MENU

खेल

Ncell Axiata

रेफ्रीका दुई विवादास्पद निर्णय, रियल मड्रिडलाई फाइदा

वैशाख ६ – साबिक विजेता रियल मड्रिड लगतार सातौं सिजन च्याम्पियन्स लिग फुटबलको सेमिफाइनलमा पुगेको छ । क्वाटरफाइनलमा जर्मन क्लब बार्यन म्युनिखलाई समग्रमा ६–३ ले हराएर स्पेनिस क्लब रियल मड्रिडले अन्तिम चारमा स्थान पक्का गरेको हो । रियल मड्रिडको यो यात्रामा क्रिष्टियानो रोनाल्डो नायक बने । तर यो खेलमा रेफ्रीले गरेका दुई निर्णय विवादित रह्यो । खेलमा रोबर्ट लेवान्डोस्कीको गोलबाट बार्यनले अग्रता लियो । त्यसपछि रोनाल्डोल रियलका लागि बराबरी गोल फर्काए । तर रियलका सर्जियो रामोसले आत्मघाती गोल गरेपछि खेल अतिरिक्त समयमा धेकेलियो । पहिलो लेगमा रियल २–१ ले विजयी भएकाले होम एण्ड अवेका आधारमा पनि दुवै तर्फबाट बराबरी भएपछि खेल अतिरिक्त समयमा धकेलिएको हो । त्यसअघि ८४ औं मिनेटमा बार्यनका अटुरो भिडाल दोहोरो पहेँलो कार्ड खाँदै मैदानबाट बाहिरिए । भिडाललाई दोस्रो पटक पहेँलो कार्ड दिने रेफ्री भिक्टर कास्साइ र उनका अफिसियलको निर्णय विवादित बन्यो । तर यसले रियल मड्रिडलाई फाइदाजनक बन्यो । भिडालले रियलका एसेन्सियोसँगको ट्याकलका कारण दोस्रो पहेँलो कार्ड पाएका हुन् । यस्तै अरिक्त समयमा रोनाल्डोल रियलका लागि गरेको दोस्रो गोल पनि विवादि बन्यो । रोनाल्डोले १०४ औं मिनेटमा सर्जियो रामोसको पासमा गोल गरेका हुन् । तर रामोसले पास दिने बेलमा रोनाल्डो अफसाइडमा उभिएका थिए । तर रेफ्रीले रोनाल्डोको गोललाई अफसाइड मानेन् । बार्यनका प्रशिक्षक कार्लोस एन्सिलोटीले रेफ्रीको निर्णयको विरोध गरेका छन् । उनले क्वाटरफाइनलमा राम्रो रेफ्री राख्नु पर्ने वा भिडियो रेफ्री प्रविधि प्रयोग गर्नु पर्ने बताए ।

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया