MENU

बातावरण-कृषि

Ncell Axiata
sagun

अनुदानले किसान व्यावसायिक बन्दै

इलाम वैशाख ६ –  व्यावसायिक गाई, बाख्रा र बंगुरपालन गर्दै आएका किसानलाई प्राथमिकतामा राख्दै जिल्ला पशुसेवा कार्यालय इलामले अनुदान रकम उपलब्ध गराएको छ । कार्यालयको युवा लक्षित पशुविकास कार्यक्रम अन्तर्गत साना गाई फार्मका लागि जिल्लाका चारजनाले एउटा गाई बराबर २० हजार रुपैयाँका दरले अनुदान रकम पाएका छन् । अनुदानका लागि कार्यालयले आह्वान गरेको आवेदनमा माग भन्दा बढी आवेदन परेको थियो । 

चारजनाको लागि मात्र अनुदान रकम दिइनुपर्ने भएपनि २८ वटा निवेदन परेको थियो । अनुदान पाएकाले गोठमा पाँचभन्दा बढी गाई अनिबार्य हुनुपर्थ्यो । कार्यालयका प्राविधिक डिगबहादुर कार्किका अनुसार चुलाचुली, देउमाई नगरपालिका, जीतपुर र पशुपतिनगरका किसानले अनुदान रकम पाएका हुन् ।

यस्तै युवा लक्षित कार्यक्रम अन्तर्गत नै बाख्रा फार्म सञ्चालनका लागि जिल्लाका जमुना, शान्तिडाँडा, बरबोटे र नामसालिङ्गका चारजना किसानले एक/एकलाख रुपैयाँका दरले अनुदान रकम पाएका छन् । त्यस्तै बंगुर फार्म सञ्चालनका लागि लुम्देका एकजना किसानले एकलाख रुपैयाँ अनुदान रकम पाएको प्राविधिक कार्किले जानकारी दिनुभयो । 

यस्तै गाईको मझौला गाई फार्म सञ्चालनको लागि सूर्योदय नगरपालिकाका एकजना किसानले साढे दुई लाख रुपैयाँ अनुदान रकम प्राप्त गरेका छन् । कार्यालयको युवा लक्षित पशुविकास कार्यक्रममा यो वर्ष जम्मा विभागबाट १४ लाख रुपैयाँ प्राप्त भएको थियो । 

 

प्रतिक्रिया दिनुहोस

सम्बन्धित सामग्रीहरु

  • बाढीले बगाएर भारत पगेका १० गैँडाको उद्धार

    चितवन, मंसिर ४ – चितवन राष्ट्रिय निकुञ्जबाट गएको साउनमा आएको बाढीले बगाएर भारत पुगेका १० वटा गैँडाको उद्धार गरिएको छ । पछिल्लो पटक भारतको पिप्रासीबाट एउटा गैँडाको उद्धार गरी सोमबार बिहान चितवन ल्याई सामुदायिक वनमा छाडिएको छ ।

  • कफी आयात र निर्यातमा कमी उत्पादनमा वृद्धि

    काठमाडौं, मंसिर १ – आज १३ औं राष्ट्रिय कफी दिवस : ‘आर्थिक सम्बृद्धिको लागि गुणस्तरीय कफी उत्पादन ! सरकारी, निजी र सहकारी क्षेत्रको राष्ट्रिय अभियान’ भन्ने नाराका साथ मनाइँदैछ ।

  • हिमाली जिल्लामा हिमपात सुरु, मतदान प्रभावित हुन सक्ने आशंका

    काठमाडौं, मंसिर १ – पश्चिमी भेगका हिमाली जिल्लामा हिमपात सुरु भएको छ । हुम्लामा शुक्रबार बिहानैदेखि हिमपात भइरहेको छ । सदरमुकाम सिमकोट र उत्तरी भेगका लिमी, मुचु खगालगाउँ, स्याँडा, हेप्का लगायतका क्षेत्रमा लगातार हिउँ परिरहेको हो ।

  • तिहारका फूलमाला उम्मेदवारका गलामा

    चितवनको क्षेत्र नं. ३ बाट उम्मेदवार बनेका नेकपा माओवादी केन्द्रका अध्यक्ष पुष्पकमल दाहाल प्रचण्ड अहिले घरदैलो अभियानमा हुनुहुन्छ । पञ्चेबाजासहित घरदैलो अभियान सुरु गरेका प्रचण्ड जुन घरमा पुग्नुहुन्छ, त्यही घरमा फूलमाला लगाएर स्वागत गर्नेको घुईंचो हुन्छ ।

  • चितवनमा अन्तर्राष्ट्रिय भैँसी विज्ञहरुको सम्मेलन सुरु

    चितवन, कात्तिक २९ – चितवनमा सौराहामा अन्तर्राष्ट्रिय भैँसी विज्ञहरुको सम्मेलन सुरु भएको छ । नेपालमा पहिलो पटक भएको यो सम्मेलनमा विभिन्न देशका भैँसी विज्ञहरुले सहभागिता रहेको छ ।

सबै हेर्नुहोस
Joktantra
पछिल्ला समाचारहरु

सोसल मिडिया