MENU

खेल

Ncell Axiata

१०० गोलको दौडः रोनाल्डो बने पहिलो, पछि परे मेस्सी

वैशाख ६ – रियल मड्रिडका स्टार स्ट्राइकर क्रिष्टियानो रोनाल्डो च्याम्पियन्स लिग फुटबलमा एक सय गोल गर्ने पहिलो खेलाडी बनेका छन् । रोनाल्डोले लिग अन्तर्गत क्वाटरफाइनलको दोस्रो लेगमा मंगलबार राति बार्यन म्युनिखसँगको खेलमा ह्याट्रिक गर्दै एक सय गोल पूरा गरेका हुन् । यो खेलमा ४–२ को जित निकालेको रियल मड्रिड समग्रमा ६–३ को जितसहित लगातार सातौं सिजन च्याम्पियन्स लिगको अन्तिम चारमा स्थान बनाउन सफल भयो । एक सय गोलको दौडमा रोनाल्डोले बार्सिलोनाका लियोनल मेस्सीलाई पछि पार्दै पहिलो खेलाडी बने । रोनाल्डो र मेस्सी सन् २०१४–१५ को सिजन सकिँदा बराबरीको अवस्थामा थिए । त्यसबेला दुवै खेलाडीको च्याम्पियन्स लिग गोल संख्या समान ७७ थियो । तर रोनाल्डोले गएको सिजन १६ गोल थप्दै मेस्सीलाई पछि पारे । यो सिजन यो सिनज मेस्सीले धेरै गोल गर्दै रोनाल्डोसँगको दूरी कम गरेका थिए । मंगलबार रातिको खेलमा रोनाल्डोले ह्याट्रिक गर्दै एक सय गोल गर्ने खेलाडीको दौडमा आफूलाई अघि पारे । मेस्सीले अहिलेसम्म च्याम्पियन्स लिगमा ९४ गोल गरेका छन् । रोनाल्डोले युरोपस्तरको क्लब प्रतियोगितामा अहिलेसम्म १०३ गोल गरेका छन् भने मेस्सीको ९७ गोल छ । तर च्याम्पियन्स लिगमा रोनाल्डोले गरेको सय गोल म्यानचेस्टर युनाइटेड (१५) र रियल मड्रिड (८५) बाट हो । तर मेस्सीले सबै ९४ गोल एउटै क्लब बार्सिलोनाबाट गरेका हुन् । रोनाल्डो एक्लैले च्याम्पियन्स लिगमा एक सय गोलको आँकडा पूरा गरेको रात नै स्पेनिस क्लब एथ्लेटिको मड्रिडले क्लबको तर्फबाट एक सय गोल पूरा गर्‍यो । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया