट लिए ।

यसअघि टस जितेर पहिले ब्याटिङ गरेको दिल्लीले निर्धारित २० ओभरमा ७ विकेट जाँदा १ सय ६८ रन बनाएको थियो । उसका लागि सन्जु स्यामसनले २५ बलमा ३९, रिसभ पन्तले १६ बलमा ३८, श्रेयास ऐयरले १७ बलमा २६ तथा करुण नायरले २७ बलमा २१ र साम विलिङ्सले १७ बलमा २१ रन बनाए । कोलकत्ताका नाथन नीलले ३ विकेट लिए । यस्तै क्रिक्स वेक्स, उमेश यादव र सुनिल नारायनले एक एक विकेट लिए ।  

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
western union
nepali women
पछिल्ला समाचारहरु

सोसल मिडिया