MENU

खेल

Ncell Axiata
sagun

चेल्सीका कप्तान टेरीले क्लब छोड्ने

वैशाख ५ – इंग्लिस क्लब चेल्सीका कप्तान जोन टेरीले यो सिजनको अन्त्यसँगै क्लब छोड्ने भएका छन् । झण्डै दुई दशकदेखि चेल्सीमा रहेका टेरीले यो सिजनको अन्त्यमा क्लब छोड्ने घोषणा गरेका हुन् । सन् १९९८ मा डेब्यु गरेका टेरीले अहिलेसम्म सबै प्रतियोगितामा गरेर चेल्सीबाट सात सय ७१३ खेल खेलेका छन् । त्यसमध्ये ५७८ खेलमा कप्तानको भूमिकामा खेलेका छन् । उनी चेल्सीका सबै भन्दा बढी सफल खेलाडीका रुपमा रहेका छन् । उनले चारपटक प्रिमियर लिगको उपाधि जितेका छन् । यस्तै उनले एकपटक च्याम्पियन्स लिग, पाँचपटक एफए कप, एक पटक युरोपा लिग र तीनपटक लिग कपको उपाधि चेल्सीबाट जितेका छन् । क्लब छोड्ने निर्णय गर्दै टेरीले आफूलाई अझै पनि मैदानमा धेरै अवसर रहेको तर चेल्सीमा ती अवसर सीमित बन्दै गएको बताए । ३६ वर्षका टेरी १४ वर्षको हुँदा चेल्सीमा आएका थिए । उनले अहिलेसम्म क्लबबाट ६६ गोल गरेका छन् । यो सिजन उनले अहिलेसम्म प्रिमियर लिगका चार खेलमा मात्रै खेल्न पाएका छन् । उनले १७ वर्षको हुँदा लिग कपको खेलबाट चेल्सीबाट डेब्यु गरेका थिए । १९ वर्षको अवधिमा उनले प्रिमियर लिगमा ४० गोल गरेका छन् । उनले खेल जीवनको धेरै समय चेल्सीमै बिताएका छन् । उनी सन् २००० मा लोनमा नोनिङहम फरेस्टबाट खेलेका थिए । 

 

प्रतिक्रिया दिनुहोस

सम्बन्धित सामग्रीहरु

  • मेस्सीले पाए गोल्डेन–सू, दिए रोनाल्डोलाई टक्कर

    मंसिर ९ – स्पेनिस ला लिगा क्लब बार्सिलोनाका स्टार स्ट्राइकर लियोनल मेस्सीले गोल्डेन–सू अवार्ड जितेका छन् । गएको सिजन युरोपियन क्षेत्रका लिगामा सबैभन्दा बढी गोल गरेका मेस्सीलाई बार्सिलोनाका साथी खेलाडी लुइस स्वारेजले शुक्रबार बार्सिलोनामा आयोजित अवार्ड वितरण समारोहमा गोल्डेन–सू अवार्ड प्रदान गरेका हुन् ।

  • वेष्ट ह्याम र लेस्टर सिटीले अंक बाँडे

    मंसिर ९ – इंग्लिस प्रिमियर लिग फुटबल अन्तर्गत शुक्रबार राति भएको खेलमा वेष्ट ह्याम युनाइटेड र लेस्टर सिटीले बराबरी खेल्दै अंक बाँडेका छन् ।

  • रोनाल्डोले गरे डेम्बेलेको ‘इनसल्ट’, भने ‘मेस्सीसँग खेल्न बार्सिलोना आएको’

    मंसिर ९ – स्पेनिस ला लिगा क्लब रियल मड्रिडका स्टार स्ट्राइकर क्रिष्टियानो रोनाल्डोले बार्सिलोनाले यहि सिजन महंगो मूल्यमा भित्र्याएका उसमान डेम्बेलेलाई नचिन्ने बताएका छन् । अहिले एउटै लिगमा खेल्दा चिने पनि बार्सिलोनाले डेम्बेलेलाई अनुबन्ध गरेका बेला आफूले उसलाई नचिनेको रोनाल्डोको भनाई छ ।

  • महिला क्रिकेट : नेपालको पहिलो जित, मलेसियालाई ३३ रनले हरायो

    काठमाडौं, मंसिर ८ – महिला ट्वेन्टी ट्वेन्टी विश्वकप क्रिकेट एसिया छनौटमा नेपालले पहिलो जित हात पारेको छ । नेपालले शुक्रबार आफ्नो चौथो खेलमा मलेसियालाई ३३ रनले हराएको हो ।

  • मेस्सीले बार्सिलोनाको सम्झौतामा अझै गरेनन् हस्ताक्षर

    स्पेनिस फुटबल क्लब बार्सिलोनाका स्टार स्ट्राइकर लियोनल मेस्सीले क्लबसँगको नयाँ सम्झौतामा अहिलेसम्म हस्ताक्षर गरेका छैनन् । गएको जुलाईमा मेस्सीले सन् २०२१ सम्मका लागि सम्झौतामा हस्ताक्षर गरेको बार्सिलोनाले जनाए पनि अझैसम्म हस्ताक्षर नभएको हो ।

सबै हेर्नुहोस
Joktantra
पछिल्ला समाचारहरु

सोसल मिडिया